Ki Jinun umurna geus sampe 65 taun, tapi masih keneh resep ulin kolecer siga
budak ngora. Mun usum halodo, di lembur boh kolot boh budak nyarieun kolecer
anu ditanjerkeun ngabengbreng di sampalan sawah sisi cai. Eta kolecer aya anu
panjangna 10 meter, sorana tarik ngajerit jeung ngajelegur.
"Toeng...toeng...toennnnnnnggggggg burrrrrrrr" saperti kitu sorana.
Ieu kuring rek ngomongkeun Ki Jinun anu resep kana kolecer. Manehna boga
kolecer panjangna kurang leuwih 6 meter. Mun teungah poe, manehna geus aya
dihandapeun tihang kolecer nungguan sora kolecer bari make pecina dipalangkeun
doang Kabayan. Mun kolecer sorana tarik terus ngajelegur manehna ngagakgak
seuri sorangan"Tuuiiit...tuuiiit...tuiiiiiiiiiiiii blurrrrrrrr -
Ha..ha...ha...ha" kutu jeung kitu poho dahar poho shalat. Padahal saumuran
manehna kuduna betah aya di Mushola atawa Masjid lain aya disampalan
sawah, geus dasarna kitu poho kana umur jeung paeh salain eta mun nenjo
pisikna, mun lempang pedog da sukuna gede sabeulah. (Punten)
Dina hiji poe, si Ubed budak saluhureun ti kuring anu kateulah budak boloho
(purunyus) bin bangor. Si Ubed pasosore rek ka cai (walungan) make sarung
satengah bari mawa anduk anu dibelitkeun kana beuheung jeung ember leutik wadah
sabun jeung sikat. Jalan ka cai nyaeta mapay galengan anu
harita dipake naranceubkeun kolocer, harita Ki Jinun keur anteung nenjokeunn
kolecerna bari seuseurian sorangan. Keur anteng tanggah nenjokeun kolecerna
bari seuseurian, teu lila si Ubed anu katelah budak boloho (purunyus) ngaliwat
bari lempangna pepedogan nirukeun lempangna Ki Jinun terus ngomong
"Jinun...Jinun....Jinun....Lomraaahhhhhh.....Jinun...Jinun...Jinun...
Lomrahhhhhhhh burahel" (Bi Lomrah pamajikan Ki Jinun). Ngadenge omongan anu
nadana ngalelewe, eta Ki Jinun nyabut golok (bedog) dina cangkengna terus "Heh
dia budak bau cikur, culangung amat dia ka aing". Nenjo Ki Jinun nyabut golok
(bedog), eta si Ubed ngabecir lumpat bari ngomong "Sok bae
udag ari ka udag mah". Eta Ki Jinun tambah ambeuk, ceuk manehna "Awas dia ku
aing dibabayan". Aya-aya bae ari budak bangor teh nya.
==================
Pedog = pengkor
Pepedogan = pepengkoran
