Memang Angku Boes, ambo caliak di referens pepatah (Pepatah
Minangkabau,Anas Nafis 1996) memang ditulih "gali":
"Abih gali dek galitiak, ilang biso karano biaso, abih miang dek bagisiak."
Tapi ambo raso ado grey area dalam pangucapan dan arati "gali" jo "gili"
ko. Kalau Angku Boes tanyokan apokoh ambo 'salah tep' manntep 'gili' tu,
rasonyo indak. Karano sajak ketek memang lah tadanga di ambo kato 'gili' tu
dipakai di Kampuang. Jadi sacaro spontan ambo tep itu manuruik naluri
sakatiko. Kalau kami di Kampuang ka mampatakuiki atau manggaduah anak-anak
ketek untuak manggalitiknyo, biasonyo kami kecekan: 'gili, gili, gili...'
sambia manggarik-garikkan (manggarak-garakkan?) jari diarahkan ka katiak
anak nan ka di'gili-gili' tu. Indak takana dek ambo urang mangecekkan
'gali,gali, gali ..' doh. Rancak kito verifikasi jo angku Lembang, baa
tadanganyi di Kampuang. Atau jo Adidunsanak nan lai, kito survey, baa
tadanga bunyinyo di Kampuang surang-surang, "gali' atau
'gili'. 'Gili-gili, gili ... ' Atau 'Gali-gali, gali ...?'
Baitu juo kalau awak ka maadu ayam, mangko di'gili-gili' katiak ayam tu,
indak di'gali-gali' doh, supayo inyo namuah balago. Sahinggo ado lo
papatahnyo "Bak manggili induak ayam." Baa bana manggili induak ayam tu
namun nalauriah iduak ayam indak namuah amek bacakak doh, kacuali kalau
dirasonyo anaknyo dalam kaadaan tarancam bahayo, sabagai protective
measure, bukan agressiveness.
Ambo raso variasi lokal ko, mungkin ado nan manyabuik 'gali' dan ado nan
manayabuik 'gili' karano ado hubuangan kato Malayu nan samo aratinyo "geli"
nan saliang mangimbas antaro Caro Awak jo Caro Malayu sahinginggo itu nan
ambo mukasuik jo grey area dalam pangucapan tu.
Ambo caliak dalam KBBI (Kamus Besar Bahasa Melayu, walaun kato 'geli' samo
jo kato Caro Awak 'gali' tu, namun kato 'menggili-gili' tu hampia samo
sabagian aatinyo jo nan ambo mukasuikkan jo 'manggili-gili' (dengan contoh
ayam) di ateh.
Salam,
--MakNgah
42302
From: "boes" <[EMAIL PROTECTED]>
Date: Tue Aug 30, 2005 10:17am
Subject: [EMAIL PROTECTED] gali atau gili?
Angku Sjamsir:
ambo masih takana setek soal pipatah nan Angku sampaikan ko.
katiko papa ambo masih ado, acok baliau maingekkan ambo/kami.
samacam ko:
ilang gali dek galitiak (bukan gili)
ranggang sapadi indak kanai
tapi Angku manyampaikan 'ilang gili' apo ambo salah danga
atau Angku salah tep?
wassalam,
boes
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.16/83 - Release Date: 8/26/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
