Anak anduang katitiran Anak barabah ampek-ampek Nan dikanduang baicieran Nan dikaja indak dapek
Sikue capang sikue capeh Sikue tabang sikue lapeh Anak urang Silaing Tinggi Dibubuik capo diampehkan Harok di buruang tabang tinggi Punai di tangan dilapehkan Batang kamuniang jo batang kapeh Bungkuak marunduak balingkaran Arok dikuniang kuah kambeh Cangkuak tarubuak ditinggakan Baburu ka Pinang data Dapeklah ruso balang kaki Kalo baguru kapalang aja Bagai bungo kambang tak jadi Hari Salasa pukue satu Urang malapeh layang-layang Lai sarawa tak babaju Jo apo dilawan dunie urang Wass, HM.Dt.MB > sajak batitih di kualo > muaro nan indak sumarak lai > sajak pitih nan paguno > duniako indak salamik lai > > kaparak batuang dirabahkan > didangau subarang parik > ka mamak untuang basarahkan > dek dirantau hiduklah sarik > > Pitalaj jo Bungo anjuang > katigo jo gunuang rajo > buaknno salah bundo manganduang > salah dek anak nan buruak pinto > > dima sipuluk ka batangkai, > ditanam indak ditampaikno > dima hiduk ka salasai > pidoman indak, pitunjuak lupo > > hari siang baransua patang > di musajik urang lah abang pulo > raso tak mungkin badan ka pulang > bia nak larek di rantau urang nangko > > ramilah urang di Batang Tabik > rami nan sadang pukua duo > awak tuo badan lah rangkik > nan kanduang lah manjauah pulo > > dapek disamak buang di parak > usah pulo dibaok pulang > kawan galak lai kok banyak > rusuah taraso tangguangkan surang > > Bandaro Labiah ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
