Mak Syamsir dan dunsanak sadonyo, Saketek komentar dari ambo mak, batua kiniko indak ado ejaan standard dari bahaso minang dan dialek tiok daerah kadang2 babeda. Kalaulah diambiak ciek dialek sajo (ateh kasapakatan basamo) mungkin nanti urang nan dialeknyo babeda akan binguang. Contohnyo, kalau urang pasisia manyabuik "air" iolah "aie" tapi urang darek manyabuiknyo "aia", urang bukiktinggi manyabuik "tidur" "lalok" tapi urang payokumbuah manyabuiknyo "lolok" (maaf kalau ambo salah). Jadi, baa dek ndak disabuikkan sajo sadonyo tapi dengan manambahkan didalam kuruang asa daerahnyo. Daerahnyoko bisa kabupaten/kotamadya nyo Mungkin caro itu bisa dimangarati dek urang dari masiang2 daerahnyo. Contohnyo: tabek (bukiktinggi), tobek(payokumbuah/lintau) Sakitu komentar /sumbang saran dari ambo, talabiah takurang ambo minta maaf
Wassalam, Efri(36) Urang gaduik tilatang kamang -----Original Message----- From: Syamsir Alam [mailto:[EMAIL PROTECTED] Sent: Tuesday, August 03, 2004 6:38 AM To: [EMAIL PROTECTED] Subject: [EMAIL PROTECTED] USAO MANYUSUN KAMUS MINANG Ma sagalo adidunsanak jo anak kamanakan, Usao babarapo urang rang lapau untuak maansua-ansua manyusun kamus pastilah usao nan punyo arti. Apo lai di lapau awak alah supakaik untuak manulih dalam bahaso Minang untuak alaik komunikasi utamo. Kamus ko akan dirasokan sangaik bamanfaaik dek anak kamanakan nan laia dan gadang di rantau nan kamampauan babahaso Minangnyo sangaik minim. Namun baitu, ado babarapo hal nan paralu dikana dek adidunsanak jo anak kamanakan nan sadang basitungkin manyusun kamus ko. Di kuduang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
