salamai untua datuk Marah Bangso, semoga dape memegang amanah nan lah dipicayokan.
wassalam, harman st.Idris -----Original Message----- From: Mulyadi [mailto:[EMAIL PROTECTED] Sent: Monday, November 22, 2004 11:03 AM To: [EMAIL PROTECTED] Subject: [EMAIL PROTECTED] Batagak Panghulu Ass. Wr. Wb. Para Datuak nan Gadang Basa Batuah, Ninik Mamak, Urang Sumando, Kok Ketek Indak ka basabuik Namo, Kok Gadang Indak ka disabuik Gala, Sarato Kaum Ibu jo Anak Kamanakan nan ado di Palanta kini ko .... Ramo-ramo sikumbang jati, Katik Endah pulang bakudo, Patah tumbuah hilang baganti, Pusako lamo lai disitu juo, Ambo nan banamo Ir. H. Mulyadi, umua 47 tahun labiah. Alah dibari gala Sutan Bangsawan jo Ninik Mamak daulunyo, Kini alah diangkek manjadi Datuk Marah Bangso, Yaitu Panghulu Andiko dari Suku V Singkek Kubang, Kenagarian Sulit Air, Kecamatan X Koto Diateh, Kabupaten Solok Dibawah Payuang Datuk Ninik : Dt. Bagindo Bosa, Urang Nan Salapan Dimano Adat alah diisi, Limbago alah dituang, Sasuai jo aturan bajanjang naiak, batanggo turun, Gadang Garundang di Kubangan, aratinyo bana, alah diisi Pancokauan di Pasukuan Limo Singkek pado hari Senin Malam, tgl 15 November 2004, Bertempat di Rumah Gadang Singkek Baringin Sulit Air Gadang Buayo di Muaro, alah Bararak ka ampek Koto, dilanjuikkan Panjamuan ka ampek suku nan ado, pado hari Rabu siang, tgl 17 November 2004, Bertempat di Rumah Gadang Singkek Baringin Sulit Air Gadang Paus di Lautan, alah dilantik di Balairung Sari sebagai salah seorang anggota KAN se Sulit Air nan bajumlah 115 urang, pado hari Kamis siang, tgl 18 November 2004 Masuak ka dalam Balai dan Sholat Jum'at di Mesjid Raya Masuak bajalan kaki ka dalam Balai, pado pagi hari Jumahaik tgl 19 November 2004, dan diakhiri Sholat Jumahaik di Masjid Raya Sulit Air, mamakai baju kebesaran Panghulu. Rapek Koordinasi jo Anak-kamanakan Sabalun Dt.Marah Bangso balayie baliak ka rantau, alah diadokan rapek koordinasi jo saluruah anak-kamanakan, niniak mamak, bundo kanduang, urang sumando, andan pasumandan baiak nan ado di kampuang maupun nan datang dari rantau pado malam jumahaik tgl 19 November 2004. Alah ditunjuak secara aklamasi Wakil Datuk (Datuak Okie), Wali Rumah, Bundo Kanduang dan Bendahara Suku nan akan maurus anak-kamanakan nan ado dikampuang. Kami ateh namo Panghulu dibawah Payung Datuk Marah Bangso, V Singkek Kubang, Urang Nan Salapan, mengucapkan tarimo kasih atas dukungan sarato doa salamat atas kelancaran acaro Batagak Panghulu ko. Dan dek hari masih dalam suasana hari Rayo, Ambo mengucapkan Salamaik Iedul Fitri, Mohon Maaf Lahir jo Batin kapado saluruah kaum di Palanta nan kito cintoi ko. Kok Kurang tolong ditukuik, Kok Sentieng tolong di bilai. Wass. Wr. Wb. H. M. Datuk Marah Bangso ( 47 + ) V Singkek Kubang - Sulik Ayie - Solok ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________