Wa'alaikumussalam WW Apo memang indak ado hak jawab antahlah, mungkin dek balain suduak pandang kali, balain tompaik bapijak. Anggaplah indak ado hak jawab, tapi kalau maminta maaf kan lai, si Af dulu kan dimaaf kan urang disiko. Tapi mancaliak pembelaan sanak MII ko, mbo raso iko indak mambela namono ko doh, tapi manambah flaming mah. Apo talingo mbo dan mungkin juo talingo sanak nan lain talalu tipih antah lah.
Paralu dikatahui, bahaso kato gadang tu dapek juo diterjemahkan "amat sangat", misanyo maliang bararti pancilok, kalau "maliang gadang" iko banamo induak angkang maliang go mah. Misanyo dalam mamaki urang, kalau dikecekan inyo "ongok gadang", pasti bangih no kaawak. Kalau urang dikecekan baruak sajo alah bangih ano kaawak, apo lai dikecekkan "baruak gadang", mungkin bangih sakampuang urang jadino. Iko baru urang sakampuang awak. Baa kalau nabi nan dikecekan baitu ........... cubo ranuangkan dek si Yul. Ciek lai, misano di paga ado tatulih "awas anjing galak", maoto awak kian, sudahtu awak digigik dek anjiang tu, apo bisa disalahkan, kalau anjiang tu nan salah. Dek ditompaik lain awak mandakeki paga urang nan baanjiang indak digigikno awak doh. Jadi iyo lain tompaik lain pulo aturan, dek lain sipaikno. Bialah baliau tu indak disiko, disiko kan indak kasadoan urang awak doh, banyak tompaik di nan lain. Disinan banyak juo urang awak. Mungkin baaliah rantau, rancak juo kan. Nan sabanano kalau awak bapikia positif, ado aratino. Rantau kan indak ciek rantaunet sajo doh. Bisa katompaik urang-awak@, ka minangnet@, ka proletar@ dll, disinan banyak juo urang awak, malah juo nan duduak disiko sato pulo disinan. Jadi jikok ado awak disiko nan kangen jo sanak MII kan bisa pai mancaliak dirantau nan lain tu. Dunia maya-ko kan gampang bana pindah rantau kan? Bari maoh mbo jikok salah jo jangga. Salamaik bapuaso, baramallah nan banyak di bulan nan suciko, mudahan awak dapek magfirah. Wass. WW St.P 52- >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of I Yul >Sent: Thursday, October 28, 2004 10:24 PM >To: [EMAIL PROTECTED] >Subject: [EMAIL PROTECTED] Hak Jawab dari M. Ismet Ismail > > >Assalamu'alaikum Wr. Wb. > >Sanak Palanta sadonyo nan ambo hormati. Iko ado saketek jawaban >dari sanak kito M. Ismet Ismail. >Ambo tahu di palanta ko indak ado nan namonyo hak jawab bagai. >Tapi urang minta tolong, tantu ambo tolong. > >Banda urang nan ambo bandakan, >Banda urang Koto Tuo >Kaba urang nan ambo kabakan, >Urang kok baduto, ambo ndak sato > >Sakian dari ambo. > >Wassalam >YMZ > >========= > >Ass. wr. wb > .................................. > >Padahal ambo kan punyo hak untuk memiliki kepercayaan yang kebetulan indak >sajalan jo beberapa orang di RN. Ambo berhak untuk mengakui bahwa manusia >itu berasal dari monyet (baruak) dan ambo juo berhak punyo >kepercayaan bahwa >manusia berasal (keturunan) dari nabi Adam a.s. Karano ambo punyo keyakinan >kaduonyo dan karano baruak itu indak samo gadang jo manusia mako ambo pakai >istilah "baruak gadang" untuk menggambarkan rupo nabi Adam a.s. Dalam Al >Quran indak ado yang mangatokan atau manggambarkan rupa dari nabi Adam. Itu >buliah dipareso dalam Al Quran, ambo yakin bana, kalau paralu tanyokan ka >dunsanak Rahima yang sadang kuliah S3 di Al Azhar. Apo salah ambo >dikecekkan >bahwa ambo iko indak menghormati nabi Adam. > ............................... > >Wassalam >MII ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
