Assalaamu'alaikum wa rahmatullaahi wa barakaatuhu, Sabanano ampia samo Bandaro. Di kami bana sarupo itu juo. Tapi biasono bisa diambiak 'banang merah' no. Urang lamo (sarupo ambo jo nyiak Sunguik), umumno maraso bangga jo kaaslian dialek kami tu. Kalau ambo mangecek di kampuang iyo labiah kurang bak nan biaso ambo tulih ko. Jo 'no' totok, jo 'kiyoh', jo 'tingaran', jo 'katuju' dsb. Kapatang nyiak Sunguik manulih 'jagai' bahaso urang Panampuang di Ampek Angkek. Kami di Balai Gurah manyabuikno 'sigok'. Mungkin sigok ko lai lo tapakai di tampek lain. 'Sigoklah jago bisuak, tapi wak ka barangkek pagi!'
Nan batahan di kampuang masih asli bahasono. Tamasuak jo anak-anakno. Nan biasono barubah tu nan marantau ka Bukik Tinggi, ka Padang, atau ka Pakan Baru. Aa iyo lah ba 'inyo-inyo' mareka mangecek. Kalau mangecek-an 'nan' ko 'yang'. 'Tolong ambiak-an baju yang merah tu ciek Sal. Baju merah yang langannyo putiah tu ha!' 'Aa di gau go. Baju sirah nan maa no gau?' jano si Salma manjawab. Wakatu ketek-ketek sari, kalaupun kami bagaua jo dunsanak-dunsanak nan pulang dari Padang (nan tingga disinan), indak tapangaruah bagai kami doh. Sabab kok ditukai caro mangecek pasti awak dicimee-anno di urang kampuang. Jadi cimee ko punyo andil mampatahankan kausalian bahasotu katiko itu. Wassalaamu'alaikum, Lembang Alam ----- Original Message ----- From: <[EMAIL PROTECTED]> To: <[email protected]> Sent: Sunday, August 28, 2005 8:24 PM Subject: Re: [EMAIL PROTECTED] Re: kioh, kiyoh, badatuh-datuh > > > Ano mangkon go 'meh. > Nak no disangko rang kota, batiru-tiru caro rang kota. > Kini di banuampu lah ba "inyo-inyo", idak ado lai > " kambhuk tasangkuk disudhuk". > Batua. > Melah dikampuang dipakai caro daulu, mancaliak urang, > disangkono manyindia rang kampuang. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
