--- Darul <[EMAIL PROTECTED]> wrote:
> Assalamulaikum WW
>
Waalaikumsalam.Wr.Wb.
Mak darul,tarimokasih ateh dukungan mamak ka ambo.
Alhamdulillah,lai rami akikah Muhammad El Birri.Malah
labiah rami dari nan di pakiroan.
Undangan ado 75 lembaran,di pakirokan akan datang
dari 75 lembar undangan tu,150 urang,sado kaluargano
diundang.
Tapi alhamdulillah nan datang labiah dari 200
urang.kambiang nan alah dua ikua ( gadang bana ) nan
di piliah dek apa Muhammad. . indak kambiang biaso
doh,tapi kambiang nan lamak rasono tu ( kecek apa si
Ila,dek ambo baa banapun jenis kambiang ambo iyo indak
talok mamakannyo,jaan kan mamakanno,mancium urang
mamasak se,ambo bisa muntah ).
Sado masakan,urang nan mamasak di musajik Indonesia
Kairo ,dakek rumah ambo juo.Ambo iyo samo sakali indak
kadapua , indak talok diambo.
Kecek urang hampia sado masakan taraso lamak
bana,batambuah-tambuah urang dibueknyo.Sate se sampai
ado nan indak kabagian,dek ado nan maambiak 10 tusuak
ciek urang ( hehehehe ).Tapi masakan indak sate
sajo,ado gulai juo, dan lainnya.
Kue-kue,jo minuman para undangan justru nan
mambao.Jadi iyo rami bana acaronyo.
Nan mambaca Al Qur'an iyo sabana santiang,tamasuak
ustadz penceramah ( calon penerus bapak Quraish
Shihab,penceramah teman akrab ambo juo,tapi ilmunyo
iyo tinggi,dan panyampaiannyopun lamak,urang sadonyo
diam mandangaan. ).Alhamdulillah,acaranya sukses.
Muhammad di pegang banyak urangpun indak apo-apo di
inyo.Lai elok,indak rewel.Sabulan baru lahia se inyo
agak gamang,dek balain mungkin rasono,tampaik di
rahim,jo di lua.makanyo acok bangun malam.Tapi
alhamdulillah kiniko elok se.Tidur,bangun
nyusu,mandi,..tidur,.bangun,..nyusu,..main,.dan suko
mangoceh,.antah aa,..nan di keceaanyo,.muluiknyo komat
kamit se.Agak balain dari uni dan uda-uda nyo.
Alhamdulillah muko lai tacelak saketek dari kakak dan
abangnyo.Kalau satiok urang nan mancaliek
mangecean,..elok bana lakunyo,indak panangih,indak
manyusahkan amaknyo,dan muko lai rancak dari uda-dan
uni nyo.
Ambo iyo agak heran lo saketek,anak-anak ambo sadonyo
dimato urang,batingkah sopan dan ramah bana,tapi kalau
di rumah,..ondeh..mande...barantam taruih,.ado se nan
jadi masalah diantaro sasamo mereka. Ado se nan jadi
provokator untuak barantam.tapi kalau di
lua,..tarutamo di kelas,guru-gurunyo mangecean ka
kami,elok bana anak kami tu,disampiang pintar,lakunyo
elok.
Rumah ambo se,acok bacando " kapa tabaliak,kursi di
baliak nan muko kabalakang,nan balakang
dimukoan.bantal dan salimuik dijadian
kemah-kemahan,..alun lai nan lain,..iyo bacando kapa
tajungkia ( hehehehe..).
Karateh-karateh habih dek tulisan gambar,buat
kapal-kapalan,pistolan,pesawat macam-macam,sasudah
bamain,iyo baserak dikamar.Ondehhhhhhhhh..paniang
kapalo mancaliaknyo
Antah baa lo tingkah nan ketekko,apo samo juo bacando
uni jo uda-udanyo.Hmmmmmmmm,.sang ortu memang di minta
untuak basaba dari tingkah anak-anaknyo.Kabaa lai...
Sagitu se dulu barito dari Kairo mak Darul, makasih
sabalumnyo sakali lai.
Wassalam nakan. rahima.
> Lai rami alek akikah si Muhammad El Birri, raso
> ingin maloncek ambo kian,
> tapi apo dayo sayok singkek. Mudahan nanti inyo jadi
> anak nan tacelak
> ditangah nagari. Nan ka jadi panarang dek urang
> banyak ..........
> amiiiiiiiiiiinnnnnnnnn
>
> Wass. WW
> Darul
>
_______________________________
Do you Yahoo!?
Win 1 of 4,000 free domain names from Yahoo! Enter now.
http://promotions.yahoo.com/goldrush
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
