Assalamu'alaykum Wr.Wb. Rangkayo Rahima Rahim sarato sidang RN.
Alhamdulillah wa syukurillah. nan pintak alah buliah, nan kandak alah balaku pulo, iyo lah sanang di ati sajuak dalam kiro-kiro. indak tatampuang jo tapak tangan, jo niru ambo "taangan" (tampuang), tarimokasi banyak ambo sampaikan ka Rangkayo Rahima Rahim nan alah maluangkan wakatu untuak mambariakan jawaban. satantangan "pambarian" Rangkayo Rahima Rahim, lah ambo simak dari awa sampai akhia, rasono lah cukuk jo samparono, indak dima ka ambo tukuak jo ditambah, tapi bak kato Rangkayo juo, kok lai lah di Ahmad Ridha ibn Zainal Arifin ibn Muhammad sarato Sidan RN nak kamanukuak jo manambah, tantu batarimo suko pulo di ambo, bak kato nan tuo-tuo, rancak ragi dek banyak rono, bapulang maklum pulo ka Ahmad Ridha ibn Zainal Arifin ibn Muhammad sarato Sidang RN. Paralu pulo ambo sampaikan, partanyoan ko timbua dek karano wakatu maota-ota di Lapau Kopi, ado nan mangatokan kalau "Baralek" ko indak ado tuntunan / dasar dari Ugamo doh,tapi adolah "buek" adat sajo no, jadi nan paralu hanyolah Nikah sajo. Lah ambo cubo manyampaikan sacaro pamikiran ambo sajo, kalau nan "Baralek" tu adolah marupokan "Raso Syukur" kapado Allah SWT dan sakalian maimbauan atau malewakan kapado masyarakaik kalau nan laki-laki jo padusi tu alah Nikah (barumah tanggo), tapi alun ditarimo dek baliau li, mungkin dek ambo indak (alun) manyampaikan dalil nan sarupo disampaikan Rangkayo Rahima Rahim (maklum lah nan ambo ko indak mandalami ilimu agamo), sampai ki kini masalah ko alun juo bakasudahan. Insyaallah bisuak ko sasudah ambo sampaikan dalil-dalil tu, nan masyalah ko handakno manjadi salasai dan jaleh, sahingo tasuo handakno "Syara' Mangato Adat Mamakai (ABS-SBK). sakali lai ambo manyampaikan tarimo kasi, samoga manjadi amal ibdah diawak nan basamo Labiah kurangno, rila jo maaf juo nan bamintak Wassalamu'alaykum Wr.Wb. Bandaro Labiah --- In [EMAIL PROTECTED], Rahima <[EMAIL PROTECTED]> wrote: > Assalamualaikum.Wr.Wb. > > Maaf da Bandaro setelah sore hari baru muncul di jalum > postingan ini. > > ===== > Da Bandaro labiah akan saya jawab saja pertanyaan uda, > dan silahkan dik Ridha menambahkan atau > mengomentarinya. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________