Sanggeus ngahuleng sakeudeung, pok we Mawar Hideung nyarita :”Masalah maneh ayeuna keun we ku kula dianggap tuntas, nepi ka dieu; anggap we siksaan ti Kula ka sampeyan eta paringetan; engke deui ulah gana2 paksa pirusa ka saha wae; utamana ka nu lemah; model awewe kampung … ngarti !?” Sarerea getihan deui atuh gancang wae pa ting corowok diestokeun pisan … diestokeun pisan … ! Maranehna duka nepi ka iraha cocorowokan kitu teh … barang geus lila maranehna sadar yen Mawar Hideung geus ngiles ngan sakilat ; bari teu katenjo kumaha gerakna. Episode 65 : Ngamajukeun Walet Hideung Mawar hideung indit ka saungna Nini Anti lantaran aya tanyakeuneun; tapi di ditu suwung; ditungguan aya ka na 3 poena sugan balik; weleh teu hol wae; nya ahirna Mawar Hideung mutuskan bakal balik heula ka kumpulan Walet Hideung bisi murid2na deudeupeun; ditinggalkeun geus lila teuing. Teu kacatur di jalanna; nepi we ka tutugan Gunung Cereme. Atuh eta para murid teh raribut aratoheun pisan; harita keneh kaprak keprek marasak nyambut guruna nu Kacida dipisono ku sakabeh murid perguruan. Rea murid nu ceurik bungah; lantaran memang ka guru teh maranehna deukeut alah batan ka kolot sorangan. Bari saribuk maranehna naranya kumaha eta adu jajaten teh; da pasti guruna maranehna nya eta Mawar Hideung nu meunang , matak balik beleger ge. “Wah ampir2an Kula puput umur … “ cek Mawar Hideung jujur. “Keun ke peuting urang ngariung deui bakal ngadongeng panjang.” Nya ti semet harita mah, Mawar Hideung loba ccicing kumpul jeung para muridna; pikeun ngamajukeun Paguron Walet Hideung; ayeuna ge sautak saeutik Paguron Walet Hideung geus aya kasebutna di dunya persilatan; di dunya kapandekaran; murid2 Walet Hideung mimiti boga ngaran; mimiti sok tutulung ka nu butuh ; tatalang ka nu susah. Ayeuna mah rata2 murid Walet Hideung utamana Sari , elmuna geus bisa diandelkeun; geus bisa mapan; Mawar Hideung ge ayeuna mah teu pati susah teuing; mun ninggalkeun paguron rada lila. Na hiji mangsa Mawar Hideung mawa dua awewe; nu cenah diculik ku Rajawali Bodas Kuningan; ngaranna Nyi Ipah jeung Nyi Epon; duanana diwawuhkeun ku Mawar Hideung ka sakabeh murid2 sejenna; terus ti harita diangkat resmi jadi murid anyar Paguron Walet Hideung. HANCA
