Assalamualaikum Wrwb
Mangecek tantang agamo jo diskusi manganai kaimanan ko
yo bana sangat sensitif bana, apo lai nan manyangkuik
masalah ibadah, keyakinan dan lain lainnyo, kalau
urang indak namuah sasuai pandapek jo kito jan kito
kecekan urang tu sulik manarimo kebenaran Allah swt,
sabab urang tu pun tuhan nyo Allah Swt juo, tapi
mungkin caronyo lain indak sarupo jo nan kito punyo.
Untuak kacontoh sajo adolah aliran Muhamaddiyah Jo
aliran Tasauf (iko nan ado di kampuang ambo Koto
Tinggi Gunuang omeh Payokumbuah Mudiak). kok duo
aliran ko badebat jo pahamnyo masiang masiang bukanyo
kato sapakat nan di dapek tapi pacah dalam masyarakat
nan tasuo, namuah babuek musajik duo dalam ciek
kampuang dinyo (kalau dikota duo musajik dakek2
mungkin, tapi kalau di kampuang iyo alun basuo lai).
Tantangan sumbayang sajo, jan kan nan sunat sarupo
tarawiah, nan wajib sajo sarupo subuah lai barubah ado
nan pakai kunuik ado nan indak, ado nan iftitahnyo
"Allah humma Ba'it...." ado Juo "Kabirrau.....". kalu
di pasoan paham masiang2 tantu cayia wak dinyo.
padohal aliran ko samo2 mancap bak raso nan dinyotu
nan paliang batua.
Kini batambah banyak bana aliran Islam ko, nan
mangeceak itu nan paliang batua.
Kalau di pikia bana kok di tanyo tantangan kayakinan
manuruik ambo iyo sasuai jo nan di ajakan dek urang
gaek awak dari ketek.
Diri ambo sabagai contohnyo yo indak barubah dari nan
diajakan dek urang gaek ambo dari ketek ( urang gaek
ambo Tasauf ), baapun kecek urang Aliran Muhammadiyah
tu nan batua kecek ambo Aliran Tasauf nan paliang
Bana, tapi dek ambo lai indak mamaso urang bia sarupo
jo Akidah ambo tudo, bia kan urang jo keyakinannyo,
kok sumbayang samo sumbayang kito, sumbayang subuah
bia ambo surang kalau tak kasasuai dek smbo urang
indak ba kunuik. baitu juo tarawiah, kok indak ado nan
dakek dari ambo nan mambuek 23 raka'at jo witirnyo
bialah ambo buek surang di rumah atau mancari tampek
nan agak jauh.
Mohon maaf kalau agak jauah panggang dari api, tapi
iko nan taraso wakatu mambaco email tantang diskusi
agamoko.
wassalam
Gusdi.A
28tahun labiah
--- I Yul <[EMAIL PROTECTED]> wrote:
> Assalamu'alaikum Wr. Wb.
>
> Yang saya takut kan akan keluar dari buah tangan
> orang yang mengaku membela agama Allah akibat
> diskusi ttg agama adalah;
> 1. Lawan diskusi dianggap sebagai orang yang sulit
> menerima kebenaran Allah.
> 2. Lawan diskusi dianggap orang bodoh.
> 3. Lawan diskusi dianggap orang gila.
> 4. Lawan diskusi dianggap kaki tangan Yahudi atau
> Nasrani.
-------------------------------di kuduang
_______________________________
Do you Yahoo!?
Declare Yourself - Register online to vote today!
http://vote.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
