Walaikumsalam warahmatullahiwabarokatuh.
Lah panek kami dek ba bansi, bansi tasanda di pamatang, lah panek kami
mananti, baa nyo sutan talambek datang, dimalam samalam nanko antah bulan ko
nan tarang antah bintang nan cayo, gadang ati ndak tabado kok ditunggu lah
datang nan dijapuik lah tabao, ramo-ramo di padalaman patah sayok tabang
baranti manukiak ka dalam ladang, usah lamo sutan di laman ambiah cibuak
basuahlah kaki naiak ka ateh rumah gadang, gayuang usah tuan sambuik, jo karajo
sajo tuang iriangkan.
Assalamualaikum sambah sujuik dengan simpuah sabarek bungkah nan piawai,
marajo ko luruih main daun indak basibak jo basisiah bukan bainggo jo babateh
sambah kapado niniak mamak nan gadang basa batuah nan bapucuak sabana bulek nan
baurek sabana tungga dianjuang tinggi di amba gadang sandi andiko di dalam
kampuang tampuak jo tangkai di nagari. nan baumpamo kayu gadang di tangah koto
baurek di limbago matan ba dahan cupak jo gantang ba rantiang baribalabe babung
rimbundi adaik babuah kato nan bana, buliah baselo di ureknyo dapek basanda
dibatung nyo gantuang cupak nan duo, partamo cupak usali kaduo cupak buatan.
Sampai kapado imam katik bila ulana tuanku tau jo hala dengan haran sarato sah
dengan batas suluah biendang adat limbago, hulu balang jo hampung limo jo manti
pagai adat parik dalam pagaran kokoh. cadiak jo tau pandai nan arih jo
bijaksano tau jo amin nan basiru tau jo ombak nan basabung sarato dahan ka
maimpok atau pun rantiang ka mancucuak. Tau jo ujuang kato
sampai alun takilek lah takalam bulanlah sangkap tigo puluah. takilek ikan
dalam aia, ikan takilek jalo tibo lah tantu jantan jo batinonyo, sarato nan
mudo pembimbiang bumi, capek kaki ringan tangan, capek kaki ndak tataruang,
capek tangan ndak pa macah. Asa tarantang do sudah hatinyo suci bamuko janiah.
tau dek malu, dengan sopan, sarato raso jo pareso taruih pulo ka bundo kanduang
limpapeh rumah gadang su marak dalam kampuang hiasan dalam nagari. Kok iduik
tampek ba nafkah, kok mati tampaik ba niaik, ka unduang-unduan ka barinak ka
payuang panji ka sarugo ambun puruak alun bunyian urang nan duduuak jo sukatan,
kalilawa di pulau rimbang anak ruso mati ta dabiah, kok gawa minta di timbang,
kok doso ampun nan labiah, bukan kambiriang menggulampai, tambilang panggali
pakuburan. bukan mambilai pandai-pandai, mambilang untuak di pasambahankan.
dipanggang-panggang digatok-gatok dikira-kirai, dibakan ikan tatangguak ikan
gulamo. Dibilang-bilang diarik-arik di kirai-kirai
dikambang sitabo lamo. takalo maso dahulunyo samusim maso saisak katiko langik
basentak turun bumi basentak naiak laui sa campak jalo kanadarek bagulek ba nan
timbua gunung marapi, lorong di niniak moyang kita asa usua kalo di kaji dalam
sitambu lamo sapiah balalian tigo jurai, sajurai ka banda cino, sajurai ka
bandurun, sajurai ka pulau ameh nangko, sapihak di sutan rajo marajo taniat
dalam hati, tacinto dek kiro-kiro.
---------------------------------
Stay in the know. Pulse on the new Yahoo.com. Check it out.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
