Kakara ge leungit ti na karagetna; jol deui 8 jelema daredeg; bari marake baju saragam Katumenggungan; moal salah kanca2 Ki Demang ; teu mawa prajurit Cukup we 8 urang. Tah ieu teh sigana nu kasohor 8 Pangawal Katumenggungan Purworejo; memang jarago ; maranehna teu mawa prajurit lantaran boga kayakinan bisa nalukkeun 3 murid Alas Kobar. Naon sababna eta 8 Jago Katumenggungan bisana aya di Alas Kobar oge ? Geus sababaraha poe, Tumenggung Wiraguna geus ningkatkeun telik sandina pikeun nyilidik kaayaan Alas Kobar; nya kakara kamari meunang beja nu pasti yen cenah eta gorombolan teh kakara baralik ti daerah Merbabu geus ngarampog nu ngaliwat; tah beja ieu teh lain beja bobohongan; sigana enyaan; lantaran loba bukti2 jeung saksi; malah antarana ti nu kumpulan rampog oge, nu nyeri hate ka Macan Telu. Ku sabab kitu Tumenggung ngayakeun sidang jeung para Senapati; cek Demang Walang Seto lamun nu dibawa pasukan prajurit; bakal cambal; pasti maranehna barirat nyarumput; jadi memang kudu didatangan ku nu saeutik tapi jaradug; ulah ku lobaan. Tah ku sabab kitu Tumenggung Wiraguna ngutus Demang Walang Seto nu memang jagoan; terus sina milih pahlawan nu rek dibawa. Ki Demang nya mawa 8 Pangawal Katumenggungan; nginjeum ka Ki Tumenggung Wiraguna; untung Ki Tumenggung keur teu loba acara; jadi Ki Demang diidinan mawa eta pasukan Istimewa.HANCA
