Ass,wr,wb. Mamak2 sarato Bundo Kanduang jo sanak handai taulan nan barado salingkaran rumah gadang RN ko, kok ketek indak ka basabuik namo gadang indak ka baimbau gala, alah duo baleh ari ambo tingga an palanta ko dek karano ambo raun sabaliak ka tanah subarang negeri Kuala Lumpur Malaysia jo Kandang Singo Singapur. Alah labiah saribu email nan masuak di inbox ambo nan barasa dari beberapo milis grup nan ambo ikuti, hampia 50 % nyo adolah dari RN.
Partamo sakali, bak kecek urang tuo2 kito atau ado hadistnyo kalau ambo indak salah bahaso urang nan salalu mempersambungkan dan mampaarek tali silaturrahmi antaro sesamonyo di dunya ko akan dipanjangkan umuanyo, wallahu alam bissawab. Oleh karena itu ambo banyak maucap tarimo kasiah ka dunsanak kito Gani Ushop dan Ajo Arsyad Sidik kaduonyo di KL dan Adinda Junaidi di kandang Singo nan alah manulihkan disejarah hiduik ambo bahaso ambo alah dijamu dengan tulus dan ikhlas salamo ambo 8 hari bakuliliang tanah semenanjung Malaka dan kandang singo baru-baru ko. Di Batam lai lah ambo kontak si Linda, tapi dek Tuhan alun akan mampatamukan kami mako kami hanyo dapek bakirim SMS sajo. Kalau dirantang namuah panjang, dipuntalah bia singkek, ancak disampaikan nan paguno sajo. Kami nan tergabung di organisasi SAS seluruh Indonesia, pai raun ka semenanjung Malaka tu adolah dalam rangka Muker sekaligus Tour. Dengan kekuatan labiah dari 150 orang anggota nan terdiri dari anggota SAS cabang Jakarta, Bogor, Banduang, Bali, Palembang, Bengkulu, Manna, Padang, Kotabumi, Bandar Jaya, Jambi dan dari Sulik Ayie sendiri, sarato ado beberapa urang nan menyusul belakangan. Itu alun tamasuak nan dari propinsi Riau nan datang tersendiri dengan rombongan Travel lain nan dengan sangaik menyesal mereka indak dapek bagabuang jo rombongan utama kami, jumlahnyo mungkin labiah dari 30 orang. Karano perjalanan kami diatur dek sebuah travel nan cukuik bonafit yaitu RM Travel, mako perjalanan kami sangaiklah dimudahkan. Hari pertamo kami lansuang ka Pulau Pinang, disinan kami lai sempat main Tenis jo club Tenis urang2 India disinan. Sasudah itu pulang ka KL dan maadokan Muker di Balai Polis Taman Titiwangsa Kuala Lumpur, pado acara Muker ko di hadiri pulo dek Pak Wali Nagari kami nan lansuang datang dari Sulik Ayie. Sasudah Muker tulah, ambo diperkenan dek Tuhan batamu jo sanak kito Gani Ushop dan Ajo Arsyad. Sabalun itu ambo alah batamu pulo jo Adinda Nasrullah (urang Sulik Ayie nan sadang meneruskan S2-nyo di KL). Carito tentang batamu jo duo dunsanak kito alah diuraikan dek Ajo Arsyad, jadi indak paralu ambo ulang baliak. Ooooyo.... sabalun itu kami alah di bao raun pulo dek travel nan menyusun program perjalanan kami pai ka Genting Highland, suatu tampek ketinggian nan sejuk saraso tingga didalam awan. Kami samalam disinan, ka Genting Highland ko bus atau kalau urang Malaysia bilang Bas kito harus mandaki tinggi babelok-belok saraso mandaki kelok sambilan atau mandaki sitinjau lauik di Indaruang Padang. Tibo disuatu tampek, Bas indak bisa naiak lai, mako perjalanan ditaruihkan dengan Sky Way atau cable car salamo 15 minik nan malalui bukik2 dan jurang2 nan dalam, ngeri rasonyo awak bagayuak diateh cable car tu. Diateh bukik tu, tersedia sagalo sarana dan prasarana hiburan dan khususnyo pajudian. Jadi awak kaateh tu bisa duo mukasuik, apokah ka bajudi atau pai plesiran sajo. Kalau tujuan plesiran banyak tasadio permainan anak2 seperti nan ado di Dufan atau di Taman Mini. Udaro sangaik lah dingin, awan sajo sakuliliang kito. Kamar Hotel tersedia cukuik dan keamanan cukuik terjamin sebab polis ado dimano-mano. Kok ka bajudi, awak bisa main jekpot, main kartu, main buah dadu, main Kim elektronis (bukan Kim saroman kito nan didendangkan jo lagu2 Minang tapi memakai bola2 angko nan diputa seperti undian2 nan biaso kito liek) dan lain sebagainyo. Seterusnyo nan paliang tersanjuang kami adolah pado acara perayaan kemerdekaan Malaysia ke-47 pado tgl 31 Agustus 2004 kami rombongan SAS di terima sebagai Tamu Negara nan ikuik menyaksikan upacara dan devile perayaan kemerdekaan di Tanah Merdeka Kuala Lumpur didepan Gedung Pemerintahan kota KL dengan disediakan kursi. Sasudah tu ke Putra Jaya suatu tempat pusat pemerintahan yang cukup asri 25 KM dari KL. Disinan dikumpuan sagalo kantua pemerintahan. Dan nan indak kalah pentingnyo adolah kami berkunjuang ka Istana Besar Kerajaan Negeri Sembilan nan istana aslinyo (istana nan lamo) persis seperti rumah gadang nan ado di kito. Kami dijamu makan siang dek Rajo sarato Permaisuri dengan caro makan kerajaan, dibukak dan ditutup dengan lagu kebangsaan Negeri Sembilan. Di Seremban ibukota Negeri Sembilan kami dijamu makan sore oleh Menteri Besar Negeri Sembilan (semacam Gubernur atau kepala pemerintahan Negeri Sembilan), Oyo, pado kedua acara tersebut kami didampingi atau ikuik Rajo Pagaruyuang nan sangajo datang untuak itu. Dan terakhir perjalanan kami menyebrang ka Singapur dari Johor Bahru, disinan lah ambo basabok jo adinda Junaidi, ambo ditaninyo singgah ka dangaunyo, dan bamalam samalam ambo disinan, ambo disambuik dek Urang rumah nyo nan barasa dari Tanjuang Balik sebuah nagari nan basubalahan jo Sulik Ayie dan beliau mempunyai duo putri nan cantik dan cerdas2, nampaknyo dunsanak kito ko walau alah 3 tahun di Kandang Singo ko tapi anak2nyo masih bisa berkomunikasi caro awak, memang patuik dicontoh. Di Kandang Singo ko dek karano rombongan kami alah duluan ka Batam, jadi ambo agak bebas dibao bajalan dek dunsanak kito nan surang ko, ambo di bao naik kureta bawah tanah dan manyubarang ka Pulau Sentosa jo Sky Way dan tampek2 wisata lainnyo. Tarimo kasiah adinda Junaidi ateh service dan bantuannyo, salam buek amai Zahra, Zahra dan Nurul. Sasudah itu babaliak ambo surang ka Batam dan bakumpua jo rombongan untuak pulang ka Palembang. Itulah sakileh carito dan oleh2 dari ambo dalam perjalanan Tour dan Muker SAS di KL Malaysia - Singapur, mudah2an ado manfaatnyo, semoga iko bukan untuak ria, tapi untuak memotifasi keakraban talisilaturahmi antaro sesamo kito, dan disiko sangajo ambo CC kan ka milis grup kami SulitaNet. Mohon maaf kok ado kato nan talonsong, garah nan talompek, ka Tuhan ambo mintak ampun. Wassalam, M.St.Bangsawan (47 th) Salah seorang anggota Tour & Muker SAS ke Kuala Lumpur Malaysia - Singapur > Assalamu'alaikum wr.wb. > > Iyo sabana sero basobok jo konco-konco RN di KL jo Sidi dan Angku Ghani > ditambah jo Angku Junaidi di Kandang Singo. Sanak Mulyadi alah joleh maa > nan > Teh Tarik jo nasi goreng USA, takana sangkek kami basamo jo Sidi dan Gani > makan di bawah siraman hujan labek di KL. > Baitu lah kito salanjuiknyo, saling jalang-manjalang, kok nan rancak Sidi > jo Gani Usop kito imbau pulo ka Halim main Tenis atau ka Pusri makan > pupuak > Palembang ee..hhh kaseleo, makam karupuak jo mpek-mpek Palembang di > pinggia > sungai Musi dakek jembatan Ampera, iyo sabana aseli dan sero rasonyo > Salam > ZS Mangkuto > Nan kompornyo alah acok maanggau > > ----- Original Message ----- > From: "Darul" <[EMAIL PROTECTED]> > To: <[EMAIL PROTECTED]> > Sent: Friday, September 03, 2004 8:36 PM > Subject: [EMAIL PROTECTED] " Lah Basuo ... Jo ... Sanak Mulyadi > > >> >> >> -----Original Message----- >> From: [EMAIL PROTECTED] >> [mailto:[EMAIL PROTECTED] Behalf Of jun aidi >> >> >> Wa'alaikum salam wr. wb. >> >> Iyo lah talapeh taragak dibuek no dan batambah arek rasono tali >> silaturrahmi. Katono silaturrahmi tu mampapanjang umua. >> >> wassalam >> >> Assl. WW >> >> Mudahan umua sanak Mulyadi nan alah manyambuang silaturrahmi, Palembang, >> Jakarta,Bogor, Batam, KL, KdSingo dst batambah panjang .............. >> panjang. >> >> Wass. WW >> Darul ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
