Waalaikumsalam w.w. Rasonyo baru kali ko ado posting urang awak tantang kagigihan dunsanak kito urang Batak. Ambo batarimo kasih ka Angku Z Chaniago nan alah maangkek masalah ko. Alah lamo ambo mamparatikan gajala sangaik capeknyo kamajuan dunsanak kito urang Batak ko dibandiangkan jo sangaik capeknyo kamunduran urang awak, urang Minangkabau, sajak awal dalam zaman kemerdekaan. Padohal dahulu kito samo-samo talibat PRRI. Hanyo kito manjadikan kalah parang tu sabagai alasan untuk manjalehkan apo sabab awak tapuruak, sadang dunsanak kito urang Batak tu indak paduli. Mareka maju taruih, dan kudian mampu duduak dalam saluruah lapisan pimpinan di Republik iko, baik dalam limbago sipil maupun dalam limbago militer. Nan jadi soal: baa mako dunsanak kito urang Batak tu maju taruih, sadangkan kito mundur bakapanjangan? A nan hebat di urang Batak dan apo pulo nan salah di kito? Curito Angku Z Chaniago ko adolah salah satu panjalasannyo tentang kamajuan bakapanjangan dari urang Batak, yaitu gigihnyo para inang-inang dalam mamajukan anak-anaknyo, sasuai jo papatah 'Anakkon Hi Do Hamoraon Diau', nan aratinyo kiro-kiro 'Anakku adalah Hartaku". Tantu sajo tagarak pulo hati ko batanyo dan mambandiangkan baa pulo citra 'bundo kanduang' nan kito kambangkan salamo ko taradok anak-anaknyo ? Dalam kaitan jo tugas ambo kini di Komnas HAM, babarapo wakatu nan lalu ambo alah maajak babarapo rekan untuak mulai mamparatikan katarkaitan antaro hak parampuan jo hak anak dalam konteks parsiapan pambantukan dan pambinaan hiduik bakaluarga. Umumnyo manarimo baiak gagasan ambo iko, walau dek karano kasibukan manangani masalah hak masyarakat hukum adat alun sempat ambo tindak lanjuti lai. Sasuai jo papatah kito 'maambiak tuah ka nan manang' dan 'alam takambang jadi guru' baa kok baraja kito dalam al iko ka urang Batak ? Tipak di ambo surang, ambo alah lamo mancubo mampraktekkan sumangaik iko. Ambo amuah basihabih untuak sikolah anak-anak ambo. Wassalam, Saafroedin Bahar (69th) Komisioner Hak Masyarakat Hukum Adat Komisi Nasional hak Asasi Manusia (Komnas HAM) Jl Latuharhary 4B, Jakarta, 10310.
Z Chaniago <[EMAIL PROTECTED]> wrote: Assalamu'alaikum WW berdasar dari sabuah kejadian dengan seorang Dunsanak dari "utara" minggu talapeh sore itu wakatu lah ka pulang dari manggaro..., ambo liek kudo basi di parkiran...tampak ban nyo lah kurang angin saketek.... tapasolah batuntun kudo-basi itu ka tampek tambal ban...., di dakek sawah ado tukang tambal ban ...tapi nan iko agak indak biaso...tukang tamba nyo bukan laki-laki...tetapi ibu-ibu (inang-inang) setengah baya...dengan seragam khas pakai topi salah satu pabrik di dakek-nyo nan bawarno ijau-putiah....(mohon maaf sabalunnyo: iko bukan masalah jender) " tambah angin, kak"? kato ambo dek ndak patuih pulo urang Batak di imbau "mbak".... " depan-belakang? " katonyo singkek sajo.... " belakang aja, kak " jawek ambo baliak.... dengan sigap...diambiak-nyo slang kompressor, dibaoknyo ka dakek kudo-basi, diputanyo roda saketek,.... hop..sampai posisi pentil-nyo di bawah.... zzzuuuuuuuuzzzzzz bunyi angin kompresor masuak ka ban kudo-basi.... diputanyo tutuik pentil sambia manokok-nokon ban kudo-basi ambo... ....."bocor ni dek...." katanyo dingin.. ' ditambal saja kak...." kato ambo .... dengan tangkas dienjokannyo kotak plastik baisi tool tamba ban..., mulai dari paungkik...,kikia, lem dll.... di unjanyo snek ban lua ...ditahannyo jo panahannyo...di enjo-nyo ban dalam nyo sambia maraba-raba di ma nan kiro-kiro bocor-nyo... pas sadang mamparatikan itu... baranti ciek angkot "si Jago merah" U-07 trayek Semper-IGI..manurunkan surang anak sikola SD.... " mamak-mamak.....katonyo ka bakek mamak-nyo".... " cepat ganti baju kau..." kato uwaik-nyo ka anaknyo.... taparatikan dek ambo siragam sikola si Ucok tsb....hhmmmmm...sikola elit tampaknyo... " cok" kato ambo sok akrab " siapa nama kau ?" " Togar,bang... Togar Sinambela "... ...."sudah klas berapa ?" tanyo ambo.... " klas 5 , bang....mau naik klas 6 "..jawabnyo.. " rajin-rajin belajar ya...." kato ambo sambia mangacak-acak rambuiknyo.... "..ya Bang...., maaf bang aku ganti baju dulu.....".. sekelebat dia masuk ke antahlag aa namonyo...dikatokan rumah... itu manempe sajo ka dindiang paga pabrik..dikatokan warung...isinyo cuma babarapo ban lua bakeh dan babarapo ban dalam baru.... sadang tacanuang... .." Panjang bocornya dek.." kato si Inang ka ambo.. .." bisa di jahit aja nggak , kak? " kato ambo.... tapikia kini bulan tangguang jo aa pulo ka dibali ban baru.... .." wah...coba ku liat dulu...," dienjo-nyo slang kompresor baliak...zzzuuzzzz....dibaoknyo benen itu ka dalam aia..... ....."cuma ini aja dik...panjang...., diganti saja?" tanyonyo berharap.. kalau diganti baru pakai "Swallow" Rp 30.000 kalau pakai IRC Rp 25.000... kalau dijahit Rp 10.000...." " jahit saja dulu kak", kato ambo sambia mangikia benen...babaliak pikiran ambo ka si Togar tadi.... " kak, kampungnya dimana ?...kato ambo mamulai basa-basi... " di "%%%%%%%" katonyo...., ndak jaleh di ambo di ma itu doh... "OOooo" ambo pura-pura sok tau sajo...." Kakak-ku guru di SMPN 1 Padang Sidempuan" kato ambo... "Sidempuan di selatan Dek...kampungku di dekat Porsea"... "OO...".. ambo sok tau sajo.." Anak-nya berapa Kak?" "tiga orang....."....ini yang kecil..., kakak dan abangnya sudah SMA".. " di "AAA """"" juga?. tanyo ambo.... " yah...." sahutannyo singkek sajo... " bukannya di "AAA" itu biaya sekolahnya mahal ?" selidik ambo ....indak dijawabnyo lansuang.. " maaf kak" ambo maraso ndak lamak..." lumayan juo pengeluaran kakak untuk pendidikan si Togar?" " Anakkon Hi Do Hamoraon Diau " katonyo..." untuk pendidikan tidak ada yang murah dek" " mungkin bisa merubah nasib....." " kenapa tidak di sekolah negeri saja?" tanyo ambo baliak " pendidikan itu juga harta dek, dan itu nilainya mahal" jawabnyo.... ... " mamak... aku saja yang masang ban-nya" si Togar sudah ada di sampiang Inang-nyo... " bisa juga kau masang ban? " garah ambo ka si Togar... " enteeng bang....ban truk bisa..." taliek senyum khas di bibia-nyo.. singkek carito, sampai kudo-basi ambo bisa bajalan baliak....taruih sampai ka dangau.... penasaran ambo jo kato-kato Inang tadi "Anakkon Hi Do Hamoraon Diau"....rasonyo di ma pulo ambo mandanga kalimaik iko...., ambo cari-cari lah di buku lagu-lagu daerah.... ndak basuo juo....sampai taliek sampul lagu Batak peninggalan kawan kost si Dirkman.... ambo cari aratinyo di google.....dan kiro-kiro aratinyo anak den arato den.... tapi ambo dapek pencerahan baru... baa mangko dunsanak awak dari Utara , baitu tekan bana untuak manyakolahkan anaknyo di tampek nan se-maju mungkin....ambo jadi malu dalam ati.... adiak-anak-kamanakan awak kok sikola kadang asa lai ka sikola sajo....talupokan di awak soal mutunyo....., mungkin iko juo nan mambuek Luhut Panjaitan berhasil mambuek Politeknik PI-Del di tapian danau Toba berhasil...dan mambuek suku Batak akhir-akhir iko tagak tali di belantera kehidupan ibukota... ambo search di Google...basuo lah satu tulisan iko Quote : http://www.kompas.com/ver1/Kesehatan/0606/28/183708.htm Anakkon Hi Do Hamoraon Diau. (Anakku hartaku) Penulis sangat senang dengan lagu gubahan Nahum Situmorang dengan judul Anakkon Hi do Hamoraon Di Au (Anakku hartaku) dengan lirik sebagai berikut. Hugogo pe mansari, arian nang bodari, lao pasikkolahon gellengki dan seterusnya dan seterursnya. Arinya filsafat batak ini tubu adalah filsafat yang educated, bukan filsafat murahan. Kalau boleh semua orang mengecam pendidikan tinggi seperti anda dan kami yang tinggal di negara adidaya ini. Lirik lagu ini telah mendorong orangtua kami untuk memberikan pendidikan tinggi bagi kami dan seterusnya kami lanjutkan dan praktekkan pilsafat ini kepada keluarga kami. Kami mempunyai empat anak laki dan perempuan, seluruhnya mereka sudah menikmati pendidikan tinggi di negara ini dan sudah bekerja dengan gaji berkisar $90,000 - $120,000 pertahunnya. eng quote : hhmmmmm.....suatu filsafat nan rancak...., tubuh adalah filsafat yang educated...bukan filsafat murahan.... Ambo juo yakin di awak dalam Adat Alam Minangkabau juo ado filsafat sejenis....., kok dalam Agamo ado Hadist "Tuntutlah ilmu walau sampai ke negeri Cina" (shahiah atau dhoif...liek sajo pesan moral-nyo) ... Mungkin Filsafat tentang pendidikan dalam Adat Alam Minangkabau.....lah tamasuah dalam filsafat sapujagad " Alam Takambang Jadi Guru ",namun samantang pun baitu kok ado nan labiah tau mendalam....Nyiak Sunguik, Mamanda Lembang Alam, Mamanda Z Rangkayo Mulia, Kanda Angku Dt Endang sataruihnyo adidunsanak di Balerong bisa maagiah pencerahan..... Sudah wakatunyo awak indak hanyo maliek kuantitas, sadonyo anak kamanakan awak sikola...tetapi juo harus diliek mutunyo..... Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ====================================================================== -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Messenger with Voice. Make PC-to-Phone Calls to the US (and 30+ countries) for 2¢/min or less. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
