Assalaamu'alaikum wa rahmatullahi wa barakaatuhu, Sabanano iko nan batua nyiak, nan sakarek baluik sakarek ulako. Tahlil (mambaco laailahaillallaah) di ulang-ulang sainggo dipakai akhiran 'an'. Ado juo analogino saketek jo 'ratik' kalau di awak. Ratib, mambaco laailahaillallaah sambia kapalo manggeleang-geleang kasuok-kakida, mato satangah bapiciangan.
Katiko ambo pai mangunjuangi anak ambo nan sempat 'nyantri' di pesantren Assalam Surakarta di awal tahun 90an, ambo mandanga wirid dari Kiyai pangasuah Pondok Pesantren nan lupo ambo namo baliau. Baliauko bacarito bahaso akhiran 'an' ko manjadian sasuatu nan asli, nan sah, manjadi sasuatu nan indak asli dan indak sah (kalau diagiah baakhiran an tu). Contohno kecek baliau, rumah itu asli tapi kalau (rumah-)rumahan itu palasu. Orang itu asli, orangan bararti palasu. nan baliau mukasuik adolah bahaso tahlil itu asli sabagai amalan, yoitu mambaco 'laailahaillallaah', tapi kalau lah tahlilan, itu adolah amalan nan dibuek-buek, baitu pandapek baliau. Pakaro manujuah hari nan nyiak Sunguik kecek-an jo mandakian pusaro mungkin agak balain. Manujuah hari atau mandoa sasudah kamatian, nan kini di kampuang awak di Balai Gurah alah samakin bakurang urang mangarajoan, walaupun indak pakai tahlilan, tapi biasono mintak tolong juo ka urang siak mandoakan baliak nan alah mati. Untuak nan iko alah banyak pangajian nan manjaleh-an bahaso doa awak untuak urang matitu alah cukuik jo doa didalam shalat janazah, sabanano indak paralu ditambah-tambah lai. Nan bisa mandoakan sacaro langsuangtu takacuali anak dari almarhum, sasuai jo hadits nabi shallallahu 'alaihi wasallam nan mangecek-an, bilo mati anak Adam mako putuihlah sagalo amalanno kacuali tigo pakaro. Sadakah jariah (sagalo pambarianno nan bamanfaat ka urang nan manarimo dan diagiahan lillahi ta'aala), ilimu nan bamanfaaik (nan diamakan urang nan manarimo ilimutu), sarato anak saliah nan mandoakan kaduo urangtuono. Balain jo mandakian pusaro nan biasono dikarajoan urang di ari katigo sasudah mayik takubua. Iko labiah kapado acara adaik kabiasoan, katiko dunsanak-dunsanak sarato anak kamanakan bagotongroyoang mandakian pusaro atau mamaga pusarotu. Memang iyo sudah itu makan minun juo dirumah tampek urang nan kamalangan tapi manuruik urang-urangko kan makan dirumah dunsanak atau dirumah bako sajono. Nan indak takarik biasono babaso kareh sin no indak amuah sato makan ka rumah walaupun ano sato juo bagotongroyoangtu. Antahlah. Wassalaamu'alaikum, Lembang Alam ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Tuesday, November 15, 2005 3:21 AM Subject: [EMAIL PROTECTED] Mengenai Tahlilan > Ahaa, interesting. Halleluyah! > > Tadinyo MakNgah manganggap kato "Tahlilan" tu marupokan kato > sakarek-ula-sakarek-baluik, "TAHLIL" (Bahaso Arab) + "AN" (akhiran "an" > Bahaso Indonesia" saroman KHAYAL-an, TADRUS-an, SOLAT-an, TAKBIR-an, > TARAWIH-an, SAHUR-an, SLAMAT-an, dll. > Jadi TAHLILAN itu memang Bahaso Arab panuah mah yo? > > Apokoh dalam katarangan Rangkayo Rahima, memang indak salah cetak, satu > "Tahliilan" (dengan huruf akhir "n"), dan satu lagi > "TaHliilah" (dengan huruf akhir "h")? > > Salam, > --MakNgah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
