Assalamu'alaikum wr.wb. Ambo iyo sapandapek jo sanak St.Lembang, apolagi sanak Wadi adolah anak mudo awak nan masih dalam pancarian kabanaran hakiki, iko manuruik datak hati ambo. Kito nan alah agak baumua harus arif jo bijaksano. Jan mamvonis lansuang sabalun kito malakukan fungsi pambinaan nan malakek pulo didiri awak. Barangkali ado 3 tahap nan harus ki tampuah untuak kasus samacamko. Partamo agiah paringatan lunak barupo nasehat nan barisi solusi baa nan saharusnyo batingkah laku sasuai jo dasar/landasan adat jo agamo. Tahap kaduo agiah paringatan nan agak kareh kalau alun namuah juo inyo mandangakan nasehat tu. Tahap katigo baru agiah hukuman nan sasuai jo aturan kalau inyo iyo lah mada bana indak namuah manarimo kabanaran nan awak sampaikan. Kalau kamanakan Wadi ko iyo lai namuah datang bisuak kalapangan tennis itu tandonyo inyo lai ba Tuhan dan baagamo Islam cando awak. Iko momentum nan paliang rancak dalam mamasuaki bulan suci Ramadhan ko. Mari kito saliang mama'afkan dan saliang manyayangi sasamo awak urang Minang. Wassalam,
Asmardi Arbi.( alah saumua nabi kapatang) -----Original Message----- From: [EMAIL PROTECTED] [mailto:[EMAIL PROTECTED] On Behalf Of stlembang_alam Sent: 30 September 2004 18:58 To: [EMAIL PROTECTED] Subject: [EMAIL PROTECTED] Parmintaan Maaf Assalamu'alaikum wr.wb., Ambo muloi jo firman Allah di dalam surek Ali Imran ayat 134 pakaro maaf ma maafkan ko, kapamuloi kaji. Ayat tu sabanano sabagai lanjutan dari ayat 133, jadi ambo bacoan sajolah kaduono sakali. Bersegeralah kalian untuk mendapatkan ampunan dari Rabb kalian dan untuk mendapatkan surga yang luasnya seluas langit dan bumi yang telah disediakan bagi orang-orang yang bertaqwa. (Yaitu) Orang-orang yang menafkahkan hartanya waktu dalam keadaan lapang atau dalam keadaan susah, (orang yang ) menahan amarah, dan (orang yang suka) memaafkan kesalahan orang. Dan Allah menyukai orang-orang yang berbuat baik. Pakaro mareh, bangih, ambo sato bangih ka urang mudo Wady, katiko awakno maampokkan flame kapatangko. Pakaro langsuang mangaluaan katiko itu, sabanano ambo masih dalam bapandapek, ambeklah sabanta daulu, bialah awak cubo mananyoi no baliak. Pakaro panokok alah jatuah, ano alah dikaluaan, ambo indak mamposisikan diri mamparotes katiko itu. Ambopun mangarati nan bahaso aturan iyo paralu ditagakkan. Namunpun baitu, manuruik pangamatan ambo, nan mungkin sajo salah, urang mudoko paralu dipintehi ka'ingkaran'no. Dek awakno kan urang awak juo du. Jadi kalau masih mungkin untuak dinasihati, tahutanglah ka awak untuak manasihatino, baitu manuruik pandapek ambo. Mako ambo katuju nak maagiah kasampatan, kalau lah no amuah mintak maaf, kalaulah no amuah bajanji indak ka mambuek karuah lai, indak kamaampok-an api (flame) lai, masih paralu awak barusaho 'mampareloki' no baliak. Kok lai untuang, masuak juo pitunjuak jo kabanaran ka dalam hatino. Sabab nan sabana hati manusia itu iyo Allah Ta'ala juo nan ka mambolak-baliakkan. Tapi kok nyampang biko, tanyato misalno awakno ka bamain-main sajo, ka ba olok-olok sajo, ka mampamain-mainkan awak sa palanta sajo, barulah buliah awak putuihan pulo kaji baliak sasudah itu. Itu nan taraso di hati ambo. Baa kiro-kiro nan agak hati awak nan basamo? Wassalamu'alaikum wr.wb., Lembang Alam ----- Original Message ----- From: Darul <[EMAIL PROTECTED]> To: <[EMAIL PROTECTED]> Sent: Thursday, September 30, 2004 3:38 PM Subject: [EMAIL PROTECTED] FW: Parmintaan Maaf dari Wady Afriadi > Assalamulaikum WW > > Ma Sanak Sinaro, nan katangah iyolah tapek, iyolah rancak pandapek sanak. > Namun baitu tu kini, tibo dimato indak dipiciangkan, tibao diparuik indak > dikampihkan. A nan tapikia kutiko itu, apo salah jikok kabanakan mampunyoi > kesempatan untuak mampabaiaki diri. Tolong caliak kalimat terakhir. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
