Sasudah ota kami jo angku Tan Ameh manganai Mak Bila Elektronik nan kami
tanyoan ka Ulama di Lapau, takana lo dek ambo tambahannyo saketek lai, tapi
interestiang untuak dipikia dan ditanyokan ka Lapau.
Kalau Surek Al-Quran atau buku-buku atau karateh-karateh nan barisikan
kalimat atau namo Allah ndak buliah talongkahi atau dilatak di lantai, atau
tabao ka dalam kakuih, baa hukumnyo jo kato-kato suci tu nan ado dalam
kaset, CD Rom, atau file komputer? Badoso koh awak kok talongkahi atau
tabawo alat-alat tu ka dalam kakuih atau ka jamban?
Baa kalau awak sadang di kakuih, tibo-tibo wakatu sumbayang tibo, Mak Bila
Elektronik tu azan dalam kakuih tu? Badoso awak? Atau suaro Mak Bila
Elektornik tu nan badoso? Atau urang atau parusahaan nan mambueknyo nan basoso?
Baa jo komputer nan barisi file-file kato-kato suci tu. Indak buliah pulo
talongkahi? Baa pulo kalau laptop awak talongkahi atau tabawo ka dalam
kakuih dalam tas atau ransel awak?
Mungkin kah paralu lo Fatwa Ulama elektronik dalam hal iko?
Salam,
--MakNgah
--
No virus found in this outgoing message.
Checked by AVG Anti-Virus.
Version: 7.0.323 / Virus Database: 267.8.8/37 - Release Date: 7/1/2005
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
