Assalamualakum w.w. Dunsanak Sjamsir Sjarif, Hebat sakali klasifikasi pangulu nan anam macam ko, sabagai panggandiang urang sumando nan anam macam pulo. Saisuak ambo memang paranah mambaco tantang Pangulu nan di Tanjuang, Pangulu Ayam Gadang, Pangulu Buluah Bambu, Pangulu Katuak-katuak, Pangulu Tupai Tuo, Pangulu Pisak Sarawa. Cumo dek alah lamo, alah agak lupo. Jadi adat kito sabana kritis taradok para fungsionarisnyo, mauji mereka jo apo nan dinamokan 'kinerja' dan manfaatnyo bagi sanak kaluargo. Jadi samacam 'konduite' kato urang kini. Kalau indak baitu, ambo khawatir masyarakat kito akan maluncua manjadi masyarakat feodal, sarupo di daerah lain. Jo adonyo klasifikasi panghulu, samakin yakin kito ka sumangaik demokrasi nan ditanamkan ka tiok kito urang Minang, sajalan jo ajaran adat lainny taradok iduik barajo: 'rajo adil rajo disambah, rajo lalim rajo disanggah'. Untuak malaksanakan sumangaik demokratis adat Minangkabau ko, baa kok kito mintak anak kamanakan, tamasuak dan tautamo para induak-induak, bia di Ranah maupun nan di Rantau, basamo-samo manilai sakitar 60.000 (?) orang niniak mamak dan pangulu nan ado kini masuak kategori ma ? Nan jadi masalah, pangulu nan nama nan bisa kito sabuik dan kito akui sabagai 'nan gadang basa batuah' ? Apo kasadonyo ? Apo indak paralu para pangulu ko diadokan 'fit and proper test' manuruik adat [+syara' kalau paralu, sasuai jo ABS SBK] talabaiah dahulu ? Apo indak paralu pulo dimintakan LPJ (Laporan Patagguang Jawaban) baliau-baliau tiok tahun ? Sairiang jo itu, apo indak rancak pulo kito adokan 'Piala Pangulu Taladan' sabagai contoh bagi pangulu nan lain ? Wassalam, Saafroedin Bahar
----- Original Message ---- From: Sjamsir Sjarif <[EMAIL PROTECTED]> To: lapau <[email protected]> Cc: Sjamsir Sjarif <[EMAIL PROTECTED]> Sent: Saturday, August 26, 2006 2:53:54 AM Subject: [EMAIL PROTECTED] 833 Re: 11+ syarat jadi pangulu di Minangkabau (1) Pangulu nan di tanjuang. Oh Nak Kanduang cubo pahamkan, lorong Pangulu nan Anam nantun, sabab Den ambek Denai larang, ingek pahamnyo den tarangkan: Aratinyo Pangulu nan di tanjuang, pantun si pongang dalam ngalau, atau di dalam guo-guo, baiak di rongkok-rongkok tabiang: Kito maariak inyo maariak, kito babuni inyo babuni, diimbau, buni iyo bana, dituruik indak nan basuo, diliek indak tampak rupo. Babuni di buni urang, itu Pangulu sipaik duto, dareh antak, lalu 'ndak ado, babana di bana urang, elok dicaliak-caliak sajo. (Kutipan dari: Siti Jauhari ka Sutan Samparono dalam Kaba Rancak di Labuah). Salam, --MakNgah >833 Re: [EMAIL PROTECTED] 11+ syarat jadi pangulu di Minangkabau >From: Sjamsir Sjarif - view profile >Date: Wed, Aug 23 2006 6:12 pm >Email: Sjamsir Sjarif <[EMAIL PROTECTED]> >... > >Mangko baitu janyo Denai, >Pangulu banyak dang namonyo, >nan pangulu jatuah buruak. > >Partamu Pangulu nan di Tanjuang, >kaduo Pangulu Ayam Gadang, >katigo Pangulu Buluah Bambu, >kaampek Pangulu Katuak-katuak, >kalimo Pangulu Tupai Tuo, >kaanam Pangulu Pisak Sarawa. > >Oh 'Nak Kanduang Sibiran Tulang, >itulah lambah kainoan, >usah bakubang anak ka kiun, >jan tacampuang ka Nan Anam. > >Diam lah dalam Martabat Kito, >sanang di dalam Saraik Rukun. > >(Kutipan dari: Siti Jauhari ka Sutan Samparono >dalam Kaba Rancak di Labuah). > >Salam, >--MakNgah No virus found in this outgoing message. Checked by AVG Free Edition. Version: 7.1.405 / Virus Database: 268.11.5/425 - Release Date: 8/22/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
