Assalamu`alaikum Wr Wb Nakan Rahima, sanak kasado alahe yang dihormati Dek lah tasabuik namo ambo, a-lah kajawabnyo dek ambo, nan paratamu sakali ambo ucapkan tarimo kasih ateh lah baresponnyo tulisan ambo, walaupun hanyo sabagai baso basi, untuak manyapo ambo, namun bagi ambo adolah satu pangharagoan nan sangaik gadang arati-e, Kalau memang ado rencana ka singgah di KL, ambo sangaik ongah mandanga-an supayo buliah basuo jo urang nan "Hebat" saparati nakan Rahima, kok nan salamoko hanyo dapek mangenali namonyo, dan sarato tulisannyo sajo di Palanta, Tapi jan lah takajuik pulo beko bilo lah basuo, dek karano amboko adolah "Rakyaik Badarai" mukasuiknyo rakyaik biaso, indak urang sikola, bansaik pulo lai, kok nan bantuak indak lai, nan bakureh dikaki limo mancarian untuang jo parasaian, lah tigo taun indak tajajak kampuang halaman, Dek karano bahaso Minang nakan Rahima alah rancak [pandai] ambo akiri surek listirik ko jo pantun, supayo Rahima buliah baraja lo bapantun, tapi sabalun tu ambo mohon maaf kasanak kasadoalahe, kok ado salah jo jangganyo, Mesir sabuah negara basijarah Nan ibu kotanyo banamo Cairo Samo ba Doa kito kapado Allah Kok ado suratan, mungkin basuo Wassalamu`alaikum Wr Wb Sidi Arshad [47] KL
Rahima <[EMAIL PROTECTED]> wrote: Waalaikumsalam.Wr.Wb. Mak Arsyad,makasih ateh penjelasannyo.Kalau ambo,iyo maraso patamo kali mambaco saniang baka.Pikiran Ambo mungkin di kota itu,banyak urang nan mambaka makanan.Saumpamo ( ikan dibaka,ayam dibaka,dagiang dibaka,makanyo di sabuiklah daerah itu,saniang baka ).Iyo sabana-bana itu dugaan ambo salamoko ( hehehe..bukan becanda,tapi jujur,itu pemikiran ambo ).Eh..indak tahunyo babedo. Maaf mak Arsyad,sulik bana diambo,kalau sehari indak tapikia untuak becanda. Oh yah mak boleh indak ambo singgah ka KL,lai di tarimo ambo ndak, agak samalam di KL ( hehe..jadi ingek lagu : " samalam di malaysia " ) tu,ingin juo ambo mancaliak KL dari dakek ( sabalunnyo lai pernah ambo singgah di KL,tapi sabanta,indak pai jalan-jalan doh katiko itu,hanya di hotel sajo ). Talabiah dan takurang ambo maminta maaf dan ucapan tarimo kasiah ka mamak. Wassalam.Rahima. __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
