Assalaamu'alaikum Warahmatullaahi Wabaarakatuh. Dt. Marah Bangso, Sanak Zul Amry dan sanak sapalanta. Lain padang lain bilalang, lain lubuak lain ikanno. Walalu itu bilalang atau iakan samo itu juo. Ambo ingin juo sato saketek satantangan tradisi manyambuik bulan suci Ramadhan, penghulu segala bulan. Nan didalamno ado suatu malam nan labiah baiak dari 1000 bulan.
Di Canduang kampuang ambo, duo tradisi nan dikatangahkan dek sanak Zul Amry, badua, ado juo di Canduang, biasono iyo duo minggu sablun puaso sampai puaso tibo adolah saat badua tu. Berdo'a jo kerabat, maimbau urang siak karumah, mandanga ceramah ugamo, basalam-salam dan bamaaf-maafan supayo samo jo ati suci masuak ka bulan puaso. Balimau saroman nan dikatangahkan dek sanak Dt. Marah bangso pun ado juo, tapi iko bisano disore hari sabalun masuak bulan puaso, balimau basamo di pincuran nagari, atau di tabek. Dek kampuang ambo talatak dilereang, jadi iyo banyak pincuran. Balimau barati mansucikan diri jo mandi gadang. Supayo badan barasiah, hati barasiah mamasuiki bulan nan terhormat, bagindo dari sagalo bulan. Cuma arti kato balimau-ko iyo agak balain jo nan dikamukokan dek sanak Dt Marah Bangso. Dikampuang ambo arti balimau adolah mandi kramas kecek rang jawa. Atau samo jo mandi gadang. Sabok sasudah junub, wajib mandi balimau, alias keramas nantun. Jadi indak dek mandi pakai limau nan diartikan di Solok tu doh. Antah dima asa kato balimauko, ambo iyo indak tau lo doh. Tapi kalau dikecekan mandi balimau, urang lansuang atu itu adolah mandi seluruh badan. Duo tradisiko iyo dibaolo dek kami ka rantau, kami Kerukunan Canduang Sarumpun Condet dan sekitarno (Jaktim), biasono satiok ka bulan puaso maistimewakan acara pangajian bulanan rutin kami. Ado kadang ba darmawisata, katompaik pamandian dulua kota, atau katompaik peninggalan sejarah Islam. Rencana tanggal 2-4 Sept ko kami ka pai badua dan balimau nginap di Cipanas, diharokan seluruh anggota keluarga dibao basamo, sahinggo nan ketek-ketek, nan mudo-mudo atau generasi nan lahia dirantau dapek saliang mangarati tradisiko, dan dapek saliang kenal sasamo urang awak. Siap[o tau, diantaro mereka dapek ditingkekan perkenalanno, nan alah agak susah jo situasi dan kondisi awak nan barumah tapisah ciek jo nan lainno diranah rantauko. Ambo manumpang ciek meleo pulo, untuak sanak Dt. Kato "jugo", mungkin iko adolah kato urang sono, wong Palembang atau Bengkulu. Kalau caro Minangno babuang huruf "g" no. kan iyo baitu ndak mak Ngah jo mak Lembang. Wassalaamu'alaikum Warahmatullaahi Wabaarakatuh. Darul Makmur St. Parapatiah (52) ----- Original Message ----- From: <[EMAIL PROTECTED]> To: <palanta@minang.rantaunet.org> Assalamualaikum,wr,wb. Mancaliak hari, puaso alah diambang pintu, tingga 40 hari sajo lai, nan biasonyo di kampuang awak, pabilo tibo bulan Ramadhan tu, anak nagari biasonyo babondong-bondong pai ka sungai (batang ayie) menyucikan diri dengan mandi balimau. Adapun esensi dari balimau tu subananyo indak ado didalam ajaran ugamo kito, mungkin itu peninggalan ugamo Hindu atau Budha. ============================= Itulah sekedar info untuak kito basamo, antahlah ditampek lain .......... Wassalamualaikum,wr,wb, HM Dt.MB ( 48 + ) Wakil Ketua DPC SAS Palembang Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________