Assalamu`alaikum Wr Wb
Junaidi yang ambo hormati,
Iyo baintun bana Nakan Junaidi, supayo kito nan ado di RN ko akan labiah dakek
rasonyo, apo bilo dapek saliang kenal mangenal satu samo lainnyo, sabab kito samo
sadunsanak atau sabagai keluarga besar RantauNet,
Walaupun nagari balain-lain, atau latar balakang nan indak samo, sarato pandidikan nan
babeda-beda, dari nan tinggi sampai ka nan randah saroman ambo ko, mudah-mudahan lai
samo satujuan untuak mampaharek tali pasudaroan,
Ambo doakan mudah-mudahan lai dapek basuo jo sanak Mulyadi st Bangsawan,..Amien
Dari Kuala Lumpur ka Malako
Singgah sabanta di Seremban
Mudah2an lai dapek batamu muko
Jo dunsanak M St Bangsawan
Wassalam
Sidi Arshad [47]
jun aidi <[EMAIL PROTECTED]> wrote:
Wa'alaikum salam wr. wb.
Maa mak Sidi, sungguah pun mamak surang nan disambah nak sarapeknolah niniak mamak,
alim ulama, cadiak pandai nan duduak di palanta nangko. Kok bisiak lah kadangaran kok
imbau lah kalampauan tantangan mak Bangsawan nan lah bamuhibah ka tanah Malaka dan
insya Allah barisuak baliau ka singgah di kandang singo. Jo hati nan suci muko nan
janih, bak kecek urang putiah kapeh bisa diliek putiah hati bakaadaan, ketek tapak
tangan nyiru ambo tampuangkan nak ambo sambo sambuik lah mak Bangsawan di ranah
nangko. Tapi samantangpun baitu kalau Allah indak maizinkan kito basuo karano baliau
hanyo bbrp jam di pulau nangko, insya Allah do'a kami mairingi mak Bangsawan samoga
salamaik pulang jo pai.
Dari sriwijaya ka malako
singgah sabanta di kandang singo
biapun badan indak basuo
cinto dihati ndak kalupo
wassalam
Junaidi (38), kndang singo
---------------------------------
Do you Yahoo!?
Win 1 of 4,000 free domain names from Yahoo! Enter now.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
