Wa'alaikum salam wr. wb.
Maa mak Sidi, sungguah pun mamak surang nan disambah nak sarapeknolah niniak mamak,
alim ulama, cadiak pandai nan duduak di palanta nangko. Kok bisiak lah kadangaran kok
imbau lah kalampauan tantangan mak Bangsawan nan lah bamuhibah ka tanah Malaka dan
insya Allah barisuak baliau ka singgah di kandang singo. Jo hati nan suci muko nan
janih, bak kecek urang putiah kapeh bisa diliek putiah hati bakaadaan, ketek tapak
tangan nyiru ambo tampuangkan nak ambo sambo sambuik lah mak Bangsawan di ranah
nangko. Tapi samantangpun baitu kalau Allah indak maizinkan kito basuo karano baliau
hanyo bbrp jam di pulau nangko, insya Allah do'a kami mairingi mak Bangsawan samoga
salamaik pulang jo pai.
Dari sriwijaya ka malako
singgah sabanta di kandang singo
biapun badan indak basuo
cinto dihati ndak kalupo
wassalam
Junaidi (38), kndang singo
arshad sidik <[EMAIL PROTECTED]> wrote:
Assalamu`alaikum Wr Wb
Sanak palanta nan ambo hormati,
Lah basuo jo kawan nan datang dari Palembang, nan sadang maadoan "Muker SAS
di Kuala Lumpur, yaitu sanak Mulyadi St Bangsawan di Hotel Midah KL, dari
jam sabaleh malam sampai pukue duo pagi tgl 31/01 aguih/sept malam tadi,
Ambo baduo jo sanak Gani Usop [44 th] yang rang Maninjau lai sakali-sakali
mancogok di RN, kami lai sempat raun-raun sabanta mancaliak KL waktu malam,
sasudah tu kami minum "Teh Tarik dan makan nasi "Goreang USA, {maaf bukan
USA nan di aratian dek Mak Ban "Untuk Saya Apa", iko hanyo namonyo nasi
"Goreang USA, nasi nan indak bagoreang bantuak nan biaso, tapi rasonyo
.......bung, lain dari nan lain,
Walau hanyo basuo sabanta, rasonyo iyo lapeh taragak, sabab dek salamoko
hanyo kenal di RantauNet sajo, bilo lah basuo jo urangnyo, memang wae ko
"Gagah, Santiang dan Ramah pulo lai,
dek lamak mahota "Ingkin ka Mai" indak disangko ari lah pukue Duo pagi, jo
raso barek untuak bapisah, namun tapaso dilakukan dek sanak Mul, pagi-pagi
bana lah haruih basiap-siap pulo kapai manaruihan pajalanan ka Seremban dan
Malaka taruih ka Johor dan ka kandang singo di sinan mungkin lai pulo dapek
basuo jo sanak kito Junaidi,
untuak itu pulo bilo ado masonyo sanak RN nan pai/singgah di KL, agiah kaba
lah ka ambo atau Gani Usop, supayo dapek lo kito Basilaturrahmi, sambie
minum "Teh Tarik dan makan nasi "Goreang USA"
Wassalam
Sidi Arshad [47 th]
rang piaman di KL
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
---------------------------------
Do you Yahoo!?
New and Improved Yahoo! Mail - 100MB free storage!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
