Dear Eva,
Cincin banamo Gantosori, sasuai sajo di kaliagkiang. Ilang kamano ka Mamak cari, Lauiktan sajo bakuliliang.
Pantun ko adolah Pantun Randai, pantun nan Mak Ngah danga partamu kali Maso Japang dakek-dakek ka Mardeka wakatu mancaliak Randai nan Tongga dimainkan dek Anak Randai Rang Payokumbuah. Pantun tu taruih apa tangiang-ngiang di talingo dengan bayangan mato Anak Randai mamancak malapoh-lapohkan Sarawa Galembongnyo. Hep Tah ...
Pantun ko pun lah Mak Ngah ambiak, dan sarahkan ka Rang Dapua di Lapau kito, lah dipampangkan di Halaman Lapau marupokan salah satu dari ampek pantun nan Mak Ngah piliah. Kaampeknyo adolah sari dan marupokan rangkaian galian pantun nan kalau diinok dimanuangkan manunjukkan rasohati nan mesra dalam hubuangan antaro Rantau jo Kampuang.
Pajalanan Halaman Lapau lah pindah-pindah sapanjang sejarahnyo nan baru sapuluah tahun ko sajak Lapau muloi dibukak dek Angku Gindo Arisman di Kansas City. Sasudah hijrah ka Stanford University dengan Rang Dapuanyo Angku Andy Maas, kaampek pantun tu disusun rancak-rancak dek Angku Daniel Yusuf pado mulonyo di webpagenyo milik Washington State University di Spokane, Washington. Sudah tu inyo pulang, ka Indonesia, jatah emailnyo hilang, webpagenyo pindah ka mesin www.airland.com kapunyaan Mas Eddy Budisantoso di San Francisco dan ditaruihkan ka www.rantaunet.com dari masin nan samo dan kopinyo dibuek dek pengelola Jendela Indonesia di iit (Illinois Institute of Technology di Chicago). Baru-baru ko karano pindah ka Yahoo, dengan www.rantaunet.org nan kiniko, Mas Eddy lah manyetop rantaunet.com dan mungkin datanyo lah taapuih pulo di alam maya.
Dalam pajalananan hijrah maantaunyo kamapek pantun tu tampaknyo ciek lah lah hilang dalam internet ko. Wakatu Mak Ngah cari di google internet, pantun nan ampek tu tingga tigo lai; itu tacaliak dikutip atau dilinkan urang ka link lain, silakan caliak di http://cyamix.tripod.com/
Karatau Madang di Ulu, babuah babungo balun. Marantau Bujang dahulu, Di Rumah panguno balun.
Elok-elok manyubarang, jan sampai pandayuang patah. Elok-elok di Rantau Urang, jan sampai babuek salah.
Pantun nan hilang dalam search internet tu adolah, pantun asli dari Kampuang wakatu Mak Ngah baru pandai mandanga dan baraja pantun, ilia mudiak di tapi batang aia di Lereng Gunuang Marapi mangana hiduik Rang Kampuang jo Rang Rantau:
Puncaringek di Tapi Aia, babungo mangko babuah. Ingek-ingek Tuan balaia, Lauik sati Rantau batuah...
Nah Eva, saroman sambutan Angku Syahril, Mak Ngah sato bagambira Eva lah masuak Lapau (panggilan julukan kami ka Rantaunet). Mak Ngah sandiri indak duduak di Lapau hanyo mancigok atau singgah sakali-sakali di Lapau ko. Apo nan lapeh ka lapau indak babaliak ka jalua paribadi Mak Ngah. Jadi kok ingin sampai ka Mak Ngah silakan cckan sajo ka jalua paribadi pulo.
Kok bilo Randai tu ka dimainkan, dikarusuihkan, diseminarkan atau disiapkan di Hawaii nanti, tolong bari tahu Mak Ngah. Mak Ngah ingin bahubuangan jo para panguruih Randai tu di Hawaii nanti. Ingin Mak Ngah mancangkang mancaliak Randai tu. Mak Ngah cuma sapahambuaran dari Honolulu (anam jam bakapatabang dari Pantai Barat USA di Tapi Riak nan Badabua). Kadatangan Randai tu di Hawai nan partamu tempohari indak sempat Mak Ngah caliak cuma mancaliak laporan dan gambar-gambarnyo sajo dalam Journal of Asean Martial Arts, Volume 12, Number 1, 2003.
Baliak carito ka Kampuang, Gunuang Ameh tabayang pulo, dari Pua Data ka Baruah Gunuang, Bonjo Laweh sampai ka Guntuang lah Mak Ngah rancah pulo maso saisuak. Kini tingga dalam kanangan nan jaleh takileh jauah di mato. Good luck Eva.
Salam,
--Mak Ngah
X__________________________H. Sjamsir Sjarif, MA
Indonesian Translator and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED]
http://www.usindo.net/hambo
Tel (831)-426-1333 Fax (831)426-8907
=============================================
PS salah satu cc ka Angku Gindo Arisman di Unri Pakanbaru, tapi indak masuak-masuak, tapaso ccnyo dihapuih. Nanti ambo hubuangi paribadi.
32586
From: <[EMAIL PROTECTED]> Date: Sat Aug 21, 2004 6:34am Subject: RE: [EMAIL PROTECTED] datang tampak muko
Waalaikum salam, Wr. Wb.,
Karano alun pandai bapantun, kami ucapkan salamaik datang di palanta urang minang sanak Eva (uni, etek, adiak?), semoga lai sanang dipalanta ko.
Sorry ambo sok akrab dulu, dima di Padang, buliah carito saketek, dan kalau indak kabaratan buliah dibagi duo bahasa randai tu ka jalur pribadi sajo.
Sakian, Wassalam, Syahril.
> -----Original Message-----
> From: Eva Nukman [SMTP:[EMAIL PROTECTED]
> Sent: Friday, August 20, 2004 7:19 AM
> To: [EMAIL PROTECTED]
> Subject: [EMAIL PROTECTED] datang tampak muko
>
> assalaamu'alaykum wr. wb.
>
> perkenalkan, namo ambo Eva Y. Nukman,
> biaso dipanggia Eva, atau vavay.
> walau ambo lahia jo gadang di padang,
> Baruah Gunuang (utara Pikumbuah) kampuang ambo nan
> subananyo.
>
> tarimolah salam perkenalan dari ambo
>
> wassalam
>
> va
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.735 / Virus Database: 489 - Release Date: 8/6/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
