Sato ciek Mr Wady,....apo ado agamo nan turun di Indonesia, bukanyo agamo samawi turun di arab sado no, apo ugamo Wady? pasti dari arab, kecuali Hindu, Budha, import or not import is not importance Apakah anda penyembah yang bisa mati atau pernah mati atau yang waktu disalib berkata Ely...Ely lama sabaktani...(Tuhan kenapa Engkau Tinggalkan aku.)
Nofrijon Sofyan <[EMAIL PROTECTED]> wrote: Sanak Wady, Di dalam Al-Qur'an tu iyo alah disabuik baso ado tando-tando dalam satiok partukaran siang jo malam tu, mungkin tambahannyo adolah bagi urang-urang nan baraka/bapikia... aratinyo perubahan siang jo malam tu ka samo sajo bagi urang nan indak baraka/bapikia. Sanak Wady manyabuik baso baru-baru ko di daerah Maek tu ditamukan cagar budaya nan lah baumua kiro-kiro 1500 taun. Bukan ambo indak bangga sabagai urang 50 Koto tu, tapi kebudayaan lain nan ado di dunia ko bantuak nan ado di Mesir, atau Cino, atau tampek lainnya bahkan alah ado 3000 taun sabalun masehi, dalam aratian 3500 taun labiah tuo dari nan ado diawak tu, atau kalau ka di kaji-kaji bana, sampai ka kapa peniggalan nabi Nuh nan kini sadang diselidiki di Turki lah jauah-jauah bana sabalun itu, tapi manga Muhammad SAW itu dilahiakan di Makah, bukan indak di Maek, atau di Cino, atau di Mesir tu, tantu ado sabab musabab, nan kalau untuk ka badebat ka arah itu, sanak Wady ambo sarankan pahamilah dulu Al-Qur'an jo Hadis. Samo jo masalah alemu, jiko sanak Wady ka mangecek masalah lukisan Van Gogh, atau Leonardo dan Vinci, indak bisa sanak Wady langsuang baciloteh tanpa indak tau ba a bana Van Gogh atau Leonardo tu dulunyo. Atau jiko sanak Wady ka mangecek masalah engineering, baru tau rumus Ohm sa saketek lah nak mancubo pulo maota ba a urang mambuek komputer, atau ba a bisa urang sampai di bulan, tantu indak bisa cukuik sampai di sinan. Jiko ka dikaji bana, bantuak nan sanak Wady lontarkan baso Tuhan terjebak dengan ke'Maha'annya sampai mamparetongan masalah barek nan cuma ado di bumi ko nan terbatas--limited-- sadangkan bantuak nan ambo sampaikan baso 'Maha' tu infinity, batua bana apo nan disampaian dek sanak ambo Zulfikri baso nan tajebak itu adalah awak ko sebagai manusia nan barado di bumi ko, dek sasungguahnya iyo barek tu indak ado aratinya di lua angakasa sinan nan indak dipengeruhi dek grafitasi, aratinya nan melontarkan masalah barek tu juo alun sampai alemunyo ka situ lai. Dan ... astagfirullah, kalau sanak wady manyabuik masalah Islam tu sabagai urusan urang Arab dan tantang masalah import atau apolah namonyo, dan ka pakaro ka niniak muyang awak daulu nan manuruik wady lah sangaik hebaik, indak ado nan ka bisa ambo sabuik salain ambo sarankan sanak wady untuak banyak mambaco--jadi indak sekadar mambaco melody-melody di gitar sanak tu-- jiko sanak Wady ka mautak-atik masalah iko, tapaso tarutamo dalami lah dulu Al-Qur'an jo hadis. Saketek sabalun ambo tutuik, kalau buliah ambo manebak, mungkin sanak Wady ko salah surang anggota Islam Liberal? Wassalam, Jon 35 USA -- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net On Fri, 20 Aug 2004 12:18:08 -0700 (PDT), Wady Afriadi wrote: > > ----deleted ---- > Mungkasuik ambo mangirim berbagai topik nan cukuik sansitip tu, > adolah untuak mambukak wawasan kito tantang agamo. Ambo indak > badakwah ko do Mak, indak pulo ambo manunjuak maajari. Ambo cuma > mambantangkan masalah2 nan mungkin dapek manjadi ranuangan kito > basamo. Dalam Kuraan (kan baitu urang awak manyabuik Al-Qur'an, > Mak) alah disabuikkan juo; ado tando-tando dalam satiok > patukaran siang jo malam dst. > > Apokah kito andak mematikan raso, mambutokan mato, mamakakkan > talingo thd tando2 nan mungkin balain jo nan awak yakini? > ---deleted---- > Jadi, sabalun Nabi Muhammad SAW lahia, kebudayaan urang awak > (Minangkabau kuno) alah cukuik tinggi, Mak. Apokah ndak baharago > bagi kito basamo, sejarah asa usua niniak moyang nan SABANA > niniak moyang kito? > > Manga indak turun wahyu sekalian ka kito pado maso itu? Dek di > tanah Arab sajo turunnyo, sadangkan Tuanalah (kan iyo baitu > urang Minang manyabuik Allah SWT, Mak? Ambo indak marandahkan > do) indak tau manau jo kito maso itu do? > > Lai ado tasabuik di Kuraan bahaso ado nagari banamo Minangkabau, > nan urangnyo suko bapikek balam jo mahambuik buluah sabatang > balubang ampek, malagu bakcando manangih sarupo dendang? > > Suko atau indak suko, rela atau indak rela, tarimo atau indak > tarimo, agamo kito adolah IMPORT mak. > ---deleted---- > Apo salah niniak moyang kito inyo indak tau manau jo bangso > Arab, inyo indak pandai mangaji jo mambaco hadis, inyo indak > basumbayang bapuaso, sahinggo inyo masuak NARAKO kasadonyo > sasuai jo kayakinan kito? > > Paninggalan2 mambuktikan bahaso niniak moyang kito indak urang > Barbar do, Mak. Ma nan saharusnyo labiah kito hargai? ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ --------------------------------- Do you Yahoo!? New and Improved Yahoo! Mail - Send 10MB messages! ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
