Sanak , mamak, bundo, adiak, uni, uda di palanta sadonyo,
Alah duo kali Bali kanai bom. Dan satiok bom , baik itu di Bali ataupun di
Jakarta, selalu dikaitkan jo Islam. Baik itu dek peneliti maupun dek pelaku
sendiri.
Kabanyo, wakatu Bom Bali I, umat Islam di Bali mandapek perlakuan nan indak
lamak ( amo sendiri ndak tahu ). Mungkin sajo, karano satiok bom , taruih
dihubungkan jo islam.
Cubo kito caliak barang sabanta; dari tahun ka tahun, jumlah musajik di Bali
samakin banyak ( kalao dicaliak dari kaco mato islam, rancak!). Tapi apo kito
nan islam ko alah mamikiaan dampak lingkungannyo sabalun mambuek musajik? Di
satu pihak, urang Bali kental bana jo hindunyo ( pandapek ambo surang dari nan
nampak dicaliak satiok ka sinan , tiok tahun dari '82 ), di lain pihak, banyak
umaik Islam nan balomba lomba mambangun musajik di lingkungan urang Bali nan
baagamo Hindu ko. Ambo pernah dimintai sumbangan dek nan punyo niaik mambangun
musajik ko. Dek karano sadang indak mambao pitih, cuman sakedar balanjo sajo,
jadi ndak ambo agiah do. Tapi ambo pernah batanyo, dima musajik tu ka dibangun?
di daerah sanur keceknyo. Daerah sanur ko, kan hindu bana nan nampak diambo.
Sudah tu ambo tanyoan, kok di sanur? kan hindu? baa kok bisa? apo nan
diagiahkan ka penduduk setempat, kepala desa dsb? Tak lain tak bukan jawaban
nan dapek dek ambo wakatu tu dari nan ka mambangun musajik, hanyolah
pengaspalan jalan sepanjang sekian ratus meter. Musajik ko ndak hanyo sekitar
Kuta se doh, ka pedalaman pun makin banyak. kajadian iko sakitar tahun 1999 -
2000.
Memang daerah Bali Utara, Bedugul ado musajik jo komunitas islamnyo, tapi itu
sajak jaman dulu. Tapi kini pendatang makin banyak, dan musajik makin banyak.
Jo ciek musajik gadang wakatu pas kalua dari bandara, sabalah kida sabalun
patuang Ngurah Rai ( nan kini tambah gadang sae )
Cubo kito baliak an carito ko ka daerah lain, Ranah Minang misalnyo. Tapi nan
dibangun ndak musajik, mungkin itu gereja, pura hindu atau tampek ibadah
lainnyo. Mungkinkah? Ambo raso ndak mungkin. Klo ndak salah, alah ado ciek
kampuang di awak nan sampai manutuik baliak gereja nan baru didirikan. Kalau
ndak salah sakitar Lubuak Aluang - Pariaman .
Bisakah kito umaik Islam pencinta damai memahami perasaaan urang Bali asli nan
baagamo hindu? Apo mungkin bisa kito buat suasana kondusif ke perdamaian,
saling toleransi , tenggang manenggang jo ugamo lain?
Sakitu se angan angan ambo di minggu sore ko.
Heri
Paris
---------------------------------
Appel audio GRATUIT partout dans le monde avec le nouveau Yahoo! Messenger
Téléchargez le ici !
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
