Kalau kahilangan tarompa, indak di Musajik di Amerika atau Musajik awak di Sumatera Barat doh, tapi di Mesjid Raya Banjarnegara, Jawa Tengah. Sakali tu awak baru pai sumbayang ka Musajik di Kampuang mintuo tu. Lai diingekkan dek adiak mintuo supayo jan mambawo sipatu. Jadi disalangkanlah Tarompa Japang dek family nan Urang Kauman tu. Di Jawa, Urang Kauman aratinyo Urang Santri nan tingga dakek-dakek musajik, pokoknyo kaluarga alim-alimlah.
Lah sudah awak sumbayang, tarompa indak basuo lai. Tapaso se lah awak maojok-ojok pulang indak batarompa. Takakah Rang Gaek di rumah. "Untung ya", keceknyo, bukan sepatu yang hilang.
Pokoknyo istilah "Untung ya" ko lah jadi standar di Urang Jawa. Kok inyo dapek kecelakaan, patah tangan dilantak oto, jawabnyo pun masih "Untung ya?" bukan kepala yang pecah... :). Mudah-mudahan Gampo Aceh jo Gampo Nias indak di"Untung yo"kan pulo dek sumando-sumando awak di baliak pulau tu...
Jadi mungkin indak si Jibun se doh nan basalero tarompa tu. Mungkin di Jawa si Giman barangkali namonyo.
Nah, kalau di Masjidil Haram di Makah, tarompa tu misti dibawo kama-kama awak dakek duduak sumbayang. Jan lupo mambawo tas ketek untuak tampek tarompa. Kalau talatak di lua, oih, indak ka basuo lai doh. Bukan dek banyak di Fulan nan maambiak, tapi dek sangaik rami, cuma mareka "mangamehi nan taserak" sajo. Kalau kahilangan tarompa di Mesjid Haram tu, indak baa doh. Pai bajalan ka lua agak saketek, banyak si Fulan manoggoki "manjaua murah tarompa dapek". Tapi wakatu maago, hati-hati lo jo dompet. Ado urang (biasonyo padusi Gypsy babaju hitam muko batutuik kain hitam mamangku-mangku maoanyoh-onyohkan anak mintak pitih. Mareka sigap jo soal dompet ka dompet ko. Macam-macam se lah rasaki urang...
Wakatu ambo di Makah sari tu, ado saurang anggota rombongan dari Padang kahilangan dompetnyo. Baa caronyo tajadi, tanyo ambo. Ado urang padusi minta-minta sidakah untuak anaknyo. Tapi samantaro awak mancaliaknyo, kantinyo di bulakang lah marosok maelokan dompet awak. Subhanallah, kecek ambo, Si Padang lo nan kanai copet, mambuek malu si Padang nan banyak, di Makah lo lai kecek ambo...:) Iyo ibo awak dek nyo.
Salam, -- Mak Ngah
38069 From: dutamardin umar <[EMAIL PROTECTED]> Date: Sun Apr 3, 2005 4:48am Subject: Re: [EMAIL PROTECTED] Hati-hati di Musajik Al-Alzhar
AWW.,
Soal kahilangan tarompa di musajik, ambo takana carito surang kawan.
Adolah sasaurang banamo si Jibun. Kok inyo iyolah lai juo ka musajik. Paling kurang di hari jumahaik. Namun labiah acok si Jibun acok talalok suwaktu khutbah> suatu kali sadang takalok-takalok jago, si Jibun mandanga ujuang khutbah: "tinggakan nan buruak, ambiak nan rancak".
Iyolah waktu bubar si Jibun mamiliah tarompa nan rancak, kemudian maninggakan tarompanyo nan buruak. Kini iyo banyak si Jibun si Jibun di musajik-musajik di Indokabau.
Alah puluhan tahun Uwan Syamsir di Amrik, pernahkah kahilangan supatu di musajik di Amrik? Kok ambo baru 15 tahun di AS, iyo alun pernah doh.
wass/ajoduta
ardi ardi <[EMAIL PROTECTED]> wrote: Assalamu'alaikum ww. Iyo tertarik juo ambo jo carito mak Ngah tantang kajadian di musajik Al Azhar Kairo tu. Nah, bahan iko tampakno paralu mintak ka dunsanak Rahima, manyiasek i persoalanko. Kok bisa mambaok masalah ko kabagian urusan agamo di Mesir, sahinggo citra musajik lai sasuai jo paruntuak an no. Tantangan musajik Al Azhar di Padang, Mak Ngah, ambo aktif dimusajik tu sajak 1985, sudah tu jadi garin jo tamasuak pengurus di situ mulai 1989 - 1993 awal. Alhamdulillah, nan sarupo Mak Ngah caritoan tu, salaruik salamo nangko indak ado di Al Azhar Padang :-). Cuma nan acok urang kailangan tarompa/sipatu nan rancak. Ado juo nan kailangan pitih. Suatu kali ambo pernah manangkok tangan, urang nan sadang mangarayangi tas jamaah nan sadang pai bauduak. Nah ..... nan mangurangi tas iko kirono mahasiswi .....????. Iko dikatahui sasudah disarahkan ka satpam, lalui digeledah dek menwa/i, dan dikonfirmasi ka kampusno.
A. St. Rky. Mulia (38,10) Bogor
--- Sjamsir Sjarif wrote:
> Mancaliak namo Masjid Al Azhar ko duo nan takana: > > 1. Kalau ambo ka Padang, memang ambo acok Sumbayang > di Jumat di Musajik Al > Azhar dakek IKIP (kini UNP) tu. > 2. Pangalaman pahik Jemaah Haji Amerika 2000 di > Musajik Al Azhar di Kairo. > > Carito di Kairo ko baitu: > 2. Musajik Al Azhar. Di sinan tajadilah pangalam > luar biaso nan indak di > sangko-sangko dan mungkin indak ka lupo sumua > hiduik.
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.7.2 - Release Date: 3/11/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
