Wassalamualaikum w.w.
Ambo satuju jo sinyalemen pak Chaidir bahaso kito iko angek-angek ciri' ayam.
Nan alun banyak dikaji adolah: baa mako kito iko angek-angek ciri' ayam tu
dan baa caronyo mangatasinyo. Apo memang indak ado urang awak nan amuah
basihabih untuak mawujudkan suatu cito-cito ? Ambo koq samo sakali indak yakin.
Sasuai jo panglihatan pak Darul, ambo juo mancaliak kanyataan bahaso urang
awak bisa samo-samo bakarajo, tapi kurang bisa bakarajo samo. Jo kato lain,
indak ado atau alun ado suatu raso kabarsamaan kalau dikabek dalam konteks
kamingkabauan. Kito bisa mambangun raso kabarsamoan dalam ikatan sikola, ikatan
karajo, ikatan ugamo, ikatan LSM, ikatan partai, tapi indak dalam ikatan
kaminangkabauan. Mungkin itu sababnya mako sacaro surang-surang kito bisa maju
dalam bamacam-macan limbago tu, tapi alun atau indak bisa dalam ikatan
kaminangkabauan. Baa tafsiran ambo tantang hal iko, alah ambo sampaikan dalam
babagai kasampatan.
Baa kok kito salidiki bana soal ko pak Chaidir, karano kalau dipabiakan sajo
inyo akan babaliak taruih, dan kito tacangang-cangang bakapanjangan sajo
mancaliaknyo. Kito undang satu duo panailiti profesional, kito carikan funding
agencies untuk mandanainyo, minta hasia nyo paling almo duo tahun, sudah tu
kito bahas bana dan ambiak kasimpulan basamo. Supayo jan jadi 'ruok kaniak
kanin' sajo bak kato pak Chaidir.
Wassalam,
Saafroedin Bahar (69th)
chaidir latief <[EMAIL PROTECTED]> wrote:
ass ww
pak Syaf dan para dunsanak
Carito seperti iko alah sambuah pak Syaf Kalabihan urang Batak kalabihan urang
Cino dan sagalo bangso alah habih diota jo ruok di melisko Masalahnyo kan urang
maju juo, mengambil manfaat dan mendikusikan apo yang dapak dilakukan Nan di
awak habih di analisa jo ota sajo
Ambo mancubo mamanciang dengan mengajukan artikel singkek maajak mandikusikan
kemiskinan nan tajadi di ranah mengenai urang Minang dalam kaitan apo yang
dilakukan beberapo anak mudo agar didiskusikan apo yang paralu dilakukan Apo
saran Apo pemikiran atas apo yang dilakukan itu
Ado nan ahli melis mayadiokan bilik ketek untuk khusus mambicarokan masalah itu
Eeeee Bahkan melis Gebu Minang sendiri makin langang Melis Urang Rantau Net lah
mancemeehkan Gebu Minang sendiri
Sampai kini ambo caliak nan pada mulonyo sumangaiknyo menyala nyala alah mulai
redup Apokah pada GM ko indak alah mulai terjangkik virus angek angek cirik ayam
Akhirnya kito manonton urang maju di tapi jalan mengemis karano kito makin
miskin Apo itu kemauan yang bahoyak hosen dimelis ko
Tarimo kasih
Ch N Latief Dt Bandaro 78
Saafroedin BAHAR wrote:
Waalaikumsalam w.w.
Rasonyo baru kali ko ado posting urang awak tantang kagigihan dunsanak kito
urang Batak. Ambo batarimo kasih ka Angku Z Chaniago nan alah maangkek masalah
ko.
Alah lamo ambo mamparatikan gajala sangaik capeknyo kamajuan dunsanak kito
urang Batak ko dibandiangkan jo sangaik capeknyo kamunduran urang awak, urang
Minangkabau, sajak awal dalam zaman kemerdekaan. Padohal dahulu kito samo-samo
talibat PRRI. Hanyo kito manjadikan kalah parang tu sabagai alasan untuk
manjalehkan apo sabab awak tapuruak, sadang dunsanak kito urang Batak tu indak
paduli. Mareka maju taruih, dan kudian mampu duduak dalam saluruah lapisan
pimpinan di Republik iko, baik dalam limbago sipil maupun dalam limbago militer.
Nan jadi soal: baa mako dunsanak kito urang Batak tu maju taruih, sadangkan
kito mundur bakapanjangan? A nan hebat di urang Batak dan apo pulo nan salah di
kito?
Curito Angku Z Chaniago ko adolah salah satu panjalasannyo tentang kamajuan
bakapanjangan dari urang Batak, yaitu gigihnyo para inang-inang dalam mamajukan
anak-anaknyo, sasuai jo papatah 'Anakkon Hi Do Hamoraon Diau', nan aratinyo
kiro-kiro 'Anakku adalah Hartaku". Tantu sajo tagarak pulo hati ko batanyo dan
mambandiangkan baa pulo citra 'bundo kanduang' nan kito kambangkan salamo ko
taradok anak-anaknyo ?
Dalam kaitan jo tugas ambo kini di Komnas HAM, babarapo wakatu nan lalu ambo
alah maajak babarapo rekan untuak mulai mamparatikan katarkaitan antaro hak
parampuan jo hak anak dalam konteks parsiapan pambantukan dan pambinaan hiduik
bakaluarga. Umumnyo manarimo baiak gagasan ambo iko, walau dek karano kasibukan
manangani masalah hak masyarakat hukum adat alun sempat ambo tindak lanjuti lai.
Sasuai jo papatah kito 'maambiak tuah ka nan manang' dan 'alam takambang jadi
guru' baa kok baraja kito dalam al iko ka urang Batak ? Tipak di ambo surang,
ambo alah lamo mancubo mampraktekkan sumangaik iko. Ambo amuah basihabih untuak
sikolah anak-anak ambo.
Wassalam,
Saafroedin Bahar (69th)
Komisioner Hak Masyarakat Hukum Adat
Komisi Nasional hak Asasi Manusia (Komnas HAM)
Jl Latuharhary 4B, Jakarta, 10310.
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
