Assalamu�alikum.w.w.
Daripado kurang-kurang jo amal bulan puaso ko,
iyo rancak kito mangaji. Aaa nan rancak kito kaji�?.
Puaso ko, memang satiok ari kito bausao basitungkin
supayo jan bata puaso. Samo pulo jo sumbayang, tantu
awak busao jan bata sumbayang.
Kaduonyo tu bisa bata sasuai jo ketentuannyo. Kalau
dicaliak-caliak sudah tu kito bukak-bukak kitab nan
lamo-lamo pangajian-pangajian urang nan labiah
santiang
dari kito, ruponyo ndak hanyo sumbayang nan bisa bata
do, ndak hanyo puaso nan bisa bata do, ndak zakat ndak
haji sajo nan bisa bata do, Syahadat awak ruponyo bisa
juo bata.
Apo aratinyo tu ?,
Hmmm, kalau lah bata, aratinyo awak kapia, atau
kufur.
Dan sagalo amalan sabalunnyo nan dibuek taapuih dan
hilang sendirinyo. Mako harus hati-hati bana jo urusan
ko. Ciek lai, sagalo hukum tantang murtad buliah
diberlakukan ka awak kalau awak tatap �ngotot� babuek
takah tu.
Jadilah, lalu apo sajo nan bisa mambatakan
syahadat tu ?.
Baiaklah, mari kito titi ciek-ciek.
Nan partamo nan dapek mambatakan syahadat kito adolah
�Batawakal dan bagantuang ka selain Allah�. Dasarnyo
firnan Allah :
�wa �alallaahi fatawakkaluu ing-kuntum mukminiiin.�
"Dan hanya kepada Allah hendaknya kamu bertawakkal
jika kamu benar-benar orang yang beriman "
(Q.S. al-Maidah: 23)
Dan firman Allah:
�Laqad nasara kumullaahu fii mawaa thina katsiiratin
wa yauma hunainin idz a�jabatkum katsratukum fa lam
tughni �ankum syai-aw wa dhaa qat �alaikumul ardhu
bimaa rahubat tsumma wallakum mudbiriiin.�
"Sesungguhnya Allah telah tolong kamu di beberapa
banyak tempat dan pada peperangan Hunain, tatkala kamu
sombong dengan banyaknya kamu, tapi tidak berfaedah
bagi kamu sedikitpun, dan (jadi) sempit bagi kamu bumi
yang luas itu, kemudian kamu berpaling sambil mundur".
(Q.S. al-Taubah: 25).
Dalil ko bapadoman ka pengertian Laailaha il-lallaah
nan maknanyo antaro lain indak ka mamohon untuak
ketenangan dan kekuatan selain ka Allah swt.
Tawakkal bukan berarti maninggakan karajo. Bahkan
Allah swt. manyuruah kito untuak bakarajo, tapi kito
dilarang manggantuangan iduik kito ka karajo tu.
Kalau baparang, Allah manyuruah mampasiapkan
perlengkapan parang, tapi Allah juo manyuruah kito
untuak manggantuangan sagalo kahidupan kito hanyo ka
Inyo. Allah manyuruah kito bakarajo dan bausao, tapi
Allah juo manyuruah kito baiman bahaso Allah-lah nan
maagiah rasaki. Allah manyuruah kito barubek, tapi
dengan syarat kito bakeyakinan bahaso nan mancegak-an
awak hanyolah Allah swt. Aratinyo, sia nan bakarajo,
bausao dan berikhtiar dengan indak batawakal dan
bagantuang ka Allah, inyo lah merusak syarat tadi.
Sabaliaknyo urang nan batawakal dan bagantuang ka
Allah, tapi tanpa bausao, juo inyo lah merusak salah
satu syarat tadi.
Di siko nampak dek awak perbedaan antaro
urang kapia jo urang mukmin. Urang kapia, inyo mam-
bantiang tulang dan mancurahkan sagalo tanago dan
bausao, urang mukmin manbantiang tulang
dan mancurahkan sagalo tanago sarato bausao juo, tapi
urang-urang kapia, inyo indak manggantuangan harapan-
nyo ka Allah, bahkan inyo manggantuangan iduiknyo tu
ka usahanyo tu. Sabaliaknyo saurang muslim di
samping
usahanyo tu inyo manggantuangan sagalo harapannyo ka
Allah swt. Jaleh bedanyo di siko.
Sudah tu.
Bagantuang jo sabab dan malupokan bahaso nan
mengizinkan sabab tu baproses adalah Allah, juo
taetong maksiat. Bagantuang ka sabab dan basaratoan jo
keyakinan bahaso sabab-sabab tu indak ado hubuangan jo
Allah adolah syirik
nan dapek mahancuakan syahadatain.
Dalam al-Qur'an banyak disabuik tantang masalah ko
diantaronyo dalam firman Allah :
�Falam taqtuluu hum laakinallaaha qatalahum wa maa
ramaita idz ramaita walaakinnallaaaha rahaa�
"Maka bukanlah kamu yang membunuh mereka,
tapi Allah-lah membunuh mereka; dan bukanlah engkau
melempar, waktu engkau melempar, tapi Allah-lah yang
melempar". (Q.S. Al-Anfal: 17).
�wa maan nashru illa min �indillaahil �aziizil hakiim�
Tapi kemenangan itu tidak ada melainkan dari fihak
Allah Yang gagah, Yang bijaksana".
(Q.S. All Imron: 126).
�Innalaaha huwar razzaaqu dzul quwwatil matiin�
"Sesungguhnya Allah lah Pemberi rezki, Yang mempunyai
kekuasaan yang sangat teguh".
(Q.S. al-Dzariat: 58).
�wa idzaa maridhtu fahuwa yasyfiiin�
"Dan apabila aku sakit, maka la sembuhkan daku."
(Q.S. al-Syu'ara': 80).
�Alam tara annallaaha anzala minas samaa-i maa-an
fatushbihul ardhu mukhdharratan innallaha lathiifun
khabiir�
"Tidakkah engkau lihat bahwa Allah lah yang menurunkan
air dari langit, lalu jadilah bumi (ini) hijau segar?
Sesungguhnya Allah, Maha halus, Lagi amat mengetahui".
(Q.S. al-Hajj: 63).
Awak harus meyakini bahaso Allah menjadikan sebab
musabab di dunia ado fungsinyo (peranan atau tugasnyo)
dan harus picayo bahaso Allah-lah nan manjadikan
sagalo nyo tu. Allah berfirman:
�Allahu khaaliqu kulli syai�in wahuwa �alaa kulli
syai�iin wakiill�.
"Allah tu Pembikin tiap-tiap sesuatu; dan la
Pemelihara atas tiap-tiap sesuatu." (Q.S. al-Zumar:
62).
Siapa yang mengingkari sebab-sebab dan menganggap
tidak ada gunanya adalah kafir, sebalik-nya yang
meyakini bahwa sebab-sebab tu memiliki pengaruh
sendiri adalah syirik.
Nan kaduo,...
... Eeei... capek bana panjangnyo...
Insya Allah bisuak kito sambuang.
Wassalam
St. Sinaro
__________________________________
Do you Yahoo!?
Check out the new Yahoo! Front Page.
www.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
