Carito ko alah banyak dicaritokan urang, ambo cubo maulang sajo. Mudah-mudahan ado dunsanak nan masih alun mandanga.
Alkisah, ado surang Mamak dari Pikumbuah nan berkunjung ka rumah kamanakannyo di Jakarta. Sang kamanakan ruponyo alah jadi urang nan berhasil di Ibukota. Dari samulo mambukak rumah poto ketek di suduik jalan Jelambar, kini rumah potonyo alah limo, tambah rumah makan padang ciek. Jadi bajapuiklah mamak tu ka bandara. Kito sabuik sajo mamak tu Sutan Bosa. Alah tibo di suduk rumah, bajalan di tapi teras. Kamanakan bajalan di muko, mak St. Bosa mairiangan di balakang. "Mak, ado kolam Mak." Kecek kamakan bakeh mamaknyo. St Bosa sabananyo lai mandanga, tapi acuah sajo. Dek St Bosa aniang sajo, diulang lah dek kamanakannyo baliak, "Mak, ado kolam Mak." Sambia taruih bajalan. "Yoh. Lai tau den, kolam." Jawek St Bosa sambia acuah tak acuah. Sabananyo dalam pangana St Bosa tu: "Satorang ko ari, kolam juo kolam juo kecek kamanakan den ko. Alun juo batambah akanyo walaupun alah lamo tingga di Jakarta." Nan kamakannyo bajalan babelok di suduk rumah, St Bosa langkahnyo luruh juo. Tibo-tibo tadonga suaro kareh sudah tu, "Buur!" Langsuang tadanga sumpah sarapah St Bosa bakeh kamanakannyo; "O.. konciang. Ado tobek kironyo, ndak mangecek-ngecek waang! Alah basah kuyuk kain den! Kolam kolam juo kecek ang, lah joleh satorang ko ari! *!4%&$#!" 31/03/'06 Wady Afriadi St. Pamenan urangawak@yahoogroups.com http://groups.yahoo.com/group/urangawak -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
