Yth. Dunsanak Urang Awak kasadonyo; Katiko ambo manulih tentang masalah mambaco Al Fatiha sebagai makmum kutiko shalat berjama'ah, ambo manyingguang saketek ttg baun muluik jama'ah lain nan barado di sampiang kida atau suok kito katiko sadang sumbayang tu.
Sangajo mamakai gaya bahaso eufemisme, ambo mandeskripsikan angok urang tu sebagai "bacampua baun jariang jo patai, sarato baun kuciang mati nan alah tabanam ampek hari dalam tabek iliran pabrik tahu." Mungkin sebagian dunsanak alah tau, bahaso deskripsi ambo sarupo tu adolah bumbu palamak ota. Sebagian dunsanak galak takekeh surang dinyo, karano memang hal semacam iko ukanlah kejadian nan jarang kito alami. Namun sebagian dunsanak nan lain, labiah mamparatikan bumbu palamak ota tsb daripado masalah krusial nan ambo sampaikan, yaitu manyangkuik keabsahan kito dalam melaksanakan ibadah nan sangaik wajib, yaitu shalat. Bahkan ado rekan nan mangatokan bahaso ambo alah mahino urang lain karano deskripsi ambo tu. Kini izinkanlah ambo batanyo ka dunsanak, indakkah pernah dunsanak mengalami hal itu? Jikok amuah jujur, mungkin labiah dari 99 persen na ka manjawab pernah. Nan manjawab indak pernah ambo yakin wanyo ndak pernah pulo ka musajik atau musholla shalat berjama'ah. Jadi masalah ko sabananyo adalah masalah "laten" dalam kehidupan kito beragama. Masalah ko ado, tapi urang maleh manyabuik, takuik urang lain ka tasingguang. Namun indak disabuik, awak sabana risih dan bahkan taganggu kehusukan dalam sholat dek baun angok tu. Jadi sabana mandi di tapian ba kiambang kito dinyo. Jikok indak mandi, palak taraso sangaik. Jikok mandi, palak ilang; tapi gata pulo nan tibo. Manuruik ambo, masalah iko patuik manjadi concern kito basamo. Jan-lah urang nan manyampaikan nan di berangan, nan dikatokan sebagai "mahino saudara seiman", tapi urang nan babaun angok tu lah nan paralu kito introspeksi. Jadi, ambo sederhanakan sajo bia jaleh, bukak kulik tampak isi, indak baputa atau babalik, tembak langsuang baalamaik: "Tolong dunsanak mangusuak gigi sabalun sumbayang Jum'at supayo indak mangganggu kekhusukan jama'ah nan lain!" Itulah pasan dari ambo nan subananyo, sacaro kasa-nyo. Kalau kito alah menyebabkan kekhusukan orang lain dalam shalat terganggu, ambo raso iko adolah suatu hal nan jauah dari mandapekkan pahalo Allah SWT. Jankan pahalo nan kadapek, mungkin doso nan kito parambiak. Mudah-mudahan hal iko dapek manjadi paratian kito basamo. Mohon maaf kalau ambo agak kasa, karano tujuan utama masalah ambo bukanlah iko tapi akhirnyo topik tapaso maleba kamari. Jadi, "Tolong sikat gigi setiap habis makan dan sebelum tidur..." Juga sebelum berangkat sholat Jum'at. Baitu labiah sehat, dan juga labiah nyaman bagi urang lain. Jikok ado juo urang-urang nan babaun muluiknyo wakatu komat-kamit mambaco kaji sumbayang berjama'ah, mangko ambo ka mengusulkan kapado pengurus musajik untuak memberikan SP (Surat Peringatan) kapado jama'ah ybs. Jika tiga kali SP indak digubris, mangko patuiklah urang tsb di black-list dari musajik tsb. Iko demi kepentingan basamo juo. Supayo jan samo se kantuik jo angok baunnyo. Kalau angok alah baun kantuik, mangko kalau kito mangaluakan angok itu samo sajo kito alah berhadas. Jikok seseorang alah berhadas, mangko wajib-lah bagi ybs untuak berwudu' kembali, atau sumbayangnyo indak sah. Baitu sajo dari ambo, talabiah takurang mohon maaf. Sesungguhnya hanya Allah-lah yang Maha Mengetahui. Wassalamu'alaikum W.W. Sutan Pamenan 32th [email protected] http://groups.yahoo.com/group/urangawak -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
