Nyi Epon kaget, lantaran asa2; asa geus panggih, terus manehna inget ka paguron Walet Hideung ; langsung inget Pendekar Baju Koneng; terus we Nyi Epon nyorowok :Teteh ! Meh bareng jeung Sarwa nu nyebut :”Sari !”
Keur kitu bari rada kokoloyongan ki Sarlita kaluar ngadenge ribut2; nempo Sarwa keur paungku ungku ceurik jeung hiji budak awewe; ari Nyi Epon ngahuleng we deukeut eta nu silih rangkul. Sanggeus gigisik; Ki Sarlita apal yen nu datang teh anakna Sari; atuh manehna oge gancang milu paungku ungku ceurik. Sanggeus rada leler paungku ungkuna; ahirna tiluanana sadar; terus we diajak ku Ki Sarlita kabehanana si na asup; centeng2 oge geus disadarkeun deui. Lampu petromaks dipasang; atuh imah ki Sarlita mani caang; para badega ge nu ti tatadi geus harudang, langsung pak pik pek marasak. Kaciri nu tiluan nya eta Ki Sarlita; Sarwa jeung Sari barungah pisan; Nyi Epon mah ngan bati melengek we. Ki Sarlita nu gancang nyarita yen isukan we Sari rek ngadongengkeun lalakon kakaburan teh; ayeuna sok mandi jeung dahar; terus istirahat. Nya Sari teh nurut; nya peuting eta mah Sari sare mani tibra pisan. Isukna di na riungan nu pinuh ku kagumbiraan; Sari ngalalakonkeun perjalanan minggat ti imahna nepi ka ditulungan ku Mawar Hideung; nepi ka carita eta, Ki Sarlita mani kekerot; terus we Sari nyaritakeun resepna jadi Pendekar jeung ngapalaan Paguron Walet Hideung; di dinya Ki Sarlita komentar:Eulis, Sari anak ama; ayeuna mah bebas euis rek kawin jeung Jalma ge satuju pisan.” Sari bari hareugeueun ; terus neruskeun caritana papanggih jeung Jalma ! atuh boh Ki Sarlita atawa Ki Sarwa kacida kagetna. Tapi sanggeus tamat eta lalakon Sari panggih jeung Jalma; boh Ki sarlita boh Ki Sarwa ngarasa mang hanjakal keun; ku ayana salah paham para Murid Walet Hideung jeung Jalma. Tapi karasa ku Sarwa; Sarlita jeung Nyi Epon, yen Sari masih tetep boga rasa mikadeudeuh ka Jalma. Sari oge nyaritakeun soal manehna diangkat jadi Pamimpin Walet Hideung; terus manehna ge tomada yen salila ieu lain teu hayang balik; tapi tanggung jawab ka nu mercaya manehna; nya eta Mawar Hideung; mangkaning Mawar Hideung kapan sakitu nyaahna ka Sari; jeung Sari boga hutang budi, hutang nyawa gede pisan ka guruna teh. Ki Sarlita jeung Ki Sarwa narima hal ieu; da ngarti yen memang mun teu ditulungan ku Mawar Hideung mah; hirup Sari meureun geus jadi runtah. Hanca
