Sanak M.St.Bangsawan, Assalamualaikum wr.wb.
Ambo satuju jo imbauan sanak untuak mauleh hasil Pilpres tahap kaduo, nan nampak dingin-dingin sajo dipalantako. Mungkin iko dek ulah sanak Wadi tu. Inyo nan mahabihan energi jo parhatian kito jo soal mampaolok-olokan agamo Islam awak.Alhamdulillah postingannyo indak bisa mancogok lai alias dibanned. Bak kato sanak Rahima ambo iyo sanang pulo balamo-lamo duduak dimuko palanta RNko untuak mambaco postingan nan banyak manambah pangatahuan agamo jo adat Minang awak, mulai dari mak Lembang nan tuo sampai ka A.Ridha nan mudo. Sampai indak taraso pinggang alah susah diluruihkan baliak deknyo katiko katagak. Manyangkuik soal menteri nan kaduduak dikabinet SBY, ambo yakin bana akan ado urang awak. Ambo raso dikabinet nan lalu-lalu tatap ado urang Minang-nyo,misalnyo di kabinet Gotong Royong Mega ado Pak Bakhtiar Chamsa nan urang Maninjau. Pak Yusril kabanyo sakarek Minang pulo. Nan manjanjikan 3 urang Minang duduak dikabinet kalau indak salah Dt.Rajo Basa suami bu Mega nan datang ka Sumbar sabalun Pilpres kaduo,ndak baitu Nyiak Sunguik? Dari pidato SBY nan ambo ikuti di Metro TV pagi tadi, dalam 100 hari partamo ado 3 prioritasnyo yakni perbaikan ekonomi,pemulihan keamanan dan pemberantasan korupsi. Nampaknyo SBY lai kamanapeki janji. Jadi tapek bana kaputusan PKS bagabuang jo baliau tu. Mudah-mudahan PAN baitu pulo. Disamping itu SBY mangatokan pulo bahaso susunan kabinetnyo mancaminkan Bhineka Tunggal Ika, jadi NKRI, sasuai jo harapan sanak St.Bangsawan. Ambo yakin akan ado urang Minangnyo,tapi indak mungkin AA nan gaek bak kecek Nyiak Sunguik , nan mungkin AA nan mudo dari UIN tu. Barito TV tadi pagi manyampaikan pulo tantang pangunduran diri pak Kwik Kian Gie dari PDI, apo iko tando-tando kamasuak kabinet SBY. Pak Todung Mulya Lubis alah acok pulo nampak basamo SBY. Nan paralu awak arok bana iyolah pambarantasan korupsi tu. Sarupo nan dulu panah ambo caritokan katiko ambo saoto jo AA nan gaek tu, ambo manyarankan baliau maimbau pajabat-pajabat tinggi Sumbar untuak sapakek basamo-samo mahantikan KKN, jan hanyo Jaksa Tinggi sajo dipabiakan surang, kok iyo lai urang Minangko manonjol budaya musyawarah mupakeknyo. Tapi baliau malah batanyo kaambo baa caronyo. Jadi ambo yakin bana indak mungkin baliau do nan kadiambiak SBY, paliang-paliang baliau jadi panasehat sajo. Kok dirantang iyo panjang,baiak dipasingkek dulu sahinggo iko sanak St. Bangsawan. Bialah disambuang dek sanak nan lain. Wassalam, Asmardi Arbi -----Original Message----- From: [EMAIL PROTECTED] [mailto:[EMAIL PROTECTED] On Behalf Of Mulyadi Sent: 23 September 2004 16:22 To: [EMAIL PROTECTED] Subject: [EMAIL PROTECTED] NKRI kedepan pasca Pilpres tahap kaduo Ass, wr, wb. Dunsanak nan arif bijaksano, kok dicaliak aliran postingan anak nagari di palanta RN nan kito cintoi ko pasca Pilpres tahap kaduo baru2 ko sangaik seketek mangulas atau mangomentari hasil Pilpres tahap kaduo tu. Apo kah kito indak sato dalam pembentukan NKRI ko kedepannyo. Apo alah habih energy kito dikaluakan mulai dari Pemilu Legislatif, Pilpres tahap pertamo dan kini Pilpres tahap kaduo. Dikuduang sasuai pasan mak Darul jo nakan Nofen. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
