"Katimbaba", atau "timbaba", kadang-kadang tadanga katimbabal atau
timbabal, aratinyo iyo "umbang cubadak". Dalam Bahaso Malayu "katimbaba"
ko disabuik "kebabal", putik nangka, nangka muda.
"Jamberang" iyo indak ado dalam perbendaharaan kato-kato ambo doh. Mungkin
rancak kito palegakan kok ado tadangan di Kampuang lain. Di kami jo Angku
Lembang, iyo indak panah lo tadanga di Kototuo Balaigurah doh. Mungkin kayu
tu lah habih pulo. Tapi, takana ciek lai. Mungkin kato "janberang" ko
satu parubahan bunyi atau pamainan bunyi nan MakNgah cubo acak-acak manjadi
duo:
1. Janberang, mungkin suatu kacikak kalau urang mambuek kurabu nan pakai
"pucuak janberang" tu, kalau rasonyo indak lamak, "jaan berang" atau
usahlah bangih-bangih bana.
2. Mungkin pulo kato "Janberang" ko kapendekan atau parubahan bunyi kato
dari "Jambuerang" atau jalehnyo diacah kato sabanayo "Jambu Erang"
sabangso jambu nan sirah. Ambo indak tahu bana nan maa nan Jambu Erang tu,
karano ado babarapo jambu nan sirah. Bahkan ado lo buah jambu nan agak
gadang nan kito namokan Jambak. Itupun ka sirah-sirahan pulo, agak badaruih
kalau digigik. Ado pulo "Jambu Aia" cuma warnonyo nan digunokan untuak
manjalehkan macam warno, tapi indak dapek dimakan doh.
Kalau "Kalumpang" lai tahu ambo, lah panah mancaliak batangnyo. Batangnyo
tinggi saroman batang-batang surian nan tinggi pulo. Di Balaugurah cuma ado
ciek Batang Kalumpang tu, lataknyo di Kapalo Koto, Balaigurah, jalweh
tampak dari Kototuo. Katu ketek-ketek saisuak, ambo lai acok main-main di
Kapalo Koto tu, karano ayah ambo pun panah jadi guru di sikola Kapalo Koto
tu. Kalau dari Kototuo mancaliak ka ujuang tampak Batang Kalumpang tu.
Apokoh kini masih ado ambo indak tahu lai. Wakatu ambo ketek-ketek, Batang
Kalumpang tu indak banyak mek daunnyo lai, saroman kayu tu lah tuo bana.
Ambo alun panah makan pucuak daun kalumpang tu. Tapi pucuak surian iyo alah
ambo makan.
Sabagai tando dari Nagari Balai Gurah tu di ambo maso ketek-ketek kalau
awak mancaliaknyo dari lereng Gunugan Marapi dari Lasi atau Canduang adolah
"Batang Kalumpang" di Kapalo Koto" jo "Batang Kubang di Pakan Jumaat Pakan
Sanam" dakek Ikua Labuah. Untuak Tando Nagari Panampuang adolah "Batang
Baringin di Pakan Kaluang". Sayang Batang Baringin di Pakan Kaluang ko
indak ado lo kini lai. Dahulu maso ketek-ketek ambo acok main-maina
mamanjek-manjek tungguanyo dan babuai-buai jo ureknyo nan tagayuik-gayuik.
Satantangan Cubadak Utan, iyo lamak manih buahnyo kalau nan masak. Ambo
acok makannyo dan banyak manamukannyo di Rimbo-rimbo Sumpu
Kudus,Sijunjuang. Dalam rimbo tu banyak juo sabangso cubadak nan banamo
"sukun". Baiak buah Cubadak Hutan ataupun Buah Sukun barangkali masih ado
dijua urang di Pasa Kumani di jalan antaro Lintau Buo jo Muaro Sijunjunjuang.
Sakitulah dahulu.
Salam,
-- Nyiak Sunguik
42739
From: "Muhammad Dafiq Saib" <[EMAIL PROTECTED]>
Date: Sun Sep 11, 2005 2:13pm
Subject: Re: [EMAIL PROTECTED] Istilah awak
Wa'alaikumsalaam wa rahmatullaahi wa barakaatuhu,
Lah saroman ambo jo angku Boes nan di Taronto tu. Jamberang jo kalumpang iyo
indak tau bulo ambo do. Paralu awak kisaan nyiak Sunguik sato mangomentari
nan Tan Rumah Panjang kamukoan ko. Kok katimbaba lai tau ambo du bahaso itu
umbang cubadak. Nan labiah rancak konon umbang cubadak utan. Namo katimbaba
batumbuak di lasuang ko mungkin nan disabuik angku Taufiq mulo-mulo, kurabo
timbaba. Nan iko alun panah ambo mancubo mamakan no lai do.
Wassalamu'alaikum,
Lembang Alam
----- Original Message -----
From: "Adyan" <[EMAIL PROTECTED]>
To: <[EMAIL PROTECTED]>
Cc: <[EMAIL PROTECTED]>
Sent: Sunday, September 11, 2005 6:50 PM
Subject: Re: [EMAIL PROTECTED] Istilah awak
> Assalamualaikum w.w.
>
> Mak Lembang,
> Salain anyang jo kurabu nan bagiliang di batu lado tu, ado pulu makanan
> nan batubuak kasa di lasuang, dicampua pulo jo lado dan limau sundai atau
> limau kapeh. Aa namonyo kolah tu.. kini indak ducubokan urang lai.. bahan
> nan ditumbuak ko kalau di Pandaisikek biasonyo "katimbaba", yaitu umbang
> cubadak. Ado pulo makanan dari pucuak "jamberang" nan alah sarik basuo
> kini... dan dimakan juo pucuak "kalumpang".
>
> wassalam,
> -adyan
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.21/96 - Release Date: 9/10/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
