Assalamualaikum WW, Dunsanak sa palanta, Bara bulan sabalun baliau di imbau dek nan punyo ado lo baliau manngecek. Aa ma pituluk jo karateh, ambiak lah cataik nan iko.
Pasan baliau, kalaulah waang alah gadang nantik dan alah talibaik pulo jo urusan duniako, harus ba ati2 bana. Nama nan hak nama nan bathil, harus jaleh bateh no. Sabagai anak kalene saat itu ambo batanyo, urusan dunia ko kan banyak Nyiak, baa carono. Haa kalau itu alah jaleh di Tuhan awak tu mah. Sado no tu kan ciptaan No, Allah nan manciptakan bantuak tu dan baa caro umaik no manyalasaikan itu lah nan namo no ujian. Ujian tu tantu di sasuai kan No pulo ilimu urang nan ka di uji no. Kalau awaang indak mangarati ijan malu untuak batanyo, kalau indak juo istiqarah lah. mintak patunjuak dari nan di ateh. Indak ado surang urang nan bisa manyalasaikan sagalo persoalan dunia ko, masiang2 ado ahli no. Jadi kalau ka batanyo pandai2 lah waang mancari kasia ka batanyo, kalau indak salah pulo arah no beko. Dek umua baru ka anam taun iyo ba cataik sen dulu, mudah2 an jadi bekal kalu lah gadang nantik. Wassalam Tan Ameh _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
