Mak Ngah dan sanak palanta yang dirahmati Allah :
Padang Bay ( bukan Padang Ba’e ) mungkin barasa / diambiak dari kato Inggirih yang barati taluak , karena lokasi Padang Bay tu barado disabuah taluak di bagian timur pulau Bali . samo jo Jimbaran Bay dakek tampek tingga ambo . Tapi kalau nak dibeong juo kabahaso awak mako “bay” tu manjadi “bae” barati rimbek , mambae anjiang barati marimbek anjiang . Bae bana lah diwaang salagi mudoko barati cubo banalah atau tutuah banalah salagi lai kuek juo . Kalau sual interaksi antaro urang asiang dengan panduduak asli Bali sabananyo lah lamo tajadi yaitu sajak turis dari mancanegara lah acok pai ka Bali . Suatu kali sorang turis dari Australia pernah batanyo kapado sorang panduduak desa . Baa tanyonyo “ Can you speak English ? mako dijawekyolah dek panduduak desa tadi “oh yes wot udu usam lais” Maliek dari konteks diateh ruponyo ado nan indak nyambuang walau bunyi pangucapan hampie samo tapi aratinyo balain . Mukasuik urang Bali tu dengan wot udu usam lais tiado lain adolah sajak harago dadak naik , ampas karambie jadi laku Wot = dadak Udu = mahal Usam = simpalah karambie Lais = laku / laris Ciek lai , ambo pernah ditanyo dek sorang kanti ruponyo inyo bagarah , apo nan jadi buah tanyo sbb “ iyo indak buliah sumbayang di bali “ . Takajuik ambo karano salamoko satahu ambo indak ado bagai doh larangan urang sumbayang di Bali . Baa kok baitu kecek waang , tanyo ambo kan ? Iyo lah.. dek Ustad ambo manyabuik keceknyo sumbayang indak buliah di bali . Akhienyo satalah ambo sadar eiyayai …. bagarah inyo ruponyo . Dimaa pulo sumbayang buliah di bali atau diganti jo pitih . Zul amry piliang di jimbaran bali Sjamsir Sjarif <[EMAIL PROTECTED]> wrote:Kalau "tagang", itu saroman kawek atau tali panjamua kain nan ditagang dikanduakan. Kan lai takana ironi papatah Minang, "Kok tagang bajelo-jelo, kok kandua badantiang-dantiang." Tapi kalau itu deskripsi barang tu, mangko "kanyang" ko di Bali, Caro Awaknyo iyolah "Tagok". Padang Galak. Takana pulo Carito Tantara (dari Subarang) dahulu, ditanyo anak-anak sikola gadih-gadih. "Baa dek galak-galak se Pak?" Keceknyo, "Orang ketawa koq dibilang galak!" Apo aratinyo "Bae" dalam Bahaso Bali? Karano ado lo Kota Palabuahnnyo "Padang Bae", pintu ferry ka Lombok. Ambo masuak Bali dari Padang Bae tu dulu wakatu cruise kami maangkor di sinan. Dari Padang Bae kami taruih ka Pura Basakih dan sekitarnyo. At 07:03 PM 5/26/2005 -0700, zul amri wrote: >Bahaso Minang Vs Bahaso Bali > >Kalau sanak pai ka Bali hati hati kalau mangajak urang Bali pai makan >karumah makan masakan Padang , karano nanti dikiro pai makan dengan >suguhan makanan utama rumpuik , karano padang barati rumpuik dalam bahaso >Bali . Ciek lai sahabih makan jan sakali-kali mangecekkan " kanyang " atau >kenyang bisa n bisa digalakkan urang karano kanyang dalam bahaso Bali >aratinyo adolah ereksi dan siap tempur . Apo kolah bahaso awaknyo ereksi >ko bahaso awaknyo , mungkin tagang kali yaa ...? > >Di Denpasar ado sabuah lapangan sepakbola banamo lapangan " Buyung " tapi >indak ado kaitannyo jo buyung dalam bahasa minang yaitu panggilan untuk >anak lali laki yang indak tahu namonyo . Buyung dalam bahaso Bali adolah >sabangso lalat hijau nan ado ditampek tumpukan sampah . Sabab dinamokan >lapangan Buyung karano lapangan ko dulunyo adolah bakeh TPA ( tampek >pambuang sampah akhir ) dan dilokasitu banyak sakali lalat hiaju , mako >malakek lah namo lalat hijau ( buyung ) kalapangan tesebut . > >Disekitar Sanur ado daerah nan banamo Padang Galak , kalau dibao kabahaso >awak mungkin aratinyo orang padang sedang ketawa , atau orang padang >pamberang/ pambangih . Tapi mukasuik nan sabanayo adolah desekitar daerah >padang galak tersebut , banyak rumput baduri sabangso kalikih kanji atau >rumpuik alang alang nan baranjau , jadi lah lakek pulo namo padang galak >kadaerahtu . > >Wassalam : zul amry piliang ( 35 tahun tingga di bali ) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
