Waalaikumsalam.Wr.Wb.
Mak Arshad semoga selalu dikasihi Allah.
Ambo acok mambaco postingan mamak di lapauko.Ado satu
nan sabana-bana di hati ambo mangeceannyo.Dan ambo
bukanlah basa-basi,dek ambo lahia di Sianta indak
pandai doh babasa-basi.
Mamak mungkin alah tahu,sifaik urang Medan tu,taruih
tarang,mungkin kalihatannyo iyo kaluanyo agak
kareh,tapi indak sakareh hatinyo doh mak.
Picayolah ka ambo,ambo memang sangajo manyapo
mamak,dek memang batarimokasiah ateh penerangan mamak
satantangan jo kato,saniang baka tu.
Tapi iyo,samakin salut ambo jo mamak,yang satu iko,"
Tawadhu ".Dari dulu ambo memperhatikan,mamak suko
marandahkan hati,Randah hati ( tawadhu ),itu iyo
sangaiklah dianjurkan dek ugamo kito.Sebab randah hati
justru manaiak an darajat sasaurang.Itu bukan ambo nan
mangecek an doh mak tapi Rasulullah SAW.
Dek karano tawadhu mamak itulah , tinggi derajat mamak
baik disisi manusia,apolai disisi Allah SWT.
Mak ..ambo sajak dari ketek,iyo indak pernah mancaliek
sasaurang tu dari harta,pangkaik,kayo,tapi iyo
sabana-bana suko ka urang dek karano kepribadiannyo
sajo.baa bacando itu ambo mak ? dek karano ambo surang
iyo urang nan kurang bapangatahuan,indak urang kayo
pulo,dari keluarga nan sangaiklah sederhananyo.Ambo
sabana-bana manyadari bahwa firman Allah mangatoan
kapado umaik muslimin kasadoalahe : " Sesungguhnyo nan
paliang mulia diantara kamu disisi Allah di caliek
dari kataqwaannyo ".
Ambo iyo tahu dan sadar bana,ambo surang dari rakyaik
biaso,ilmupun indak ado apo-aponyo doh,kalau di katoan
dek ambo badiskusi,lai bisa manjaweknyo,bukan dek
karano ambo pintar doh mak,tapi dek karano,ambo memang
urangno agak kareh stek.Kareh hati,bukan kareh kapalo
( hehehe..).
Apak paja ( hehe.bener ngak katono ko kato lain,selain
suami ),iyo taruih tarangnyo kaambo,alun pernah lai do
manamukan padusi sakareh ambo.( tapi syukurnyo baliau
lai mangarati jo ambo,baa banapun kareh hati ambo,lai
ambo patuh juo ka baliau tu ).Kareh-kareh karupak
sabananyo,lai gampang di kunyah seh,indak kareh batu
karang doh mak.
Ambo iyo agak serius nampakno ko,kamungkinan besar
ambo lai singgah kamalaysia beko,tapi sasudah lebaran
nofember iko.Ambo iyo sabana-bana ingin mancaliek KL
dari dakek,dek ambo banyak mandanga rancak
kotanyo.Tapi iyo agak binguang saketek,jo sia ambo
pai.
Jalan-jalan kakota Kuala Lumpur
Singgah sabanta karumah mamak
Kalau boleh ambo maminta
lai buliah dibawa kaliliang mancaliak kotanyo
Tapi jaan tapaso pulo yo mak,ambo takuik manyusahkan
urang mak ,kamungkinan kalau indak ado urang nan
kamanamani,di hotel sajo samalaman itu,atau kalau ado
teman dari Kairo,bisa samo-samo pai bakuliliang (
hehehe..)
( hehehe..),masih alun talatiah lai doh bapantun jo
bahaso awak.
Salam buek urang rumah dan keluarga .
Wassalam.Rahima.
--- arshad sidik <[EMAIL PROTECTED]> wrote:
> Assalamu`alaikum Wr Wb
>
> Nakan Rahima, sanak kasado alahe yang dihormati
>
> Dek lah tasabuik namo ambo, a-lah kajawabnyo dek
> ambo, nan paratamu sakali ambo ucapkan tarimo kasih
> ateh lah baresponnyo tulisan ambo, walaupun hanyo
> sabagai baso basi, untuak manyapo ambo, namun bagi
> ambo adolah satu pangharagoan nan sangaik gadang
> arati-e,
>
> Kalau memang ado rencana ka singgah di KL, ambo
> sangaik ongah mandanga-an supayo buliah basuo jo
> urang nan "Hebat" saparati nakan Rahima, kok nan
> salamoko hanyo dapek mangenali namonyo, dan sarato
> tulisannyo sajo di Palanta,
>
__________________________________
Do you Yahoo!?
New and Improved Yahoo! Mail - 100MB free storage!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
