Waalaikumsalam w.w. Angku Lembang Alam, Rasonyo karajo iko memang karajo gadang, nan alah lamo tabangkalai kurang labiah 170 tahun, dan kalaupun kito mulai kini, alun tantu pulo kasalasai dek kito. Namun, baiaklah karajo elok ko kito mulai dan atau kito lanjuikkan, karano posisinyo sabana penting sabagai jati diri kito, dan karano alah nampak babarapo masalah nan indak 'compatible' antaro adat jo syara' dan karano itu paralu dirapikan. Tantang caro karajo dari 'tim' ABS SBK, ambo raso dalam taraf awal cukuik dulu malalui milis [EMAIL PROTECTED] nan dikomandani dek Pak Darul. Sasakali tantu paralu dan bamanfaat jiko diadokan 'focussed grroup discussion' sacaro tatap muko. Dalam mambahas masalah, tantu kito bisa mamiliah pendekatan deduktif atau pendekatan induktif. Manuruik pandapek ambo, mungkin labiah praktis kalau dipakai pendekatan induktif, yaitu mulai manangani masalah-masalah ABS SBK nan sacaro nyato alah muncul dalam masyarakat Minangkabau salamo ko. Masalah-masalah tu disusun dalam apo nan dinamokan para anggota DPR RI sabagai DIM (Daftar Inventarisasi Masalah'), dan dibahas satu demi satu, diatur dek pak Darul sabagai moderator. Masalah-masalah ABS SBK nan ka dibicarokan alah banyak muncul dalam milis RGM GM, nan amsih bisa dibaco dari 'Files' nyo. Untuak kaparaluan analisis, indak ado salahnyo kalau dibuek'matriks' pasandiangan antaro norma, limbago, jo amalan adat jo syara'. . Ambo satuju jo pandapek Angku Lembang Alam bahaso kalau manganai syara' nampaknyo alah ado tokoh-tokoh nan tapek. Nan nampak alun banyak adolah dari tokoh-tokoh adat. Gejala iko paranah juo disampaikan dek Ananda Dt Endang Pahlawan dalam milis RGM GM. Ambo raso memang indak mudah tampilnyo tokoh adat, karano papatah: 'adat salingka nagari'. Tapi ambo raso, kalau memang alun nampak tokoh adat nan takamuko, paliang tidak limbago kolektif tokoh adat kan alah ado, yaitu LKAAM di Sumatera Barat dan LKAM di Jakarta. Di Gebu Minang ado pulo surang Ketua Bidang Adat jo Syara', yaitu Angku Datuk Bagindo Malano. Sisi adat dari ABS SBK bisa dimiintakan pandapek institusional dari LKAAM, LKAM dan atau dari Katua Bidang Adat jo Syara' Gebu Minang. Ambo picayo, bahaso tim ABS SBK nan labiah kompak ko bisa mamulai langkah awal, apolagi Ananda Rahima alah mamulai mancarikan dalil-dalil dari pasal-pasal Kompilasi Hukum Islam nan alah ado sajak tahun 1991. Tingga kito manyisikkan, manambah, mangambangkan, dan manyapakati rumusan hukum adatnyo. Kaputusan akhir tantang rumusan final ABS SBK ko tantu haruih ateh pasatujuan saluaruah urang Minangkabau, sacaro formal atau sacaro infoprmal. Mungkin sakitar limo sampai sapuluah tahun lai. Wassalam, Saafroedin Bahar Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu
Baru kini talakik mambaleh email mamak ko, dek saariko ambo pai mambao cucu bajalan-jalan saketek.Sajujurno, memang iyo lamo ambo tamanuang katiko ambo tamasuak nan diundang untuak mambahas ABSBSK dalam forum nan labiah eksklusif dan sampai kini alun ambo baleh. Timbua tanyo di hati ambo, apo iyo lai katalok di awak mangarajoan karajo barekko, apo lai kasabana kasapakaik anggota nan ditunjuak ko, sudah itu jo caro baa awak ka bakarajo samo. Itulah sababno ambo basipaik mananti, kok alah ado nan manyatoan kasadionno, nan nampak di ambo sampai kini masih saliang mananti pulo. Ambo sangaik sapakaik jo kahadiran rangkayo Rahima sarato buya Z St. Mangkuto sarato baliau-baliau nan lain nan insya Allah bisa manjadi motor untuak masalah syarak, sadangkan nan untuak masalah adaik ambo kurang tahu sia nan kasabana bisa diarok-an untuak jadi tulang pungguangno. Itu sajolah samantaro mak. Mudah-mudahan iyo bana lai kasarangkuah dayuang awak nan di undang dek angku Darul St. Parapatiah tu. No HP ambo 0812 845 83 14. Wassalamu'alaikum, Lembang Alam --- Saafroedin BAHAR wrote: > Alhamdulillah Angku Lembang Alam. > > Buliah ambo tahu nomor HP Angku Lembang Alam, > supayo kito bisa kontak SMS bilo-bilo? Nomor HP ambo > 0811 14 7621. St. Lembang Alam __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
