Assalamu'alaikum.w.
.... kito sambuang agak saketek pulo.....
Kito taruihkan,....
Cubo tuan-tuan bayangkan kok mati awak, nyo mandikan
dek urang, nyo kapankan, nyo sumbayangkan, nyo anta ka
kubua. Katiko nyo masuakkan dalam kubua tu,
....
Dimasuakkan ka dalam liang lahat. Liang lahat tu kan
tapi dindiang kubua tu di tabuak.
Sudah tu dipuruakkannyo awak ka dalam. Cubo bayangkan,
kok iduik awak lai namuah masuak ka dalam ?. Ba
agak-agak ?.
Sudah tu baru ditutuik jo papan, lalu ditimbun jo
tanah, nyo pijak-pijak dek urang tanah tu mamadekkan.
Anak-anak awak kadang-kadang sato pulo mamijak. .....
Nan ikuik jo maik tu tigo, Duo pulang.
Yat tabiu maita salasatun....
yang mengikuti mayat ada tiga
Ahluhu, wamaaluhu, wa amaluhu
.... Ahlinya, hartanya, dan amalnya.
Ahlinyo (keluarganyo) ikuik, haratonyo (misalnyo oto)
nyo ikuik, amalnyo ikuik. Duo baliak, keluarga
baliak, harato (oto) pun baliak. Nan tingga amal.
Ikolah nan kamairiangi awak sampai ka alam barzah. Iko
nan kamanjago dari pertanyaan-pertanyaan nan indak
ka tajawek kalau awak sajo nan manjawek, dek karano
mancaliak malaikat sajo alah tagagau, dalam keadaan
sarupo itu lai katajawek rasonyo ?. Untuang ado
amalanko nan kamambuek awak bisa manjawek. Itu makonyo
amalanko paralu dibuek banyak-banyak dan harus
mangalahkan jumlah doso. Kalau indak, amalan tu abih
nyo lulua dek doso.
Roh nan diamanahkan dek Allah swt. tu ka kito,
suatu waktu ka diambiak baliak dek Allah swt. Roh tu
sebagai modal dek awak. Kalau modal lah diambiak, baa
kabadagang lai. Dan akan sampai katikonyo roh tu
kadiambiak. Tapi manusia indak tahu bilo kadiambiak.
Buliah jadi roh diambiak maso kanak-kanak lai, buliah
jadi juo alun sempat laia ka dunia. Ado juo nan
sampai lanjuik umua baru diambiak.
Min hum man yuradduu ila arzalil umuur
Ada orang yang Allah kembalikan pada umur yang lanjut
Wa man nuamirhu munakkishu fil haq
Barang siapa yang Kami panjangkan umurnya, Kami
sungsangkan kejadiannya.
Lah sampai umua lanjuik, ... lanjuik...lanjuik, jadi
kanak-kanak baliak.
Oleh sebab itu awak selalu handaknyo badoa
Allahuma inni auu dzubika minal jubni wal
bukhli, wal Harami (baco jo H gadang).
Ya Allah aku berlindung kepadamu dari sifat penakut,
sifat kikir, dan dari keadaan nyanyuk
Nyanyuak atau muno dek awak, Awak takuik jo nyanyuak
ko, sabab urang lain bisa badoso dek awak dek karano
nyo berang. Urang nyanyuak lah satangah gilo, mereka
indak badoso lai doh dan indak dietong lai dek karano
indak mukallaf lai.
Bilo roh indak bisa bakarajo samo jo jasad lai,
dek karano jasad lah bapanyakik dan sebagainyo, mako
roh pun maninggakan jasad. Dek karano jasad lah
barubah, inyo makhluk dari laia lamah, kuek, kuek,
lamah baliak.
Bilo baransua lamah, roh pun baransua maninggakan
badan. Jadi roh tu nan paliang paralu. Kalau lah
tapisah, namonyo mati.
Jadi sabananyo mati tu ndak ado apo-apo do, Mulo-mulo
basatu, sudahtu jasad baliak ka asa dari tanah, roh
baliak ka asa dari Allah swt. Atau disabuik,
kembalilah ia ke pangkuan Allah swt.
....... lah panjang pulo....barisuak kito
sambuang....
Wabillahil hidayah wat taufiq
Wassalamu'laikum warahmatullah
St. Sinaro
____________________________________________________
Start your day with Yahoo! - make it your home page
http://www.yahoo.com/r/hs
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
