Waalaikumsalam w.w. Dunsanak Rul Jamal,
Wakatu dan tampeknyo tetap: Hari Rabaa, 6 September 2006, jam 16:00 di Lt 3
Komnas HAM. Acara kito "brainstorming" baa mamaliharo sarato mandayagunokan
potensi "Mak Itam".
Tujuan jangka dakek kito kini bukan untuk mambuka usaho, atau mancari untuang
atau ka manggantikan oto L300 sebagai angkutan panumpang sahari-hari, tapi
mangumpuakan sagalo gagasan dan pangalaman, sahinggo asset Negara nan baitu
banyak indak mubazir. Kalau bisa didayagunokan untuak tujuan lain - saparati
pariwisata sejarah, pariwisata budaya -- atau sakadar pariwisata nostalgia dari
sagalo urang nan paranah takaik jo 'Mak Itam' tu, tamasuak jo katurunannyo.
Tantang na tarakhir ko ambo agak takajuik juo mancaliak banyaknyo dunsanak nan
masih baminat jo 'Mak Itam' ko.
Tadi siang, kabatulan ambo sadang badinas ka Padang, ambo sempatkan sakitar 3/4
jam pai ka stasiun Simpang Haru, Padang , salain mancaliak stasiun, bengke dan
lokomotif, dan saliincam maota jo pegawai jo montir di bengke, baliau-baliau
sadang maotak-atik masin diesel lokomotif.
Babarapo katarangan nan ambo dapek: kareta api wisata tu masih jalan, yaitu
tiokj hari Minggu rute Padang- Pariaman pakai lok diesel; rel antaro Padang-
Singkarak masih bisa dipakai; kalau paralu rute itu bisa diiduikkan karano kini
masih ado lok diesel nan masih iduik dan bisa pakai gigi, hadiah dari Swiiss;
lokomotif uap indak ado nan jalan lai, tapi loknyo masih adio di Padangpanjang,
bisa ditinjau sabagai barang musuem.
Manuruik pandapek ambo, kalau bisa sasakali kito nan baminaik dari Rantau ko
kito luangkan bana wakatu nantik - misalnyo sasudah Hari Rayo -- basamo-samo
bakunjuang ka pimpinan PJKA Sumbar itu, naik kareta kito dari Simpang Haru ka
Kayutanam, mancaliak INS bagai. Di ateh kareta bao rombongan saluang jo makanan
Padang sarupo katupek, lontong, dadiah, palai rinuak jo goreng ikan bilih, nasi
bareh Solok, pakai samba lado. Adokan samacam 'pramugari wisawa' babaju
kuruang. Nak sarupo pulo jo kapa tabang, buek pulo di situ manjua barang-barang
karajinan tangan sarupo mikena, songket, tangkelek, bajui Cino, sarawa jawo.
Wah, sabana hebat. Urang nan alah muak naiak kapa tabang, naiak kureta nan
lambek jalannyo tu sambia mancaliak suok kida lain pulo romantisnyo
Pak Chaidir bapasan kalau baliau talambek datang, rapek kito taruihkan,
mambahas:
1. Mambuek Sekretariat Paguyuban, tarutamo dari nan mudo-mudo. Manuruik ambo
nak gagah bunyinyo sakektek, kito angkek surang 'Sekretariat Jenderal".
2. Sasudah tu mambuek Tim Keuangan. Pitih tantu paralu, hanyo sabalun tu paralu
disusun program dan anggarannyo. Dalam taraf paratamo ko, kito buek nan praktis
dulu misalnya mambuek 'mailinglist' kiro-kiro namonyo '[EMAIL PROTECTED] .
Dokumen nan paralu kito sebarkan, di-upload sajo ka dalam "Files" milis tu.
3. Manuruik pandapek ambo, salain tu paralu kito bagi kaeajo, antaro lain:
a. Divisi Sejarah dan Inventarisasi Asset.
b. Divisi Wisata.
c. Divisi Pengembangan.
4. Dalam Divisi Pengembangan ad 3 c di ateh kito tampuang salapan program nan
disarankan pak Chaidir yaitu:
a. Sumatera Barat dan Trans Sumatra Railway.
b. Mamaliharo jaringan sebelah barat Bukit Barisan.
c. Angkutan Semen Padang/Semen Indarung.
d. Angkutan kelapa sawit dari Pasaman.
e. Shuttle servic Teluk bayur - Pariaman - Bandara Minangkabau -
Kayutanam
f. Angkutan wisata Lembah Anai.
g. Angkutan Mahasiswa Limau Manis.
h. Jalan tembus Teluk Bayur -Bungus.
Salain tu, ado nan takana dek ambo, yaitu: untuak langkah paratamo baa kok
indak kito rencanakan bana sacam 'Young Perantau Homecoming Journey' untuak
anak-anak kito nan lahia dan gadang di Rantau. Dalam event nan kiro-kiro salamo
saminggu ko, kito adokan rangkaian event samacam ko:
1. Hari paratamo dan kaduo: di Padang, pakai bus, acara antaro lain:
a. Briefing jo Pak Gub dan ketua DPRD Sumbar tantang pembangunan
Sumbar, kamajuan dan hambatannyo, diikuti jo tanya jawab - 60
minik.
b. Panjalasan tantang norma ABS SBK dek Ketua LKAAM jo MUI Sumbar
-- 60
minik, diikuti jo tanya jawab.
c. Mangunjungi Musem Adityawarman, penjelasan tantang Sejarah
Minangkabau, 90 minik, diikuti tanja jawab.
d. Maninjau Bangunan tuo di Pasa Gadang, bangunan VOC di Muaro, dan
Bukik jo
Jembatan Siti Nurabaya
d. Maninjau Pabirik Semen Padang, Taluak Bayua, lalu makan ikan di
Bunguih.
e. Malam Kesenian Padang Pariaman
Manginap di Padang
2. Hari katigo ka ampek, dari Stasiun Simpang Haru ka Padangpanjang taruih
ka
Singkarak, naiak kareta api bagigi: 'Young Perantau Homecoming Train",
maninjau:
a. INS Kayutanam.
b. Pusat Dokumentasi dan Informasi Minangkabau.
c. Minangkabau Village.
d. Diniyah Puteri Padangpanjang
e. STSI Padangpanjang, malam kesenian Tanah Datar, Solok,
Sawahllunto
Sinjungjung.
Mainginap di Padangpanjang.
3. Hari kalimo, kaanam: dan ketujuh
a. Acara bebas di Singkarak, olah raga air atau olah raga jalan kaki
ke bukik di
sakaliliang.
b. Lanjut jo bus ka Batusangka- Pagaruyung - Bukittinggi.
1) Maninjau eks 'Sekolah Raja' sekarang SMA 2.
2) Meninjau 'Museum Perjuangan' atas Ngarai/ tempat rapat
persiapan
pembentukan Pemerintah Darurat Republik Indonesia,/ PDRI,
19 Desember
1948.
3) Meninjau Obserbatorium Bintang di Palupuh.
4) Meninjau Monumen Pesawat 'Avro Anson" di Gadut.
5) Meninjau rumah Bung Hatta.
Manginap di Bukittinggi.
Baa pandapek para Dunsanak ?
Wassalam,
Saafroedin Bahar.
---- Original Message ----
From: rul djamal <[EMAIL PROTECTED]>
To: Saafroedin BAHAR <[EMAIL PROTECTED]>; [email protected]
Sent: Tuesday, September 5, 2006 6:01:12 PM
Subject: Re: [EMAIL PROTECTED] Paguyuban Pecinta Jaringan Kereta Api Sumbar
Ass Wr Wb
Pak Syaf dan dunsanak dipalanta rantau net
ambo ingin pulo ikuik ciek , apo jadi hari rabu 6/9 atau hari jumaek tgl 8/9
? mohon konfirmasi
wass wr wb
cd rajosampono ( 57+)
----- Original Message -----
From: "Saafroedin BAHAR" <[EMAIL PROTECTED]>
To: "Yulnofrins Napilus" <[EMAIL PROTECTED]>; "palanta minang"
<[email protected]>
Sent: Monday, September 04, 2006 4:29 AM
Subject: Re: [EMAIL PROTECTED] Paguyuban Pecinta Jaringan Kereta Api Sumbar
> Alhamdulillah sagalo Dunsanak,
>
> Ambo tunggu.
>
> Wassalam,
> Saafroedin Bahar
>
>
> ----- Original Message ----
> From: Yulnofrins Napilus <[EMAIL PROTECTED]>
> To: Saafroedin BAHAR <[EMAIL PROTECTED]>; [email protected]
> Cc: [EMAIL PROTECTED]; IPMPP <[EMAIL PROTECTED]>;
[EMAIL PROTECTED]
> Sent: Sunday, September 3, 2006 11:35:24 PM
> Subject: Re: Paguyuban Pecinta Jaringan Kereta Api Sumbar
>
>
> Waalaikumsalam wr.wb.
>
> Kito tunggulah hari Rabu, sia sajo nan lain nan spontan bisa hadir dan
ikuik sato mandukuang ide Pak Saaf dan Pak Chaidir, demi optimalisasi "aset
raksasa" Sumbar ini.
>
> Tarimo kasih Pak Saaf, sampai basuo hari Rabu bisuak.
>
> Salam,
> Nofrins St. Batuah
>
>
> Saafroedin BAHAR <[EMAIL PROTECTED]> wrote:
> Assalamualaikum w.w. Dunsanak Yulnofrins,
>
> Tariomo kasih Dunsanak, alah bagulir bola tu mah. Susunan Paguyuban indak
usah kaku bana. Nan penting adolah kito samo-samo baminat manyalamatkan
kureta api di Sumatera Barat. Salain Ketua tantu paralu ado Sekretartis nan
mabuek undangan jo nolulen rapek sarato surek-surek kalua. Kalau bisa ado
bagian Humas untuk mamaliharo hubungan jo baliau-baliau pandukuang gagasan
ko, tamasuak keluarga besar eks PJKA Sumatera Barat. Sebagai Ketua Pak
Chaidir sabaiiaknyo acok muncul di muko publik untuka manggalang dukungan
di dalam dan di lua nagari. Mungkin urang Ulando ado nan masih banostalgia
jo kureta api bagigi di Sumatera Barat.
>
> Ambo bia manyadiokan tampek rapek jo snack a la kadarnyo.
>
> Wassalam,
> Saafroedin Bahar.
>
> ----- Original Message ----
> From: Yulnofrins Napilus <[EMAIL PROTECTED]>
> To: Saafroedin BAHAR <[EMAIL PROTECTED]>; [email protected]
> Cc: [EMAIL PROTECTED]; IPMPP <[EMAIL PROTECTED]>;
[EMAIL PROTECTED]
> Sent: Sunday, September 3, 2006 1:45:14 PM
> Subject: Re: Paguyuban Pecinta Jaringan Kereta Api Sumbar
>
>
> Waalaikumsalam wr.wb.
>
> Pak Saaf, ambo confirmed. Dan Head of Artistic RCTI pun juo alah confirmed
untuk hadir sekaligus dg usulan2 agenda acaranyo. Urang RCTI iko dl juo
terlibat mambantu team acara Megalitikum Kwantum di Garuda Wisnu Kencana
Bali bbrp waktu lalu.
>
> Kalau susunan Paguyuban iyo alun jaleh bana dek ambo lai do. Tapi ambo
insya allah akan sato didalamnya. Usulan Ketua ambo tetap mandukuang Pak
Chaidir N Latief.
>
> Biaso no kalau indak basabuik namo utk DIUNDANG, kadang agak anggau juo ka
datang. Jadi bia lah ambo mulai dari nan ambo kenal2 dulu, setidaknya di
milis, untuang2 lah kok "terketuk" pulo sato urun rembuk iko sbb:
>
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
