Kang Hasan, sabenerna kuring rada isin jadi urang sunda teu ngarti basa sunda. Model ieu kecap : Suwung naha hartosna Teu Aya? Kapuluk naha hartosna teu katulungan ? Palangsiang naha hartosna "Sial"? Paluruh = naha hartosna "teangan"? Ngaheruk lewang = hartons "Bingung"? Nanding Heulang <= Ieu kecap ibarat/saperti Rangkebong = Bungangang = Bungan/Bingah?
________________________________ Dari: Ki Hasan <[email protected]> Kepada: Ki Sunda <[email protected]> Cc: Baraya Sunda <[email protected]>; Urang Sunda <[email protected]> Dikirim: Kamis, 24 Mei 2012 16:27 Judul: [kisunda] Fiksimini - Takdirna Fikmin #Takdir# Kulisik! Kahudangkeun adan subuh tina sapékér kabin kapal. Rét ka katuhu, Si Samsu tibra. Rét ka kénca, gebeg! Si Hamad suwung. "Nyaring euy! Si Hamad leungit" Manéhna gigisik lulungu. "Téang ka Toilét!" Suwung. Deregdeg ka pantri. Suwung. "Sugan di dék euy?" Suwung ogé. Panumpang di liliwatan ting kecewis. Majar tadi janari aya nu kababuk gelebugna angin laut di buritan. Tikoséwad ngagujubar, lapur teu kapuluk. Mencrong ka Si Samsu gigireun! Kerung silih pelong. Ratug tutunggulan. "Palangsiang euy?" Kumaha waléh ka kulawargana. Tapi taya pirasat. Rét kana erloji. Waktu terus nyérélék. "Mending subuh heula, engké paluruh deui!" "Heueuh!" ceuk manéhna ngaheruk lewang. Blus ka mushola. Rarat-rérét, ngulincer nanding heulang. Bréh ka juru katuhu shaf pangtukangna. Aya nu ngajentul. Awakna doyong. Sirahna ngeluk. Leungeun kénca malang nahan beuteung rangkebong. Panon mereket peureum. Paroman nahan kaseueul. Leungeun katuhu utak-utek milangan siki tasbé. Sungut ngunyem ngarapal dzikir. Plong! Bungangang. Si Hamad salamet tina sungut hiu. ***
