Sanang ambo mambaco jo mandanga dri jauah Carito dari Kampuang Suaian dan
Sungai Balantiek di
Pikumbuah.
Carito Angku Zaimir Gazali mambuek ambo batambah rindu jo Kampuang Halaman
nan Indah di Ranah tacinto nan ambo rancah dalam tahun 1958-61. Pado akhia
bulan Juni 1958 Suayan adolah kampuang nan partamu nan ambo tapati sasudah
saharian bajalan malalui rimbo gadang dari Solok (Tarusan Kamang) Agam. Di
sinanlah kami baistirahat, lalok sa malam. Bisuaknyo kami taruihkan
pajalanan untuak taruih Kubang di baliah bukik di Ranah Pek Ten.
Sasudah mandaki bukik di tangah hari, di Puncak Bukik di ateh batu gadang
karmi baranti manikmati Pamandangan nan indak mankjubkan manikmati Ranah
Limo Puluah Pek Ten nan jaleh dilingkuangi bukik-bukik. Dari Puncak Bukit
tu jaleh di mato Ranah nan Indah tabantang sampai ka bateh-bateh bukik di
sebelah timur dari Daerah Guntuang, Mungka, manuju selatan ka Gunuang
Bungsu, Taram, belok ka Barat sampai-sampai ka Gaduik Padang Manggateh, ka
Situjuah disabalah kanan. Sadang di bawahnyo terhampar dataran indah panuah
pohon-pohon kaambia dengan kampuang-kampuang saato panduduak nan ramah aman
dan damai.
Di maso itu, Ambo acok malalui Kampuang Angku Gazali baiak malinteh baliak
dari Ranah Pek ten ka Ranah Agam, maupun hilia mudiak dari babega-bega dari
Natal - Sorik Merapi (Mandahiling), Air Bangis - Bonjo (Pasaman) -
Kototinggi - Mudiak Liki - Batuhampa - Situjuah - Padang manggateh - Gaduik
- Lintau - Sumpur Kudus - Durian Gadang - Pintu Batu and beyond. Panjang
carito pangalaman budaya pengembangan pendidikan paribadi dalam maso
basejarah wakatu itu...
Ruponyo angku Gazali sakampuang jo Angku Abrar Yusuf di Australia, dan
Darmidjas Darwis (lai ambo basuo di Huston, Texas tahun 1980) antah di maa
kini...
Salam,
--MakNgah
Di Tapi Riak nan Badabua
Nan Takana jo Kampuang Jauah di Maso
Message 46389 of 46390
From: Zaimir Gazali <[EMAIL PROTECTED]>
Date: Mon Apr 10, 2006 6:19 am
Subject: [EMAIL PROTECTED] Alhamdulillah Saya Malu. [EMAIL PROTECTED]
Pekanbaru,10.04.2006
Dari tanggal 27 Januari s/d 2 Februari 2006 ambo
pulang kampuang, jarak kiro2 13 KM dari Bukittinggi.
Sabananyo ambo acok juo Pulang kampuang (2 X setahun
rato2), kalau ado karik baralek, katam kaji atau yang
tutup usia.Tapi balasan tahun ndak ado lalok malam
dikampuang. Biasonyo di Bukittinggi, Payakumbuh atau
Padang sasuai jo kartu penduduk adiak2 kami.
Tapi patangko kami sarangkek pulang jo adiak dari
Rantau jauh Palembang. Inyo taragak lalok dikampuang.
Urang rumah ambo harok pulo lalok dikampuang.
Sasudah Isya dikunci oto langkok2 karano ndak ado
garase. Artinya kunci standar ditambah kunci Stir,
tambah lagi kunci rahasia. Baitulah nan ambo karajokan
di kampung ambo nan kaduo PKBaru.
Lalu satalah bacarito kailie kamudik parasaian
masing2,pukua 11 kami lalok.
Pukua tigo malam ambo tasintak, ingin juo mancaliak
oto kalau2lah pai tak satahu awak.
MasyaAllah ruponyo pintu karumah ndak bakunci, dicigok
oto alhamdulillah lai ado. Dicaliek Honda nan biaso
dipakai adiak sapupu nan tingga dikampuang ndak
bakunci juo.
Karano adiak sapupu tu padusi tapaso bajagoan jo suaro
agak kareh, tajago sado alah he. Heboh apo nan tajadi.
Ambo tanyoan: Manga ndak bakunci rumah! Honda ndak lo
bakunci, cayah bana.
Jawab adiak tu, kami ndak pernah mangunci rumah atau
mangunci kendraan doh tuan. Insyallah aman.
Sesudah sholat subuah kelakuan ambo tu jadi carito
dikadai ndak jauh dari musajid. Meskipun masuak
lambek2 ado juo nan tau, ambo sato duduk dilapau
nantun. Ambo sangat malu; pangilangkan malu ambo
caritokan bahwa dikota amat mudah kahilangan kendraan.
Tantu ambo wajib mambaiakan urang minum kopi, katan jo
goreng pisang rajo. Alhamdulillah didesa masih aman
dari mencuri,Yang Maha Kuasa masih
memberi kedamaian dan keamanan.
Barulah ambo sadar bawa tak ado dikampung kami pareman
duduk ba-garombol2 siang hari mereka sibuk diladang /
sawah ataupun berusaha lainnya. Tempat gundul tak ado
pulo, karena pohon2 yang ditanami pohon2nya sudah
menjadi besar. Bahkan ada aturan tak boleh menebang
pohon pakai mesin.
Kampung kami adalah batas Agam Tuo terachir, 200 meter
dari rumah kami bukit barisan/rimbo gadang sansai dan
terus kemudian Suaian dan Sungai Balantiek di
Pikumbuah.
Mohon ma'af bagi yang tak berkenan.
--Sjamsir Sjarif
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
No virus found in this outgoing message.
Checked by AVG Anti-Virus.
Version: 7.1.385 / Virus Database: 268.4.0/305 - Release Date: 4/8/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
