Alah iyo ....kabanyakan eS retribusi jadi reStribusi. Mohon maaf Adli
----- Original Message ----- From: "Sjamsir Sjarif" <[EMAIL PROTECTED]>
To: "Lapau" <[email protected]>
Sent: Thursday, February 24, 2005 8:58 AM
Subject: Re: [EMAIL PROTECTED] Terminology
Oh mantun, iyo lah salah kaca wak mah. Dek basangkuik jo Tax takana langsuang Rax Refund. Tapi indak baa doh samo-samo baraja awak. Tarimo kasih Angku Adli nan lai lakeh manangkoknyo.
Tapi ado saketek, ruponyo ejaan nan ditanyo adolah "retribusi" (bukan "reStribusi").
"Retribusi" dari Caro Bulando "retributie" memang ado disabuik dalam UUDSementara 117. Ditarjumahkan sabagai "bea-penawar" atau pemungutan uang oleh pemerintah (kotapraja dsb) sebagai balas jasa, misalnya akan ditarik retribusi dari setiap kendaraan yang liwat di jalan itu.
Sabagai tambahan, dalam hukum kriminil AS, "retribution" punyo arti lain,
"Punnishment imposed as payment or revenge for the offense
committed". Kabatulan iko dari pangalaman palajaran pribadi kapatang di
Pengadilan. Mak Ngah baru baliak babelok, 350 mil driving roundtrip, lai
diinapakan samalam di Hotel Hyatt Regeny tipk pai ka kota tampek Pangadilan
tu. Lah anam minggu MakNgah bolak baliak sakali saminggu mantarjumahkan
sidang Pangadilan ko. Seseorang terdakwa (padusi Indonesia) dihukum salah
satunyo probation (masa percobaan) membayar retibution tiok bulan ka urang
nan dikorbankannyo (ribuan dollar nan dimaliangnyo dari kartu kredit
kakanyo sandiri). Kalau inyo gagal atau talaik mambaia tu, atau malakukan
apo sajo kasalahan palanggaran hukum salamo maso probation tu mangko inyo
ka dikuruang dimasuakkan ka dalam panjaro.
-- Salam, Mak Ngah37310
From: Adli Usuluddin <[EMAIL PROTECTED]> Date: Thu Feb 24, 2005 0:59am Subject: Re: [EMAIL PROTECTED] Terminology
Nampaknyo nan diatnyo Angku Yulhendry tantang "restribusi" bukan "restitusi". Kalau indak salah Pajak itu diatur jo undang2 negara nan disahkan DPR dan Presiden jadi berlaku sacaro nasional. Kalau restribusi rasonyo itu indak pakai undang2, cukuik jo peraturan daerah atau peraturan pemerintah, yang tantu sajo nan indak buliah malangga undang2. Nampaknyo restribusi ko saroman jo iuran, atas dasar kasapakatan, kadang2 restribusi manjadi "akal2an" pemerintah untuk maminta iuran ka rakyat yang alun tantu sapakat :-)). Mungkin ahli hukum nan sadang dilapau dapek maluruihkan pandapek ko.
Ado ciek lai....pajak kalau di Medan artinyo pasa, tampek urang manggaleh....ado pajak sayua, ado pajak ikan etc.
Wassalam Adli
----- Original Message ----- From: "Sjamsir Sjarif" <[EMAIL PROTECTED]> To: "Lapau" <[EMAIL PROTECTED]> Sent: Thursday, February 24, 2005 7:07 AM Subject: [EMAIL PROTECTED] Terminology
> Angku Yulhendry sarato Rang Lapau nan Basamo,
>
> PAJAK, Tax (Caro Inggirihnyo), belasting (Caro Bulando), balesteang > (Caro
> Awak maso Rang Gaek saisuak), kini tantu lah Pajak pulo sacaro instilah
> nasional. Dalam Caro Awak ado lai ciek arati Pajak ko, "kadai"
> saroman misanyo "Pajak Nasi", kadai nasi, lapau nasi, atau restoran > kecek
> Rang Kini. Ado lo ciek lai, Pajak Gadai, kantua tampek manggadaikan
> barang-barang kalau ado pitih nan paralu untuak suatu kaparaluan > pantiang,
> kok ado nan paralu bana, saroman dalam patitih:
>
> Tak kayu janjang dikapiang, tak ameh bungka diasah.
>
> Pajak dalam arati Tax, macam-macam pulo tantunyo manuruik > undang-undangnyo
> ciek-ciek, misanyo Ppd (Pajak Pendapatan), PPh (Pajak Penghasilan), PPn
> (Pajak Penjualan, dll. Bahkan kabanyo ado pajak speda, pajak TV, pajak
> anjiang (urang nan punyo speda, punyo TV, atau punyo anjiang kanai > pajak),
> dll.
>
> RESTITUSI, dari Caro Bulando (restitutie) sacaro harfiah samo jo
> reimbursement, refund (Caro Inggirih) atau pambayaran kembali, dibaia
> baliak apo nan lah tabalanjokan, misalnyo pamarentah atau parusahaan
> mangganti baliak biaya-biaya pajalanan saurang pagawainyo nan lah
> dikaluakan labiah dahulu dari uang pribadi dalam tugeh pajalanan tu.
>
> Dalam hubuangan kaduonyo, Pajak jo Restitusi ko barangkali nan > dimukasuik
> di siko RESTITUSI PAJAK, nan dalam Caro Inggirih kito tamui dalam > istilah
> TAX REFUND, aratinyo (Contoh di Amerika) pitih nan harus dikembalikan
> pamarentah kapado pambaia pajak (Tax Payer) kalau pambaia pajak tu lah
> mambaia pajak-pajak salamo satahun tu dan jumlahnyo lah malabiahi > jumlah
> paretongan pajak nan harus dibaianyo dalam satahun pajak tu. Kalabiahan
> pambayaran tu harus dikembalikan diabaia baliak dek Pamarentah ka > Pambaia
> Pajak. Di Amerika banyak urang mandapek Tax Refund tu, karano > macam-macam
> pajak dibaia salamo satahun tu. Kadang-kadang urang mancari-cari apo > sajo
> nan lah dibaia nan dapek dijadikan tax credit (nan bisa dimasuakkan > dalam
> paretongan kredit untuak pajak). Kalau kredit tu lah balabiah dari > pajak
> nan harus dibaia dalam satahuan tu, mangko kalabiahan tu dibaia atau
> dikumbalikan oleh pamarentah. Kalau kredit tu indak sampai atau kurang
> dari
> pajak nan harus dibaianyo dalam satahun tu, mangko sipambaia pajak nan
> harus mambaia tambahan lagi ka pamarentah. Jadi, disiko caro Papatah > Awak:
>
> Utang dibayia, Piutang ditarimo.
>
> Contoh nan MakNgah ambiak di siko adolah contoh di Rantau Mak Ngah. > Indak
> tahu baa bana palaksanaan dan caronyo di Indonesia. Mudah-mudahan jaleh
> sakadar manarangkan perbedaan pangaratian kato tu sajo. Baa kaba > kaluarga
> di Medan kini?
>
> Salam,
> -- Mak Ngah
>
>>37301
>>
>>From: Ravelino Wisata Tour & Travel <[EMAIL PROTECTED]>
>>Date: Wed Feb 23, 2005 2:32pm
>>Subject: [EMAIL PROTECTED] Terminology
>>
>>Assalamualaikum Wr Wb
>>
>>Saketek ambo ingin batanyo ka mamak, apak, uda, uni dan sanak >>kasadonyo.
>>Kok
>>ado nan tahu apo arti dan pengertian istilah berikut :
>>
>>- Retribusi =
>>- Pajak =
>>
>>Dan apa beda antaro Pajak dan Retribusi.
>>
>>Mohon sangaik bantuan nyo, karano kini banyak bana perda-perda nan
>>bermasalah yang berkaitan dengan retribusi.
>>
>>Salam dan tarimo kasi.
>>
>>
>>Yulhendry
--------------------------------------------------------------------------------
Internal Virus Database is out-of-date. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
--------------------------------------------------------------------------------
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
