Assalamualaikum,wr,wb. Manyalo lo ambo sangenek tentang duiyan ko, kok nan taralah, carito alah sampai ka tempoyak. Mulai dari durian monthong, durian ciik gajah, mabuak durian, mabuak kepayang (kota Kepayang ko adonyo di Propinsi Bangkahulu, 56 KM arah Timur Bengkulu, baa mangko terkenal istilah mabuak kepayang ko di Bangkahalu?, sebab perjalanan antaro Bangkahulu - Kepayang ko jalannyo bakelok-kelok mandaki gunuang sahinggo banyak manumpang oto nan mabuak alias muntah2, sahinggo sia nan mabuak tadi disabuik mabuak Kepayang, nan ciek lai istilah mabuak kepayang ko aratinyo adolah urang nan sadang di mabuak cinto) dan terakhir Tempoyak (makanan kebanggaan urang dusun Komering di Sumsel). Baraliah ka ka pangka carito, kini disambuang ka "LEMPOK". Lempok ko adolah durian nan dimasak dalam kuali sampai bakulintin-pintin manjadi seperti dodol atau kalamai di kito. Lempok ko rasonyo lezat sangaik. Biasonyo nan ahli mambuek lempok ko di Bangkahulu atau di Palembang adolah urang Cino. Itulah sekedar tambahan dari ambo tentang curito duiyan ko, semoga menambah wawasan kito.
Wassalam, HM Dt.MB (48+) Di Kampuang Awak ado dijua urang di pasa namonyo "Asam Durian" atau > "Pakasam Durian" nan multiguno panginco sambalado bagai. Pakasam Durian ko > indak samo jo Urang nan Pakasam atau Pangasam, urang pandandam doh. > > Di Malaysia hampia tiok Rang Dapua di rumah tangga indak ado nan ka lupo > manaruah "Tempoyak" (baitu namonyo di sinan). Ambo alun panah makan > tempoyak doh. Tapi nampaknyo marupokan makanan kabanggaan Rang Kampuang > sinan. Ambo basuo jo saurang padusi rancak, ibu rumah tangga, nan bakarajo > sebagai kapalo Perpustakaan di Seri Menanti, Negeri Sembilan. Sasudah kami > bakatahuan, ambo dari Minangkabau, ambo dipabasoannyo. Sila datang ke > rumah, boleh saya nak buat Tempoyak, keceknyo. > > Mungkin tempoyak ko suatu makanan kebanggaan, atau apokoh itu caronyo > marandah diri mampabasoan awak saroman urang awak babaso-basi, singgahlah > ka rumah, den abuih pucuak ubi jo sambalado ... Mungkin Angku Sidi > Arshad > di KL atau Angku Jun Aidi di KS dapek mamverifikasinyo. > > --Makngah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
