Assalamualaikum.Wr.Wb.
--- stlembang_alam <[EMAIL PROTECTED]> wrote:
> Wa'alaikumsalam wr.wb.,
>
Mak Lembang alam nan ambo sagani. Ado kesenangan
tersendiri bagi ambo bila mak Lembang Alam mamanggia
ambo jo panggilan : " Ustadzah ".Di siko ambo turuik
mando'akan agar anak mamak capek cegaknyo.Amin Yrbl.
".
Meski panggilan ustadzah itu sabananyo untuak nan alah
profesor di Mesir, khususnya, Arab umumnyo. Tapi kalau
di Indonesia, biasono, ustadzah itu nan suko maaja
murid di madrasah, atau pesantren, atau juo nan maaja
murik-murik karumah-rumah.
Bagi ambo sacaro pribadi, kalau ambo di panggia
ustadzah justru taraso seolah-olah ke tawadhu'an ambo
sangaiklah di tuntut, dek karano tu ambo suko
dipanggia ustadzah, bukan makasuikno nan alah
profesor, tapi ketawadhu'an itu..
Dan bia agak taraso ambo iko urang Minang nan Asli,
asal lai Kamang hilia, ambo sanang sekali dipanggia "
Rangkayo Rahima ", dan masih ado tanah leluhur, kalau
ambo ka tingga di Sumbar itu, apolai rumah gadang,
masih ado juo tampek ambo lalok, agak sabanta, kalau
taruih, iyolah ambo labiah suko rumah nan hasia dari
karingek apak paja, daripado tanah pusako, dek karano
itu ambo labiah suko manyewa rumah daripado tingga di
rumah gadang.
Mudah-mudahan, kalau ambo lai ado rasaki, jo
kesempatan satahun di Indo, insyaAllah alah ado rumah
surang di Sumbar, indak di P.Siantar lai doh..Tapi bak
kecek bundo Nismah, rumah kalau ditingga akan
rusaknyo, maka ambo bapikia-pikia baliak, dek karano
ambo indak kan mungkin untuk bara tahun kedepan tingga
di Indo, selain setelah dapek apo nan manjadi
cito-cito suami nan tacinto.Liau sangaiklah
berkeinginan bana agar kuliyah ambo taruih sampai
keakar-akar nyo bana.Apo sajo diagiahkannyo ka ambo,
terutama masalah materil iko, dukungan non materil,
liau namuah mambantu ambo di dapua asa lai ambo namuah
malanjuik an sikola. Ambo ndak ingin mengecewakannyo,
tapi ingin membahagiakannyo.Liau ko dulu cito-citonyo
tinggi, tapi dek banyak halangan jadi sikolanyo sampai
diploma sajo( 2 thn setelah dapek Lc nyo ) .
Lalaki kalau lah kawin sangaiklah sulikno malanjuik
an sikola, pikirannya alah mancari pitih senyo tuh,
maka jadilah ambo nan kamagantian cito-citonyo tu, dek
dicaliaknyo ambo lai bakamampuan dari segi otak dan
kecerdasan. Liau dulu ruponyo alah jeli mancaliak
ambo, nan ambo indaklah tahu bahwa amboko dapek
perhatian khusus darinyo, tanpa ambo sadari.,
kasadonyo diperhatikannyo, tingkek kasih sayang ambo
kamanusia lainnyo, kecerdasan, kelincahan di dapur jo
aktif di organisasi, ibadah , akhlak, sampai-sampai
bentuk tubuh ambo nan dulunyo sangaik diragukannyo
adolah badan ambo nan sangatlah kurus, takuik kalau
indak bisa melahiakan anak beko..
( Dasar lelaki, pandai menerkam ikan didapur , di
intip-intipnyo dulu, baru dimakannyo, kadang dengan
sifat, dan watak lelaki ko ambo iyo suko
geleng-geleng kapalo sajo, untuanglah ambo lai banyak
kenal jo lelaki, jadi alah mangarati tingkah dan
gelagatnyo ko ). Hmmm..lelaki-lelaki, memang dirimu
diciptakan selain untuk mengabdi pada Allah, juga
untuk melindungi wanita. ( hmm,�jadi takana masa mudo
dulu, banyak nan dakek ka ambo, kasadonyo sangaiklah
panyayangnyo, dan berjiwa melindungi perempuan )..
..
Mak lembang jo dunsanak kasadoalahannyo, Kato "
Rangkayo " tu, maingek an ambo agar menjadi urang nan
sabana-bana kayo sesuai jo Hadist rasulullah : "
Bukanlah nan dikatoan kayo, urang nan banyak
haratonyo, tapi nan dikatoan kayo adolah kayo JIWA,
kepribadian ".
Mudah-mudahan Allah lai tetap memberikan RahmatNyo,
limpahan rezekiNyo, kapado kami sekeluarga, kayo
harato, bisa banyak berinfak dan menolong urang nan
susah, dan semoga jadilah ambo urang nan benar-benar
di ridhai Allah ta'ala, punya kepribadian nan sasuai
jo Allah dan RasulNyo, jadi urang nan baguno untuak
bangsa, daerah dan ugamo Islam.
Bukankah kito hiduikko sabanta, jadi indak banyak nan
ambo angan-angankan didunia ko, selain keridhaan Allah
SWT, dan dapek memberikan manfaat bagi suami,
anak-anak kami, jo manusia lainnyo, tantu tarutamo jo
diri ambo surang.Beko alah sibuak awak mendakwahin
urang lain, awak lupo jo diri surang, naudzubillhi
mindzalik.
Mak Lembang ado nan ka ambo tanyoan satantangan
kato-kato mamak di bawah iko, sabab ambo kurang
mangarati makasuiknyo doh.Mudah-mudahan lai ado wakatu
mamak manjawekno, jaan dipaksoan yah mak..?
> Rangkayo Rahima (biaso pulo ambo sapo ustatzah mudo
> Rahima)
>
> Iyo baitulah kaadaanno. Sanang ati awak jo
> kabaradoan Palanta awakko, tampek
> bakucindan bacarito,
" Bakucindan " itu apo mak lembang, apokah bacando
nan makasuikno cando nan negatif, atau positif (
konotasi bakucindan tu positif atau negative ).
?
.
>
> Tamasuaklah dalam kasampatan ko, ambo paribadi,
> mamaafkan kasalahan
> dunsanak/kamanakan kito Wady, nan alah mintak maaf
> ka sidang nan basamo.
> Samo kito doakan kapado Allah, mudah-mudahan
> ditunjuak-i Allah juo awakno
> kajalan nan bana.
>
Ambo secara pribadi juo minta ridha dan maaf ateh
kesalahan ambo salamoko, dek hari dakek bana jo
Ramadhan, juo sakarang iko adolah bulan Sya'ban dima
rasulullah SAW juo sangaiklah banyak ibadah dan
puasono dibulan ko, oleh karena itu, agar puaso dan
ibadah awak lai diterima disisi Allah, rancak awak
barasian diri dari kesalahan sasamo kito, baiak nan
disangajo, ataupun indak disangajo.
Wassalam.Rahima.
,
Itu sajolah daulu. Maaf jo ridha ambo puhunkan.
>
> Wassalamu'laikum wr.wb.,
>
> Lembang Alam
>
> (sadang di rumah dek ado kaparaluan siang hari ko)
>
_______________________________
Do you Yahoo!?
Declare Yourself - Register online to vote today!
http://vote.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
