Wa'alaikumussalam wr.wb. Uda Tasril.., lai nampak rajin online kiniko. Hehe iyo kadang2 dipalanta iko banyak bana nan cadiak pandai., tapi indak jarang manjadi kurang bijak.
Baraja ilmu agamo itu memang indak cukuik cuma di baco, tapi juo mesti diamalkan. Kalau awak kaji baliak.., kitab Alqur'an itu isinyo sadonyo tantang caronyo beribadah jo menyembah Allah, tantu sajo kalau ado kato2 pamimpin nan dimukasuik dalam Alqur'an itu adolah pamimpin dalam hal Agamo. Nah baa caronyo tu kalau pamimpin dalam kehidupan sehari hari.., itu awak mangicek masalah duniawi.., Rasulpun indak sadonyo tahu masalah2 nan detail sumacam iko.., apo lai kini ratusan tahun setelah jaman nabi.., banyak nan barubah bahkan indak samo bagai jo jaman saisuak. Sunah Rasul tantu sajo haruih awak ikuti terutama baa caronyo beribadah, karano banyak ayat2 Alqur'an nan masih butuh penafsiran..Rasul iyolah nan paliang pas manafsirkan dan patuik awak picayo. Tapi untuak masalah duniawi.., rasulpun pernah babuek salah, kalau indak salah waktu itu dalam hal bercocok tanam, akhirnyo rasul menyarahkan ka nan paliang mangarati. Kini soal mancari karajo atau punyo pimpinan dalam perusahaan. Katokanlah pak ustadz nan santiang jo agamonyo.., disuruah mamimpin parusahaan.., alun tantu pulo inyo kamangarati manjalankan perusahaan itu.., bisa bisa beko perusahaan itu kacau balau dek inyo. Tatap nan labiah mangarati jo bidangnyo nan patuik jadi pimpinan. Jadi kalau awak ikuik pemimpin walau inyo indak saiman..indak ado salahnyo, salamo masih indak baurusan jo ibadah ataupun manyambah Allah. Aa beko..pasti ado pulo nan ka mangicek.., urang islam itu sado tingkah lakunyo itukan untuak ibadah.. Kalau saroman iko iyo indak ka abih ota awak beko..., kini ambiak nan simple sajolah.., indak usah pakai ditafsirkan panjang pendek.. Ado indak larangan awak karajo di perusahaan asing..dalam Alqur'an.., kalau indak ado..indak patuik pulo awak tambah2kan hukum nan indak ado., jan sampai kanai pulo di awak jo kaji Bid'ah itu..:) Urang islam itu kalau ingin maju.., iyo indak paralu manutuik kesempatan bagaul jo barajo jo sia sajo tamasuak jo urang asing sakalipun.., kalau ka dituruik bana sunah itu secara letterlijk.., mungkin kini awak indak paralu pai haji naiak kapa tabang.., cukuiklah jalan kaki saroman nan dilakukan rasul dahulu.., eh itu kapa tabang nan mambuek indak urang islam bagai.., sia tahu itu pitihnyo dapek dari korupsi..atau marampok minyak2 urang arab.. wassalam adeer --- Tasril Moeis <[EMAIL PROTECTED]> wrote: > Assalamualaikum WW > Gara 2 carito Ibnu Sutowo korupsi kalualah fatwa > Palanta karajo di > perusahaan Ibnu haram hukumno. Taruih bakambang > karajo jo jo urang zalim, > urang asiang dan sampai kalau bos awak indak urang > Islam pun haram hukum no. > Sabauk awak indak buliah ba imam ka urang nan indak > Islam. > Jadi kalau awak punyo dunsanak atau tetangga nan > punyo pandapatan indak > halal ko maundang tantu alah tamakan pulo nan indak > halal cako. matilah > badan > > Tolong lah sanak oiii, ambo alah paniang. baa caro > no lai ko. > > Wassalam > Tan Ameh > > > > _____________________________________________________ > Berhenti/mengganti konfigurasi keanggotaan anda, > silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ > _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
