Ass, wr, wb. Dunsanak nan arif bijaksano, kok dicaliak aliran postingan anak nagari di palanta RN nan kito cintoi ko pasca Pilpres tahap kaduo baru2 ko sangaik seketek mangulas atau mangomentari hasil Pilpres tahap kaduo tu. Apo kah kito indak sato dalam pembentukan NKRI ko kedepannyo. Apo alah habih energy kito dikaluakan mulai dari Pemilu Legislatif, Pilpres tahap pertamo dan kini Pilpres tahap kaduo. Kok iyolah manang dunsanak jauh kito SBY nan urang jawo tu jo urang sumando kito JK, apo kah lai ado urang awak bakal calon Menteri nan akan mancogok di Kabinet nantik. Sebab pado Kabinet Gotong Royong Mega-Hamzah hampia indak ado Urang Minang nan mamaciak. Apo koh pado Kabinet SBY-JK nantik cam itu pulo. Memang indak etis kito sabuik kini SBY-JK nan manang, dek karano bateh wakatu tu alun sampai, tapi kok dicaliak dari quick count nan alah kalua, rasonyo indak kamungkin dikaja dek Mega-Hasyim lai. Mega-Hasyim sampai pagi tadi baru mangumpuan 38,874 % sadangkan SBY-JK alah jauah melejit dengan perolehan suaro 61,126 %. Jadi, sialah kiro2 urang awak nan akan barado dibarisan Kabinet SBY-JK nantik, apo indak ado usul dari kito ka Urang Sumando kito JK untuak mamiliah warga terbaik Minang nan akan tampil. Sagitu sajo dulu untuak kapahangek palanta kito nan dingin2 ko.
Wassalam, M.St.Bangsawan (47 th). Mantan Sekretaris TPS-05 Komplek Pusri Palembang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
