Asma Al Malik, nu hartina Ngawasa , nu boga Kawasa; nu Ngarajaan … eta ge dungdeng sawalana; da memang saenyana mah mun geus ngayakeun hartina nya ngawasa; ngamilik eta nu diciptakeun. Tapi loba oge di dunya najan manehna nu meuli hiji barang, can puguh miboga mutlak; bisa oge dirudapaksa ku jelema sejen; jadi dina hal Ieu Allah teh sifatna Al Jabbar; Al Aziz; Al Mutakabbir; Al Qowiyyu; Al Matin. Nu Hartina Gagah Perkasa ; mo aya tandingna; penakluk jsjb. Jadi di na Nyiptakeun teh oge bisa jeung Kuat ngabelana hamo bisa direbut ku nu sejen. Giliran ka na Al Quddus; Maha Suci … bisa loba hartina; tapi Jalma nyekel hiji palenggeran yen AnjeunNa estu suci ti na sagala HAL; teu bisa dicabak ku sing saha wae Makhluq; AnjeunNa tara keuna kakotoran ku naon wae oge. Atuh Al Ala; dihartikeun ku Jalma Jauh pisan; luhur pisan teu kajangkow … da memang pang luhurna. Lain wungkul posisi kapangkatan; tapi NYATA jauh jeung luhur ! Tah Anjeunna mah sakedet Netra bisa ngajangkow jagatraya ieu. AnjeunNa caket ka urang; ari urang mah jauh ka AnjeunNa. Giliran Asma Allah Al Malikal Mulki jeung DzaljalaaliwalIkram; nu hartinaa Raja diraja jeung teu aya nu mapakan atawa nendengan; eta ge rada lila sawalana. Tapi ku sabab Asma2 nu sejen geus disawalakeun; jadi rada hampang ngabahasna. Tapi ahirna, sanggeus 5 bulanan sawala; duanana meunang kacindekan ( kesimpulan ); yen ieu diskusi moal tamat, jeung moal eureun nepi ka dunya ancur cek paribasana. Lantaran ngabahas Anjeunna Nu Maha Sagala; memang moal aya tungtungna; mun ditulis tea mah, kaburu beak bahanna, beak usahana …… Jadi Jalma jeung Ki Padmarasa terus we sujud syukur tanda yen duanana ngaku yen memang Elmu Allah mah, taya wates wangenna. Nya nu guntreng teh areureun we reureuh heula; bari ngalelempeng jalan ka na ibadah nu soson2.Hanca
