Salamat manikmati Saluang sarato manunggu kadatangan "Samalam di Ranah
Minangkabau". Dari jauah ambo manikmati, mambayangkan sajo, mudah-mudahan
sumarak acara di Rantau Bogor, tantu saluang juo nan kamanyampaikan.
Bagurau kito bagurau
Bagurau paubek risau
Saluang jo Rabab nan ka maimbau
Salam ditarimo dek Rang Lapau.
Lah lamo Kampuang indak tasilau
Marapi Singgalang tigo jo Sago
Walaupun Jauah badan di Rantau
Namun Saluang takana juo.
Salam,
--Mak Ngah
Di Tapi Riak nan Badabua
37876
From: Bandaro Labiah <[EMAIL PROTECTED]>
Date: Wed Mar 23, 2005 4:02am
Subject: [EMAIL PROTECTED] Baugurau
Assalamu'alaikum w.w
Tanamo urang kiramaik
bagala sutan Rumanduang
baitu kaba carito lamo
Jan lupo di hari Jumaik
iyo nak ba rabab jo basaluang
datang lah di RRI Bogor jam 7 sanjo
"Apo nan dipabuek untuak Minang ? kato Z Chaniago "
dek katagak-an balain-lain, nan kakobeh indak saroman, nan dipabuek
indak sarupo, kumbali kapado fungsi surang-surang, mako nan bisa
dipabuek, pabueklah, untuang lai ka gunono bagi awak basamo
(Minangkabau).
Dalam rangka mambangkik, malestarikan dan mangambangkan seni budaya
Minangkabau, ari Jumaik bisuakko, tanggal 25 Maret akan diadokan
acara Live "Basaluang jo Barabab sarato Kucapi Lamak" di RRI Bogor,
Jalan Pangrango, Bogor, nan dimuloi +/- pukua 7 sanjo (malam), acara
iko direncanakan tiok bulan pado Jumaik pakan tarakhia, dimano alah
bamuloi sabulan nan lapeh alah pulo dimuloi, Kok bulan nan lapeh
hanyo On Air di corong sajo, tapi untuak acara bisuakko
dilangsuangkan di Aula RRI Bogor dan di udarokan juo lewai Frek 1242
AM jo 106,8 FM, Dek karano jam siar awak tabateh, mako nan siaran
lewai Radio hanyo mulo jam 9 -11 malam, sadangkan acara sabalunno jo
sasudahno indak bisa disiarkan, tapi acara ko tatap balansuang,
bakamungkinan amuah sampai subuah, tantu mancaliak pado parmintaan
urang nan datang.
Bagi dunsanak nan pacandu Saluang, Rabab, untuak palapeh taragak,
molah datang ka Bogor.
Dek tumbuak tanak di badan surang, dan bagi nan datang indak pulo
mambayia kuricih doh, sarato putiah kapeh buliah diliek, putiah hati
bakaadaan, mako bagi dunsanak nan datang tapaso manjenjeng surang sen
kawa jo baka untuak malam nan tun ( he he heee)
Sakian dari ambo, salah jo jangga mintak juo dimaafkan
Wassalamu'alaykum
Bandaro Labiah
* insyaallah, dalam wakatu dakeko, akan diadokan baliak
acara "Samalam di Ranah Minagkabau" nan manampilkan seni Randai,
Saluang, Rabab, Lago POO Minangkabau, kini baru sadang
mancari /mampasiapkan tampaik.
Internal Virus Database is out-of-date.
Checked by AVG Anti-Virus.
Version: 7.0.300 / Virus Database: 266.7.2 - Release Date: 3/11/2005
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
