Kok buliah ambo saketek basuaro, nampaknyo lah ka ma pai pulo ota kito kini dek mambahas masalah sanak Wady ko (kalau ndak salah inyo labiah suko dipanggia Af). Sabananyo tolok ukua kini adolah minta maaf bakeh ka nan basamo supayo sanak awak tu dapek duduak baliak basamo di palanta ko, talapeh apokah inyo ka taubat (apolai nan nasuha), atau indak, atau ka baliak sanak awak tu ka jalan Islam atau indak, itu ambo raso indak lah urusan awak nan basamo, itu adolah urusan sanak tu pribadi, indak bisa awak ka campua tangan, nabi Nuh surang pun indak bisa mambao anaknyo ka jalan nan bana. Nan jaleh sanak tu lah bajanji indak ka mambuek flaming lai, dan itu syarat utamo nan alah diagiahan dek urang RN ko--kalau ambo indak salah admin Miko panah manyabuik baso kok sanak tu minta maaf dan bajanji indak ka mambuek flaming lai, bisa ditarimo baliak. Talapeh dari "mailis urang awak" nan Af masih tatap mamacik jo carito-carito ekstrimnyo, atau mailis "indonesian_atheis" nan ambo raso Af juo masih di sinan, ambo raso indak paralu pulo awak di siko bapolemik pulo untuk ka manarimo sanak tu baliak atau indak. Jalurnyo alah ditampuah dek sanak Af tu, minta maaf dan bajanji indak ka mambuek flaming--sakali lai flaming--talapeh dari taubat atau indak sanak awak tu. Ciek pasan ambo ka si Af, tantu sanak labiah cadiak dari ambo untuak ka mambuek kalimaik tu nan rancak, tapi tantu ado beda urang mambuek pernyataan atau sekadar olok-olok jo urang nan sekadar batanyo dek iyo memang indak tau atau dek sabana ingin tau. Ambo indak mangganggu gugat kepercayaan sanak dek negara awak sendiri pun indaklah negara Islam, tapi paralu juo sanak ingek baso negara awak pun masih anti paham atheis, dalam aratian jiko sanak ka maajak urang untuak ka atheis, jajak sanak tu masih diawasi dek pihak nan berwajib--dan ambo indak main-main, ba a tu dek sanak...
-- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
